प्रेरितहोन 3
3
मदिर कि भिकारी को अच्छो होनु
1एक दिन पतरस अरु यहून्ना तीसरा पार प्रार्थना का टेम मे मन्दिर मे जै र्हा था. 2अरु दुन्या एक जन्म का लगडा खे लै र्हा था जेखे वे हरदिन मन्दिर का उ दरवाजा पर जो सुन्दर बोलस हइ बठै देतो थो कि उ मन्दिर मे जानआला से भीक माग्ये. 3जब ओने पतरस अरु यहून्ना को मन्दिर मे जाते देख्यो ते ओने भीक मागी 4पतरस ने यहून्ना का साथ ओका तरफ ध्यान से देखीखे बोल्यो, हमारा तरफ देख. 5आखरी उ उनसे कुछ पान की आस रखता हुये उनकी तरफ ताकन लग्या. 6तब पतरस ने बोल्यो चादी अरु सोन्नो ते मरा पास हइ नीका पन जो मरा पास हइ उ तोखे देस हइ. यीशु मसीह नासरी का नाम से चल फिर. 7अरु ओने ओको जवनो हाथ पकडी खे ओखे उठायो. अरु जल्दी ओका पायहोन अरु घुटना मे बल अय गयो. 8उ कुदिखे खडो हुइ गयो अरु चलन फिरन लग्यो अरु चलता, अरु कूदते, अरु परमेश्वर की स्तुती करता हुया उनका साथ मन्दिर मे गयो. 9सब दुन्या ने ओखे चलता फिरता अरु परमेश्वर कि स्तुती करता देखीखे. 10ओखे पैछान लियो कि यो उ हइ जो मन्दिर को सुन्दर फाटक पर बठी खे भीक माग्या करतो थो. अरु वा घटना से जो ओका साथ हुइ थी वे भोत अचम्भित अरु चकित हुया.
मन्दिर मे पतरस को उपदेश
11जब उ पतरस अरु यहून्ना खे पकड्या हुया था, ते सब दुन्या भोत अच्मबो करता हुया ओका ओसरी मे जो सुलैमान को बोलस हइ ओका पास दौडी आया. 12यो देखी खे पतरस ने दुन्या से बोल्यो, “हे इस्त्राएलिहोन खे तुम यो इन्सान पर क्यु अच्मबो करस हुइ कि अरु हमारी तरफ क्यु यो प्रकार देखी र्हा हइ कि मानो हम ही ने अपना सामर्थ्य या भक्ति से येखे चलना फिरना योग्य बनइ दियो.” 13अब्राहम अरु इसहाक अरु याकूब को परमेश्वर हमारा बापदादाहोन को परमेश्वर ने अपना सेवक यीशु की महिमा की जेखे तुम ने पकड्यइ दियो, अरु जब पिलातुस ने ओखे छोड देन को बीचार कर्यो, तब तुम ने ओका सामने ओको इनकार कर्यो. 14तुम ने उ पवित्र अरु धर्मी को इनकार कर्यो, अरु प्रार्थना करी कि एक हत्यारा, तुम्हारा लिये छोड दिया जाये. 15अरु तुम ने जिवन को कर्ता खे मारी डाल्यो जो परमेश्वर ने मर्या हुया मे से जिन्दो. अरु या बात कि हम गवा हइ.
16अरु ओका नाम ने उ विश्वास का वजेसे जो ओका नाम पर हइ, यो इन्सानखे जेखे तुम देखस हइ अरु जानस भी हइ सामर्थ दियो हइ. उ विश्वास ने जो ओका वजेसे हइ, येको तुम सब, सामने बिलकुल भलो अच्छो करी दियो हइ.
17अब हे भैइहोन अरु बहीनहोन, मी जानुस हइ कि यो काम तुम ने अज्ञानता मे कर्यो, अरु वसो ही तुम्हारा सरदारहोन ने भी कर्यो. 18पन जो बातहोन खे परमेश्वर ने सब भविष्यव्दक्ताहोन क मेडा से पैयले ही बत्यै दियो थो, कि ओको मसीह दुख उठायेका उनखे, ओने या रीति से पूरो कर्यो. 19येका लियेका मन फिरानु अरु लौट आनू कि जोकासे का सामने से अराम का दिन आये. 20अरु उ प्रभु यीशु खे भेज्ये जो तुम्हारा लिये पैयले हि से मसीह ठैरायो गयो हइ. 21जरुरी हइ कि उ स्वर्ग मे उ टेम तक र्हिये जब तक कि उ सब बातहोन, सुधार नी करी ले जोकी बातचीत पुराना काल से परमेश्वर ने अपना पवित्र भविष्यव्दक्ताहोन का मेडा से करी हइ. 22जसो कि मूसा ने बोल्यो, प्रभु परमेश्वर तुम्हारा भैइहोन अरु बहीनहोन मे से तुम्हारा लिये मरा जसो एक भविष्यव्दक्ता उठायेका जो कुछ उ तुम से बोल्येका ओकी सुन्नु. 23पन हरेक इन्सान जो उ भविष्यव्दक्ता कि नी सुन्ये का दुन्या का मन मे से खत्म कर्यो जाये. 24अरु शमूएल से लिखे ओका बाद आनआलो तक जोत्ता भविष्यव्दक्ता बोल्ये उन सब ने इन दिनहोन को सन्देश दियो हइ. 25तुम भविष्यव्दक्ताहोन की सन्तान अरु वा वाचा को हिस्सेदार हुया, जो परमेश्वर ने तुम्हारा बापदादाहोन से बाधी, जब ओने अब्राहम से बोल्यो, तरा कुल का वजेसे पृथ्वी का पुरा घराना आशिर्वाद मील्ये. 26परमेश्वर ने अपना सेवक खे उठैखे पैयले तुम्हारा पास भेज्येका कि तुम मे से हर एक खे ओकी बुराइहोन से फेरीखे आशिर्वाद देनु.
انتخاب شده:
प्रेरितहोन 3: NTGnn24
هایلایت
به اشتراک گذاشتن
کپی

می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The New Testament in Gowlan Language ©The Word for the World International and Gawlan Translation Samiti, Telkhar, Maharashtra, India, 2024.