Tatanigaina 6:1-4

Ka dike tatanigai tehiro ira noni ka malau iahi peka dike doliro ghu ira tuudi ghase, ira tuunamane God dike finiri ta ghaseveha ghedira fotati foforu irahi dike hio mala ghaseborodi ghu heiri dike faeterira ka maneri. Kahe ghua tuna iahi neke ghua Iahova, “Ara e deo ga age va malumuri ghu ira noni ta age doli toghunaina, vununa maneri mu di vilahi ma. Ghatunaina e vai vona ghu maneri deo gedi boka age au fuludu laoi ghu 120 komuhu.” Ka ravata iranimu nia ka ira keha fafata leghunana e ghua, ira zinahagala dike pagusudi meharo ira fotati noni nia ira tuunamane God dike aura ka malau iahi peka. Maneri mu dike manehetadira nia mane varangadira ka ira fafata sepao laoni.