Luka Kitap haqqında maǵlıwmat
Kitap haqqında maǵlıwmat
Bul kitap Jańa Kelisimdegi tórt Xosh Xabardıń úshinshisi. Bul kitaptı Luka jazǵan. Ol elshi Paveldiń sadıq dostı bolıp, kóp xızmet saparlarda birge bolǵan jaqın joldası edi.
Ol Xosh Xabardıń dawamı sıpatında «Elshilerdiń isleri» kitabın da jazǵan. Luka bul kitaptı Iysa Masiyxtıń pútkil adamzat ushın wáde etilgen Qutqarıwshı ekenin hámme milletlerge bildiriw ushın jazadı. Solay etip, ol Qudaydıń qutqarılıw jobasınıń ishine tek yahudiyler emes, al basqa milletler de kiretuǵının kórsetedi.
Luka óz kitabında Iysanıń xızmeti hám tálimatı haqqında sóz etedi. Masiyxtıń tuwılıwınan baslap, aspanǵa kóteriliwine deyin bolǵan waqıyalardı súwretleydi hám tariyxıy waqıyalardı keltiredi.
Luka jazǵan Xosh Xabarda basqa úsh Xosh Xabarǵa qaraǵanda «Adam Ulı» degen at kóbirek qaytalanıp, Iysanıń dúnyanı qutqarıw ushın kelgen Qudaydıń wákili ekenligi kórsetiledi. Duwa etiwge ayrıqsha dıqqat awdarılıp, Xosh Xabardı esitken adamlardıń quwanıshı hám Muxaddes Ruwxtıń tutqan ornı atap ótiledi. Jáne de, sol zamanda jámiyettiń tómengi qatlamlarına kiretuǵın hayallarǵa, jarlı adamlarǵa hám gúnakarlarǵa degen Iysanıń ǵamxorlıǵı haqqında aytıladı.
انتخاب شده:
Luka Kitap haqqında maǵlıwmat: QrqMK22
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Институт перевода Библии, 2022