ڢَارَوَ غَبَاتَرْوَ
غَبَاتَرْوَ
لِتَّڢِنْ ڢَارَوَ يَا بَادَ تَارِيحِنْ ڢَارَوَرْ دُونِيَا دَ حَلِتَّرْ مُتُمْ دَ يَدَّ ذُنُوبِ دَ وَهَلَ سُنْ ڢَارَ عَدُونِيَا دَ يَدَّ اللَّهْ يَا ڢَارَ عَيْكِنْسَ نَكَوَرْدَ ذُنُوبِ دَ كُمَ يَدَّ اللَّهْ يَيِ دَ مُتُمْ؞
أَنَ عِيَ رَبَ لِتَّڢِنْ ڢَارَوَ كَشِ بِيُ؞
1﴾ حَلِتَّرْ دُونِيَا دَ ڢَارَوَرْ تَارِيحِنْ یَنْ أَدَمْ؞ أَ نَنْ نٜىٰ عَكٜىٰ سَامُنْ لَابَرِنْ ءَادَمُ دَ هَوَّآءُ دَ كَيِنُ دَ هَبِيلَ دَ نُوحُ دَ كُمَ لَابَرِنْ بَبَّرْ أَمْبَلِيَرْ ضُوَ دَ حَصُومِيَا تَ بَابِيلَ؞ ﴿لِتَّڢِنْ ڢَارَوَ سُورَ 1—11﴾
2﴾ تَارِيحِنْ كَاكَنِّنْ ڢَرْكُواْ نَ إِسْرَٰٓءِيلَاوَا؞ نَڢَارِ شِينٜىٰ إِبْرَٰهِيمْ، وَنْدَ اللَّهْ يَيِ يَرْجٜىٰجٜىٰنِيَ دَشِ ثٜىٰوَ ذَيْ ذَمَ اللَّهْ نْسَ كُمَ ذَيْسَا يَذَمَ حَنْيَرْ أَلْبَرْكَ غَ سَوْرَنْ ڧَبِيلُنْ دُونِيَا؞ إِبْرَٰهِيمْ يَيِ سُونَ سَبُواْدَ بَنْ‌غَسْكِيَرْسَ دَ كُمَ بِيَيَّرْدَ يَيِ وَ اللَّهْ؞ سَيْ كُمَ لَابَرِنْ إِسْحَٰڧَ طَنْ إِبْرَٰهِيمْ دَ لَابَرِنْ جِيكَنْسَ يَعْڧُوبَ، وَتُواْ إِسْرَٰٓءِيلَ دَ لَابَرِنْ یَیَنْ يَعْڧُوبَ غُواْمَشَا بِيُ، وَطَنْدَ سُونٜىٰ إِيَايٜىٰنْ ظُرِيُواْيِ غُواْمَشَا بِيُ نَ إِسْرَٰٓءِيلَ؞ عَڧَرْشٜىٰ، عَكَ بَادَ لَابَرِنْ يُوسُڢَ، طَيَ دَغَ ثِكِنْ یَیَ مَظَا نَ يَعْڧُوبَ دَ كُمَ غَمٜىٰدَ أَبُبُوَنْ دَسُكَ ڢَرُ وَطَنْدَ سُكَ ذَمَ دَلِيلِنْ دَ يَعْڧُوبَ دَ سَوْرَنْ یَیَنْسَ دَ عِيَلَنْسُ سُكَ كُواْمَ دَ ذَمَ عَڧَسَرْ مَصَرْ؞
كُواْدَيَكٜىٰ لِتَّڢِنْ ڢَارَوَ يَا بَادَ لَابَرِ غَمٜىٰدَ مُتَنٜىٰنٜىٰ، دُكْدَهَكَ ڨُويَرْ مَغَنَرْ لِتَّڢِنْ تَنَ غَمٜىٰدَ أَبِنْدَ اللَّهْ يَيِ نٜىٰ؞ لِتَّڢِنْ يَا ڢَارَ دَ تَبَّثِ ثٜىٰوَ اللَّهْ نٜىٰ يَا حَلِثِّ دُونِيَا؞ يَا كُمَ كَمَّلَ دَ تَبَّثِ ثٜىٰوَ اللَّهْ ذَيْ يِتَكِيَايٜىٰ يَرْجٜىٰجٜىٰنِيَرْسَ دَ مُتَنٜىٰنْسَ؞ عَثِكِنْ لِتَّڢِنَّنْ، ذَاعَ عِيَ غَنِ ثٜىٰوَ اللَّهْ نٜىٰ كُلُّمْ مَيْ طَوْكَرْ مَتَاكِ نَڢَرْكُواْ عَكُواْمٜىٰ؞ شِينٜىٰ مَيْ شَرِيعَ دَ مَيْ حُكُنْتَ وَطَنْدَ بَسُ عَيْكَتَ دَيْدَيْبَ؞ شِينٜىٰ مَيْبِے دَ كُمَ مَيْ تَيْمَكُوانْ مُتَنٜىٰنْسَ؞ تَهَكَنٜىٰ يَغِنَ مُسُ تَارِيحِ؞
أَبُبُوَنْ دَ سُكٜىٰ ثِكِ
تَارِيحِنْ حَلِتَّرْ سَمَ دَ دُونِيَا 1.1—4.26
تَارِيحِنْ ذُرِيَرْ ءَادَمُ 5.1—6.8
تَارِيحِنْ نُوحُ 6.9—9.29
تَارِيحِنْ شٜىٰمْ دَ هَمْ دَ يَڢٜىٰتْ 10.1—11.9
تَارِيحِنْ ذُرِيَرْ شٜىٰمْ ذُوَا إِبْرَمْ 11.10-32
تَارِيحِنْ إِبْرَٰهِيمْ دَ إِسْحَٰڧَ دَ يَعْڧُوبَ 12.1—35.29
تَارِيحِنْ ذُرِيَرْ إِسُوَ 36.1-43
تَارِيحِنْ يُوسُڢَ دَ یَنْعُوَنْسَ 37.1—45.28
تَارِيحِنْ إِسْرَٰٓءِيلَاوَا عَڧَسَرْ مَصَرْ 46.1—50.26
لِتَّڢِنْ ڢَارَوَ
اکنون انتخاب شده:
ڢَارَوَ غَبَاتَرْوَ: hauAS
های‌لایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Hausa Common Language Ajami Bible © The Bible Society of Nigeria, 2020