མེ་ཐིའུ་ལེའུ་ 3
3
ཁྲུས་གསོལ་བྱིན་མི་ ཡོ་ཧ་ནཱན་གྱིས་ཆོས་བཤད་པའི་སྐོར།
1དུས་ཚོད་དེའི་སྐབས་ལུ་ཁྲུས་གསོལ་བྱིན་མི་ ཡོ་ཧ་ནཱན་འོངས་ཏེ་ ཡུ་དེ་ཡ་གི་རི་སྟོང་གཅིག་ནང་མི་དམངས་ལུ་ཆོས་དེ་སྦེ་བཤད་ནུག 2ཁྱེད་ཀྱིས་སྡིག་པའི་ལཱ་ཚུ་སྤངས་ཏེ་སེམས་འགྱུར་ ག་ཅི་སྨོ་ཟེར་བ་ཅིན་ ཞིང་ཁམས་ཀྱི་རྒྱལ་སྲིད་དེ་ ནཱ་སྦོ་ལོགས་ཁར་འོང་ཡི་ཟེར་བཤད་ནུག 3དེ་ལས་ ཡོ་ཧ་ནཱན་གྱི་སྐོར་ལས་ལུང་སྟོན་པ་ ཨའི་ཟ་ཡ་གིས་ཧེ་མ་ལས་རང་དེ་སྦེ་གསུངས་ནུག
གཙོ་བོའི་ལམ་འདི་གྲ་སྒྲིག་རྐྱབས་ ཁོ་གི་འབྱོན་ལམ་འདི་ཕྲང་སྟེ་བཟོ་ཟེར་ རི་སྟོང་ནང་ལས་སྐད་གཅིག་བརྐྱབ་འོང་།#༣:༣། ཨའི་ཟ་ཡ་ ༤༠:༣། 4ད་ ཡོ་ཧ་ནཱན་གྱི་བགོ་ལ་རྔ་མོང་གི་བལ་གྱིས་འཐག་འཐགཔ་ཨིན་མས་ དེ་ལས་ཁོ་གི་ཐག་ལེབ་ཡང་ཀོཝ་གི་ཨིན་མས་ དེ་མ་ཚད་ ཁོ་གི་བཞེས་སྒོ་ཚུ་ཡང་ སྤྱིའུ་ལྟགཔ་དང་ནགས་ཚལ་གྱི་སྦྱང་ཚུ་ཨིན་མས། 5དེ་ལས་ཁོ་སྡོད་སར་ཆོས་ཉན་པ་ ཡེ་རུ་ཤ་ལེམ་དང་ ལུང་ཕྱོགས་ ཡུ་དེ་ཡ་ དེ་ལས་གཙང་ཆུ་ ཡཱོར་དཱན་གྱི་མཐའ་འཁོར་ཡོད་མིའི་གཡུས་ཚན་ཚུ་གི་མི་ག་ར་སོང་ནུག 6དེ་ལས་མི་དེ་ཚུ་སྡིག་པའི་བཤགས་པ་ཞུ་ཡི་རང་ གཙང་ཆུ་ ཡཱོར་དཱན་ནང་ལུ་ ཡོ་ཧ་ནཱན་ལས་ཁྲུས་གསོལ་ཞུ་ནུག
7དེ་འབདཝ་ད་ ཕ་རུ་ཤི་པ་དང་ ས་དུ་ཀི་པ་ལེ་ཤ་རང་#༣:༧། ཡ་ཧུ་ད་པའི་ཆོས་ལུགས་ནང་ལས་ ཕ་རུ་ཤི་པ་དང་ ས་དུ་ཀི་པ་ཟེར་མི་གཉིས་ ཆོས་ལུགས་ཁག་ཆེ་ཤོས་ཨིན་མས། ཁྲུས་གསོལ་ཞུ་ནི་སྦེ་འོང་ས་ ཡོ་ཧ་ནཱན་གྱིས་མཐོང་སྟེ་ ཁོ་གིས་ཁོང་ལུ་ སྦུལ་གདུག་དྲགས་ཀྱི་བུ་བརྒྱུད་ངན་པ་ ཁྱེད་དཀོན་མཆོག་གིས་གནང་ནི་འབད་མི་ཆདཔ་ལས་འབྱོག་ཟེར་ ག་གིས་སླབ་སྨོ། 8ཁྱེད་ཀྱིས་སྡིག་པའི་ལཱ་སྤངས་ཏེ་ སེམས་འགྱུར་ནི་གི་འབྲས་བུ་བཏོན་དགོ། 9ང་བཅས་ ཨབ་ར་ཧམ་གྱི་རིགས་བརྒྱུད་ཨིན་ཟེར་ དཀོན་མཆོག་གི་ཆདཔ་ལས་ཐར་བའི་མནོ་བསམ་མ་གཏང་ དཀོན་མཆོག་གིས་ཨ་ནི་རྡོ་ཚུ་ལས་ ཨབ་ར་ཧམ་གྱི་བུ་བརྒྱུད་མཛད་ཚུགས་ཟེར་ང་གིས་སླབ་དོ། 10ད་སྟ་རེ་དེ་ཤིང་གི་རྩ་བ་བཞག་ཡོད་ ཤིང་འབྲས་ལེགས་ཤོམ་མ་བཏགས་མི་ཤིང་འདི་ཚུ་ག་ར་བཏོགས་ཏེ་ མེ་ནང་བཙུགས་ནི་ཨིན།
11དབའེ་ ང་བཅས་མི་ཚུ་ ཁྱེད་ཀྱིས་སྡིག་པའི་ལཱ་སྤངས་ཏེ་ སེམས་འགྱུར་ནི་འདི་གིས་ ང་གིས་ཁྱེད་ལུ་ཆུའི་ཁྲུས་གསོལ་བྱིནམ་ཨིན་ དེ་འབདཝ་ད་ ངེ་གི་ཤུལ་ལས་འབྱོན་ནི་སྦེ་མི་འདི་ ང་ལས་ཡང་དབང་ཤུགས་ཅན་གཅིག་ཨིན་ ཁོ་གི་ཞབས་ལྷམ་ཕུད་མི་གཅིག་གི་འོས་འབབ་ཡང་ང་ལུ་མེད་ ཁོ་གིས་ཁྱེད་ལུ་དམ་པའི་ཐུགས་ཉིད་དང་ མེའི་ཁྲུས་གསོལ་གནང་འོང་། 12འབྱུ་འཁྱབ་ནི་གི་སྦི་འཁྱབ་ཁོ་གི་ཕྱག་ལུ་ཡོད་ ཁོ་གིས་འབྱུ་དང་ཤུན་པ་སོ་སོ་འཕྱལ་ནི་གི་དོན་ལུ་ ཁོ་གིས་འབྱུ་འཁྱབ་སྟེ་ འབྱུ་དེ་ཁོ་རང་གི་འབྱུ་ཁྱིམ་ནང་བླུག་འོང་ དེ་འབདཝ་ད་ ཤུན་པ་འདི་ ནམ་ཡང་ཤི་ནི་མེད་པའི་མེ་ནང་བཀོ་འོང་ཟེར་ ཡོ་ཧ་ནཱན་གྱིས་སླབ་ནུག།
ཡེ་ཤུ་ཁྲུས་གསོལ་བཞེས་པའི་སྐོར།
13འདིའི་སྐབས་ལུ་ཡེ་ཤུ་ ག་ལི་ལི་ལས་མར་གཙང་ཆུ་ ཡཱོར་དཱན་ལུ་ ཡོ་ཧ་ནཱན་ལས་ཁྲུས་གསོལ་བཞེས་པ་བྱོན་ནུག 14དེ་འབདཝ་ད་ ཡོ་ཧ་ནཱན་གྱིས་ཡེ་ཤུ་ལུ་ ཁྲུས་གསོལ་མི་ཕུལ་ནི་གི་བཀག་ཐབས་ལུ་ ང་ཡང་ཁྲུས་གསོལ་ནཱ་གིས་གནང་དགོཔ་ཨིན་ ནཱ་ག་ཅི་འབད་ང་སྡོད་སར་བྱོནམ་སྨོ་ཟེར་ཞུ་ནུག 15དེ་འབདཝ་ད་ ཡེ་ཤུ་གིས་ད་ལྟོ་དེ་སྦེ་རང་འབད་གེ་ དེ་སྦེ་རང་འབད་བ་ཅིན་ ཆོས་སེམས་ཆེ་ཏོག་ཏོ་གི་ ལཱ་དེ་ཚུ་ག་ར་ཀྲིག་ཀྲི་སྦེ་སྒྲུབ་ཚུགས་ཟེར་གསུངསམ་ད་ ཡོ་ཧ་ནཱན་གྱིས་ཁྲུས་གསོལ་བྱིན་ནི་ ཁ་བཟེད་དེ་ཁྲུས་གསོལ་ཕུལ་ནུག 16ཡེ་ཤུ་ཁྲུས་གསོལ་བཞེས་ཏེ་ ཆུ་ནང་ལས་ཡར་བཞེངསམ་ཅིག་ གནམ་ཁ་ཕྱེ་སྟེ་ དཀོན་མཆོག་གི་ཐུགས་ཉིད་དེ་བྱ་ཐི་ལི་རྒྱལམོ་བཟུམ་སྦེ་བྱོན་ཏེ་ ཡེ་ཤུ་ཁོ་རའི་གུ་ཆགས་ས་ཁོ་གིས་གཟིགས་ནུག 17དེ་ལས་ ཡར་གནམ་ཁ་ལས་གསུང་སྐད་གཅིག་གིས་ ཨ་ནི་ངེ་གི་བུ་གཅེས་ཤོས་ཕངས་ཤོས་དེ་ཨིན་ ཁོ་ལུ་བལྟ་སྟེ་ང་གནམ་མེད་ས་མེད་སེམས་དགའ་ཡི་ཟེར་གསུངས་ནུག།
اکنون انتخاب شده:
མེ་ཐིའུ་ལེའུ་ 3: dzoD
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2012, Wycliffe Bible Translators, Inc. All rights reserved
