लूका 20

अधिकार को सुवाल

(मत्ती 21:23–27; मरकुस 11:27–33)

1एक दन जद्‍या ईसु मन्दर मं लोगा न्अ उपदेस देता हिया चोखो समचार सुणार्यो छो तो परमुख याजक अर यहूदी धरम सखाबाळा यहूदी बुढ़ा नेता की लार बी कन्अ आया। 2वे बीन्अ बुज्या, “म्हान्अ बता तु ये काम कस्या अधिकार सुं करर्यो छ? वो कुण छ ज्यो थन्अ यो अधिकार दियो छ?” 3ईसु वे जुवाब दियो, “म बी थासुं एक सुवाल बुजु छु, थे मन्अ बतावो 4यूहन्‍ना न्अ बतिस्मा देबा को अधिकार परमेसर सुं मल्यो छो या फेर मनखा सुं?” 5तो वे आमा-सामा बतळार खिया, “अर ज्यो आपा खेवां क परमेसर सुं तो यो खेवलो क थे बीक्अ उपरअ बस्वास क्युं कोन्अ कर्या? 6अर ज्यो आपा खेवां क मनखा सुं तो सबळा मनख आपण्अ उपरअ भाटा बरसावला। क्युं क वे मान्अ छा क यूहन्‍ना एक परमेसर की ओड़ी सुं बोलबाळा छ।” 7तो वे जुवाब दिया क वे कोन्अ जाण्अ क वो कढ्अ सुं मल्यो छ। 8फेर ईसु बान्अ खियो, “तो म बी थान्अ कोन्अ बताऊ क यो काम म कस्या अधिकार सुं करू छु?”

अंगूर को बाग

(मत्ती 21:33–46; मरकुस 12:1–12)

9फेर ईसु लोगबागा न्अ यो कस्सो खेबा लाग्यो, “कोई मनख अंगूरा को बाग लगार बीन्अ दूसरा कसाणा न्अ सीर मं देदियो अर वो घणादना ताणी कोई कढी चलग्यो। 10जद्‍या फसल उतारबा की बगत आई तो वो एक सेवा करबाळा न्अ कसाणा कन्अ खन्दायो क वे बीन्अ अंगूरा का बाग की पाती देदे। पण कसाण बीन्अ मार-कुटर खाली हाथ पाछो खन्दा दिया। 11जद्‍या वो फेर दूसरा सेवा करबाळा न्अ उण्डअ खन्दायो। पण वे उंकी बी ठुकाई कर गाल्या। वे उंकी लार घणो बरो बुवार कर्या अर बीन्अ बी खाली हाथा पाछो खन्दा दिया। 12जद्‍या फेर वो तीसरा सेवा करबाळा न्अ खन्दायो पण वे बीन्अ बी घायल करर बारे धक्‍को दिया। 13जद्‍या बाग को मालिक खेबा लाग्यो, ‘मन्अ कांई करणी चायजे? म म्हारा प्यारा छोरा न्अ खन्दाऊलो।’ 14पण कसाण जद्‍या बीका छोरा न्अ देख्या तो आमा-सामा बच्यार कर बोल्या, ‘यो तो पाकड़ी को धणी छ, आवो आपा ईन्अ मारद्‍या तो अधिकार आपणो हे जावलो।’ 15अर वे बीन्अ बाग क बारे नखाळर मार गाल्या।

“तो फेर बाग को मालिक बाकी लार कांई करअ लो?” 16“वो आवलो अर बा कसाणा न्अ मार गाल्अलो अर अंगूरा का बाग न्अ दूसरा न्अ सुंप देव्अलो।” वे जद्‍या या सुण्या तो खिया, “अस्यान कद्‍या बी कोन्अ हेवलो।” 17जद्‍या ईसु वांकाड़ी नाळर खियो, “तो फेर यो ज्यो मण्ढर्यो छ बीको कांई अर्थ छ, ‘जि भाटा न्अ राजा का कारीगर बनाकाम को समझ्या छा बोई कुणा को खास भाटो बणग्यो?’ 18ज्यो कोई बी बी भाटा प पड़ेलो टुकड़ा-टुकड़ा हे जावलो अर जि प यो पड़ेलो वो चुर्यो-मुर्यो हे जावलो।”

(मत्ती 22:15–22; मरकुस 12:13–17)

19बी बगत यहूदी धरम सखाबाळा अर परमुख याजक कोई गेल्‍लो हेरर बीन्अ पकड़बो छाव्अ छा क्युं क वे जाणग्या छा क वो यो कस्सो बाका बिरोध मेई खियो छ। पण वे लोगा सुं ड़रप्अ छा।

चुंगी देबा को सुवाल

20तो वे सावधानी सुं बीक्अ उपरअ नजर राखबा लागग्या। वे अस्यान का जासुस खन्दाया ज्यो ईमानदार होबा को सांग रच मेल्या छा। जिसुं वे बीन्अ उंकी खेई बाता मं फसार राज्यपाल की सक्‍ति अर अधिकार क तण्अ करदे। 21तो वे बीन्अ खेर बुज्या, “गरू मे जाणा छा क तु ज्यो सई छ बाई खेव्अ छ अर बीकोई उपदेस देव्अ छ अर न्अ तु कोईको पक्ष लेव्अ छ पण तु तो सांच की लार परमेसर का राज का गेल्‍ला की सक्ष्या देव्अ छ। 22तो बता म्हाको कैसर न्अ चुंगी देबो सई छ या कोन्अ देबो?”

23ईसु बाकी चाल न्अ समझग्यो छो। तो वो बान्अ खियो, 24“मन्अ एक कल्दार दखावो, ईक्अ उपरअ मुरत अर लखावट कुणकी छ?”

वे खिया, “कैसर का।”

25जद्‍या फेर वो बान्अ खियो, “तो फेर ज्यो कैसर को छ वो कैसर न्अ द्‍यो अर ज्यो परमेसर को छ वो परमेसर न्अ द्‍यो।”

26वे बीका जुवाब प अचम्बो कर छाना रेग्या अर वो मनखा न्अ ज्योबी खियो छो बी बेई वे बीन्अ कोन्अ पकड़ सक्या।

मरया को पाछो जीवतो हेबो

(मत्ती 22:23–33; मरकुस 12:18–27)

27 # थरपेड़ा 23:8 अब देखो एकात सदूकी बी कन्अ आया। ये सदूकी वे छा ज्यो मरया पाछ्अ जीवतो हेबा म बस्वास कोन्अ करअ छा। वे बी कन्अ आर बुज्या, 28“क ह गरूजी मूसा म्हाक्अ बेई माण्ढ्यो छ क अर ज्यो कोईको भाई मर जाव्अ अर बीक्अ कोई बाळक कोन्अ हेव्अ तो अर बीक्अ बेरबानी हेव्अ तो बीको भाई बी बिधवा सुं बियाऊ कर खुदका भाई बेई ओलाद पैदा करअ। 29अब देखो सात भाई छा। पहलो भाई कोई बेरबानी सुं बियाऊ कर्यो अर बना ओलाद कई वो मरग्यो। 30फेर दूसरो भाई बीन्अ पण्ण लियो, 31अर अस्यान'ई तीसरो भाई। सबळा की लार एक जस्यानई होयो अर वे बना कोई ओलाद क ई मरग्या। 32पाछ्अ बा बेरबानी बी मरगी। 33अब बतावो मरया पाछ्अ जीवता हिया सुं बा बेरबानी कुणकी घरहाळी हेवली क्युं क बीसुं तो सातू बियाऊ कर्या छा?” 34जद्‍या ईसु बान्अ खियो, “ई जुग का मनख बियाऊ करअ छ अर बियाऊ कर न्यारा हे जाव्अ छ। 35पण वे मनख ज्योबी जुग का कोई हस्सा का काम का अर मरया मंसुं जीवता हेबा बेई थरप्या गिया छ, वे न्अ तो बियाऊ करअला अर न्अ बियाऊ कर न्यारा कर्या जावला। 36अर वे फेर कद्‍या बी कोन्अ मरेला, क्युं क वे सरगदूता की न्याऊ छ, वे परमेसर की ओलाद छ, क्युं क वे मरया पाछ्अ जीवता हिया की ओलाद छ। 37पण मूसा बी झाड़ की कथा मं या बात दखायो छ क मरया जुवाया जाव्अ छ, अर वो खियो छ क परबु, अबराम को परमेसर छ, इसहाक को परमेसर छ अर याकूब को परमेसर छ 38वो मरया कोन्अ पण जीवता को परमेसर छ। वे सबळा मनख ज्यो बीका छ जीवता छ।” 39एकात यहूदी धरम-सास्तरी खिया, “गरू सई खिया।” 40क्युं क फेर बीसुं सुवाल बुजबा की कोई की हिम्मत कोन्अ कर्या।

मसी राजो दाऊद का बंस को

(मत्ती 22:41–46; मरकुस 12:35–37)

41ईसु बान्अ खियो, “बे खेव्अ छ क मसी दाऊद को छोरो छ। या कस्यान ह सक्अ छ?” 42क्युं क भजन संहिता की कताब मं दाऊद खुद खियो छो क, परबु परमेसर म्हारा परबु मसी न्अ खियो म्हारी जीवणी बाजु बेठ, 43जद्‍या ताणी म थारा बरोध्या न्अ थारा पग धरबा की चोकी कोन्अ बणाद्‍यु। 44अस्यान दाऊद जद्‍या मसी न्अ परबु खेव छ तो मसी दाऊद को छोरो कस्यान ह सक्अ छ?

सास्तरया न्अ धिक्‍कार

(मत्ती 23:1–36; मरकुस 12:38–40)

45सबळा क सुणता वो खुदका चेला न्अ खियो, 46“यहूदी धरम सखाबाळा सुं सावधान रेवो। वे लम्बा जंगळा फेरर अण्डी-उण्डी फरबो छाव्अ छ, हटवाड़ा का बजारां मं आदर की लार सुवागत-सत्कार पाबो छाव्अ छ। अर यहूदी परातना-सभा मं वे सबसु ऊंची ठार की लालसा रखाण्अ छ। दावता मं वे आदर हाळी ठार छाव्अ छ। 47वे रांडबेरा का घर-बार लूट लेवे छ। दखाबा बेई वे लाम्बी-लाम्बी परातना करअ छ। या मनखा न्अ कळ्डा सुं कळ्डो डण्ड भगतणो पड़ेलो।”

انتخاب شده:

लूका 20: डि एच डि

های‌لایت

به اشتراک گذاشتن

کپی