Maꞌ Ekamanin
Ekamanin
Sises Ekareei Ma' Nʉmenuka'pʉ epiya'tɨ, “Serɨ, serɨ wakʉ itekare Papa Mumu, Sises Kʉrai pɨ',” tukai'. Sises usene ka'pon iku'nin, mɨrɨ awonsi'kɨ tʉmeruntɨrʉ kenan pe. Imeruntɨrʉ usene enupan nɨto' iya yau, makoi a'kwarʉ entaino yau, mɨrɨ awonsi'kɨ ka'pon amʉ' makooi pɨ' isentu'ma. Sises usaurokʉ tʉpɨ' Ka'pon, Papa winon pe, iye'sa' rʉ'pʉ tʉuko'manto' tʉse'na ka'pon amʉ' mo'kanin pe makoi apai.
Ma' uya Sises pantomʉ ekama to'sarɨ rɨ, pana'pan yau, Sises nʉkupʉ'pʉ kuru pɨ', imaimu ton mɨrɨ awonsi'kɨ enupan nɨto' iya ton entai. To'ken nɨ Isaan Pa'tes mɨrɨ awonsi'kɨ Sises epa'taisima'pʉ, mɨrɨ awonsi'kɨ i'tupɨtʉ pɨ' Makoi esi'pʉ tʉpo, imenukanin uya inke pʉra rɨ Sises e'tʉrawasoma'pʉ rʉ'pʉ epi'tɨn pɨ', enupan pɨ' anʉmʉ. Iko'mamʉ kaisarɨ rɨ, Sises pɨkɨron kon uya ito'ka'nʉkʉ'pʉ wakʉ pe parɨ, e'tane iteyaton non ena'pʉ miyarɨ rɨ ɨsɨ pe. Iu'matʉ pe ekamanin airɨ ekamasa' iya iye'ku'sa' rʉ'pʉ serɨ non po Sises uko'manto' iu'matʉ suntaakaai yau, kurusu' pona ipokapɨtʉ'pʉ, mɨrɨ awonsi'kɨ iye'mʉ'sa'ka'pʉ terikʉ'pʉ apai kuru.
Asa'rɨ na'ne' iu'ma'to' yau'ne, iwa'kʉ'pɨ'sa' na'ne' pɨ', tʉron nɨ rɨ, Ma' pen nɨ nʉmenuka'pʉ tapɨ'pɨtʉ.
Iyawon Ekamanin
Sises ekareei epiya'tɨ (1:1-13)
Annau Sises e'tʉrawasoma'pʉ Kiyarari po (1:14–9:50)
Kiyarari ponsi'kɨ Surusiran pona (10:1-52)
Iu'matʉ suntaakaai Surusiran po mɨrɨ awonsi'kɨ ipiyau (11:1–15:47)
Sises e'mʉ'sa'ka'pʉ terikʉ'pʉ apai (16:1-8)
Iye'mʉ'sa'kasa' Itepuru usenpoikapɨtʉ'pʉ mɨrɨ awonsi'kɨ iyenuku'pʉ (16:9-20)
اکنون انتخاب شده:
Maꞌ Ekamanin: ake
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2010, Wycliffe Bible Translators, Inc. All rights reserved.