ମାତିଉ ମାତିଉ ବଇ ବିସୟ୍ତାନ୍ ଏସ ମାଟା
ମାତିଉ ବଇ ବିସୟ୍ତାନ୍ ଏସ ମାଟା
ମାତିଉ ରାସ୍ତିମାନି ସୁସମାଚାର୍ ପୁନି ନିୟମ୍ତୁ ଜିସୁଦି ଜିବନ୍ତିଙ୍ଗ୍ ୱେର୍ସିମାନି ନାଲ୍ଗି ବଇଙ୍ଗାଁ ମାଣ୍କୁ ଉନ୍ଡ୍ରି । ଇୟାୱିଜୁ ବଇଆଙ୍ଗ୍ଁ ଜିସୁ କ୍ରିସ୍ତଦି ନେଗିକାବୁର୍ ଇନାର୍ । ଇୟାୱିଜୁ ଜିସୁଦି ସାତି ୱେନ୍କା ମାତିଉ, ମାର୍କ, ଲୁକ ମାରି ଯୋହନ ରାସ୍ତା ମାର୍ର୍ହାର୍ । ମାତିଉ ରାସ୍ତିମାନି ସୁସମାଚାର୍ ରାସ୍ତିମାନିକା ଟିକ୍ ଦିନ୍ ନେସ୍ଇତି ମାର୍ହିଙ୍ଗ୍ ବା ପଣ୍ତିତ୍କୁ ଇନାର୍ ଇକା କ୍ରିସ୍ତଦି ଜନମ୍ତି ୬୦ ବାର୍ସେକ୍ ୱେନ୍କା ରାସ୍ତା ମାର୍ହାତ୍ । ଇକାବା ବିସ୍ବାସ୍ କିଆୟ୍ଆନାତ୍ ଜେ, ଇୟା ବଇ ପାଲେସ୍ଟାଇନ୍ ଦେସ୍ତି ଜିରୁସାଲାମ୍ ଗାଡ଼୍ତାନ୍ ରାସ୍ତା ମାର୍ହାତ୍ ।
ମାତିଉ ଇୟା ସୁସମାଚାର୍ତି ରାସ୍ତିକାନ୍ । ଜିସୁ ୱାନିଙ୍ଗ୍ ସିସୁ ୱାଜା କୁକ୍ନି ଆଗ୍ଡ଼ି ୱାନ୍ ଅରେନ୍ ସିସୁଟୁ ଲସ୍ନିକାନ୍ ମାର୍ହାନ୍ । ୱାନି ଆଇ ଦରୁ ଲେବି ମାର୍ହାତ୍ । ୱାନ୍ ବାର୍ଲୋକା ସିସୁରି ଲୋଇରାନ୍ ଅରେନ୍ ମାର୍ହାନ୍ । ୱାନ୍ ଜିହୁଦିର୍ ଉଣ୍ତିଙ୍ଗ୍ ଇୟା “ନେଗିକାବୁର୍” ରାସ୍ତାମାର୍ହାନ୍ । ଆମାକା ୱାନ୍ ୱାନି ରାସ୍ତିମାନୁ ପାଡ଼ିଇ ନିୟମ୍ତୁ ୬୦ ଗୋଟା ପଦ୍କୁ ରାସାତିମାନିଙ୍ଗ୍ ପାର୍ମାନ୍ ଆନାତ୍ । ଜିସୁ ଜେ କ୍ରିସ୍ତ ଅର୍ତାତ୍ ମସିହ ମାପୁରୁଦି ବାସେଆତି ରକିୟା କିନିକାନ୍ ମାରି ରାଜା ଆମାୱାନି ୱାନି ବିସୟ୍ତାନ୍ ପାଡ଼ିଇ ନିୟମ୍ତି ଦାର୍ମୁସାସ୍ତ୍ରଦୁ ବବିସତ୍ବାଣି କିଆୟ୍ଆତାମାର୍ର୍ହାତ୍ ଇକା ମାତିଉ ନେସ୍ନିୱାଜା ୱେର୍ତାମାର୍ହାନ୍ । ମାତିଉ ବା ମୁସ୍କୁ ରାଜି ବିସୟ୍ତାନ୍ ଗାଦି ରାସ୍ତାମାନାତ୍ । ଜିହୁଦିର୍ କ୍ରିସ୍ତ ଅର୍ତାତ୍ ମସିହଙ୍ଗ୍ ଦେସ୍ତିଙ୍ଗ୍ ସାସ୍କିନି ରାଜା ଆନାନ୍ ଇଜି ଆସାତାମାର୍ହାର୍ । ମାତିଉ ଆୟା ବିସ୍ବାସ୍ତିଙ୍ଗ୍ ଡ଼େପ୍ସି ମାପୁରୁଦି ରାଜି ଜେ ଆତ୍ମିକ୍ ରାଜି, ଦୁନିଆଦି ରାଜି ଆଏତ୍ । ଇୟା ବିସୟ୍ତିଙ୍ଗ୍ ୱେର୍ତେଙ୍ଗ୍ ନାଣ୍ତ ଜାତୁନ୍ତାନ୍ ଦ୍ୟାନ୍ ସିତାମାନ୍ ।
ମାତିଉ ରାସ୍ତିମାନି ନେଗିକାବୁର୍ ପୁନି ନିୟମ୍ତି ପ୍ରାତୁମ୍ତି ବଇ ୱାଜା ସତ୍ ଇରିଙ୍ଗ୍ ପାଡ଼ିଇ ନିୟମ୍ତି ବାକ୍ୟୱିଜୁଦି ନାଣ୍ଡ୍ ଇସାବ୍ତାନ୍ ରାସାତାମାନାତ୍ । ଇୟା ବଇ ପାଡ଼ିଇ ନିୟମ୍ତିଙ୍ଗ୍ ମାରି ପୁନି ନିୟମ୍ତିଙ୍ଗ୍ ମିସାକିନାତ୍ । ପଣ୍ତିତ୍କୁ ବା ଇନାର୍ ମାତିଉ ୱାନି ରାସ୍ତିମାନୁ ମୋସାଦି ନିୟମ୍ତି ବଇଙ୍ଗାଁ ୱେନ୍କା ସନ୍ଡ଼୍ରେଙ୍ଗ୍ ସେସ୍ଟା କିତାମାନାନ୍ । ଜିସୁଦି ଗରନ୍ ମୁସ୍କୁ ସିକିୟା ସିନି ବିସୟ୍ ମାତିଉ ୫:୭ ଅଦ୍ୟାୟ୍, ମାପୁରୁ ମୋସେଙ୍ଗ୍ ନିୟମ୍ ସିନି ବିସୟ୍ତି ୱାଲେ ବା ତୁସାୟ୍ଆନାତ୍ ଦ୍ୱିତିୟ ବିବରଣି ୧୯:୩; ୨୩:୩୩ ।
ଇୟା ବଇଦୁ ମାନି ମୁକିୟ୍ ବିସୟ୍
୧. ଜିସୁ କ୍ରିସ୍ତଦି ଜନମ୍ ମାରି ୱାନି ସେବା ପାଣିଦି ଆରାମ୍ । ୧–୪
୨. ଜିସୁ କ୍ରିସ୍ତଦି ସେବା ପାଣି ମାରି ସିକିୟା । ୫:୧-୨୫
୩. ଜିସୁ କ୍ରିସ୍ତଦି ସାନିକା ମାରିଡ଼େସି ଜିବନ୍ଆଜି ନିଙ୍ଗିଁନିକା । ୨୬:୧-୨୮
اکنون انتخاب شده:
ମାତିଉ ମାତିଉ ବଇ ବିସୟ୍ତାନ୍ ଏସ ମାଟା: Koo25
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The Konda Porja Bible © The Word for the World International and Konda Porja Translation Samithi, Dasamanthpur, Odisha 2025