मत्ती 28:12-15
मत्ती 28:12-15 NTPPT2020
तत्यार तीहया डायला पुडारी नी ह़ाते भेळा हय्न वीच्यारीन अने सीपायड़ा ने ढेरका चांदी ना सीक्का आप्या, अने केदा, “आहयु केजो के राते जत्यार आमु ह़ुव्वा बाज रेला हता, तत्यार ईसु ना चेला आवीन तीना धोड़ ने चोरी कर ली ज्या। अने आहयी वात मुखी-डायला ना कान्टा लग पुग जहे, ता आमु तीने ह़मजाड़ लेहु अने तने फीकर करवा सी बचाड़ लेहु।” तीहया रुप्या लीन जेम ह़ीकाड़ला हता, तेमेत कर्या। आहयी वात आज लग युहद्या मे चाल री।
برنامۀ کتابمقدس
برنامۀ کتابمقدس کودکان
