ᒐᓂᓯᔅ 5
5
ᐊᑕᒻ ᐅᑦ ᐊᓂᔅᑯᑕᐸᓇ
1ᐊᐅᑯᐤ ᐊ ᐃᓯ ᑎᐸᒋᒪᑭᓄᐅᑦ ᐊᑕᒻ ᐅᑦ ᐊᓂᔅᑯᑕᐸᓇ, ᓇᐸᐤ ᒧᔭᒻ ᒋᓴᒪᓂᑐᐛ ᑲ ᐃᓯᓇᑯᔅᑦ ᐅᔅᑭᒡ ᑲ ᐅᓯᐊᑭᓄᐅᑦ᙮ 2ᒋᓴᒪᓂᑐᐤ ᒋ ᐅᓯᐊᐤ ᓇᐸᐛ ᑭᔭ ᐃᔎᐛ ᑭᔭ ᒋ ᒥᔭᐤ ᐅᓱᐛᔨᒋᒐᐅᓐ, ᑭᔭ ᐃᔪᐤ ᒋ ᐃᓯᓂᐧᑲᑕᐤ ᐅᔅᑭᒡ ᑲ ᐅᓯᐊᑦ᙮
3ᐊᑕᒻ ᐸᐃᑯ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᒋ ᐃᑕᑐᐳᓇᓱᐤ ᑲ ᐃᔪᔨᒋ ᐅᑯᓴ ᓴᑦ, ᒧᔭᒻ ᐊᓯᓇᑯᓯᔨᒋ ᐅᑕᐎᔭ ᓴᑦ ᒋ ᐃᓯᓇᑯᓱᐤ᙮ 4ᐊᑕᒻ ᒥᓐ ᔭᓇᐤ ᑕᑐᐤ ᒥᑕᓯᒥᑎᓄᐤ ᐱᐳᓇ ᒋ ᐃᔅᐱᔅ ᐱᒪᑎᓯᐤ, ᒋ ᑕᔪᐛ ᑯᑎᑲ ᐅᑯᓴ ᑭᔭ ᐅᑕᓂᓴ, 5ᑭᔭ ᐸᐃᑯᔅᑕᐤ ᑕᑐᐤ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᑲ ᐃᑕᑐᐳᓇᓯᑦ ᒋ ᐳᓂᐱᒪᑎᓯᐤ᙮
6ᓴᑦ ᐸᐃᑯ ᒥᑕᓯᒥᑎᓄᐤ ᐊᓱ ᐱᑕᑕᒡ ᒋ ᐃᑕᑐᐳᓇᓱᐤ ᑲ ᐃᔪᔨᒋ ᐅᑯᓴ ᐃᓄᔅ᙮ 7ᔭᓇᐤ ᑕᑐᐤ ᒥᑕᓯᒥᑎᓄᐤ ᐊᓱ ᓂᔄᐅᑕᒡ ᑕᑐᐤ ᐱᐳᓇ ᒥᓐ ᒋ ᐃᔅᐱᔅ ᐱᒪᑎᓯᐤ, ᒋ ᑕᔪᐛ ᑯᑎᑲ ᐅᑯᓴ ᑭᔭ ᐅᑕᓂᓴ, 8ᑭᔭ ᐸᐃᑯᔅᑕᐤ ᑕᑐᐤ ᒥᑕᓯᒥᑎᓄᐤ ᐊᓱ ᓂᓱᓴᑉ ᑲ ᐃᑕᑐᐳᓇᓯᑦ ᒋ ᐳᓂᐱᒪᑎᓯᐤ᙮
9ᐃᓄᔅ ᐸᐃᑯᔅᑕᐤ ᑕᑐᔪᐤ ᒋ ᐃᑕᑐᐳᓇᓱᐤ ᑲ ᐃᔪᔨᒋ ᐅᑯᓴ ᑭᓇᓐ, 10ᔭᓇᐤ ᑕᑐᐤ ᒥᑕᓯᒥᑎᓄᐤ ᐊᓱ ᐱᑕᑕᒡ ᑕᑐᓴᑉ ᑕᑐᐤ ᐱᐳᓇ ᒥᓐ ᒋ ᐃᔅᐱᔅ ᐱᒪᑎᓯᐤ, ᒋ ᑕᔪᐛ ᑯᑎᑲ ᐅᑯᓴ ᑭᔭ ᐅᑕᓂᓴ, 11ᑭᔭ ᐸᐃᑯᔅᑕᐤ ᑕᑐᐤ ᒥᑕᓯᒥᑎᓄᐤ ᐊᓱ ᐱᑕᑕᒡ ᑲ ᐃᑕᑐᐳᓇᓯᑦ ᒋ ᐳᓂᐱᒪᑎᓯᐤ᙮
12ᑭᓇᓐ ᓂᔄᐅᑕᒡ ᑕᑐᔪᐤ ᒋ ᐃᑕᑐᐳᓇᓱᐤ ᑲ ᐃᔪᔨᒋ ᐅᑯᓴ ᒪᐊᓚᓕᓪ, 13ᔭᓇᐤ ᑕᑐᐤ ᒥᑕᓯᒥᑎᓄᐤ ᐊᓱ ᓇᐎᔪᐤ ᑕᑐᐤ ᐱᐳᓇ ᒥᓐ ᒋ ᐃᔅᐱᔅ ᐱᒪᑎᓯᐤ, ᒋ ᑕᔪᐛ ᑯᑎᑲ ᐅᑯᓴ ᑭᔭ ᐅᑕᓂᓴ, 14ᑭᔭ ᐸᐃᑯᔅᑕᐤ ᑕᑐᐤ ᒥᑕᓯᒥᑎᓄᐤ ᐊᓱ ᐸᐃᑯᔪᐤ ᑲ ᐃᑕᑐᐳᓇᓯᑦ ᒋ ᐳᓂᐱᒪᑎᓯᐤ᙮
15ᒪᐊᓚᓕᓪ ᐊᓱᑕᒡ ᑕᑐᔪᐤ ᐊᓱ ᐱᑕᑕᒡ ᒋ ᐃᑕᑐᐳᓇᓱᐤ ᑲ ᐃᔪᔨᒋ ᐅᑯᓴ ᒐᕋᑦ, 16ᔭᓇᐤ ᑕᑐᐤ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᑕᑐᐤ ᐱᐳᓇ ᒥᓐ ᒋ ᐃᔅᐱᔅ ᐱᒪᑎᓯᐤ, ᒋ ᑕᔪᐛ ᑯᑎᑲ ᐅᑯᓴ ᑭᔭ ᐅᑕᓂᓴ, 17ᑭᔭ ᔭᓇᐤ ᑕᑐᐤ ᒥᑕᓯᒥᑎᓄᐤ ᐊᓱ ᐸᐃᑯᔅᑕᐤ ᑕᑐᔪᐤ ᐊᓱ ᐱᑕᑕᒡ ᑲ ᐃᑕᑐᐳᓇᓯᑦ ᒋ ᐳᓂᐱᒪᑎᓯᐤ᙮
18ᒐᕋᑦ ᐸᐃᑯ ᒥᑕᓯᒥᑎᓄᐤ ᐊᓱ ᐊᓱᑕᒡ ᑕᑐᔪᐤ ᐊᓱ ᓂᓱ ᒋ ᐃᑕᑐᐳᓇᓱᐤ ᑲ ᐃᔪᔨᒋ ᐅᑯᓴ ᐃᓄᒃ, 19ᔭᓇᐤ ᑕᑐᐤ ᒥᑕᓯᒥᑎᓄᐤ ᑕᑐᐤ ᐱᐳᓇ ᒥᓐ ᒋ ᐃᔅᐱᔅ ᐱᒪᑎᓯᐤ, ᒋ ᑕᔪᐛ ᑯᑎᑲ ᐅᑯᓴ ᑭᔭ ᐅᑕᓂᓴ, 20ᑭᔭ ᐸᐃᑯᔅᑕᐤ ᑕᑐᐤ ᒥᑕᓯᒥᑎᓄᐤ ᐊᓱ ᐊᓱᑕᒡ ᑕᑐᔪᐤ ᐊᓱ ᓂᓱ ᑲ ᐃᑕᑐᐳᓇᓯᑦ ᒋ ᐳᓂᐱᒪᑎᓯᐤ᙮
21ᐃᓄᒃ ᐊᓱᑕᒡ ᑕᑐᔪᐤ ᐊᓱ ᐱᑕᑕᒡ ᒋ ᐃᑕᑐᐳᓇᓱᐤ ᑲ ᐃᔪᔨᒋ ᐅᑯᓴ ᒪᑐᓴᓚ, 22ᑲᒋ ᐃᔪᔨᒋ ᐅᑯᓴ ᐃᓄᒃ, ᓂᔅᑐ ᒥᑕᓯᒥᑎᓄᐤ ᑕᑐᐤ ᐱᐳᓇ ᒋ ᐎᒐᐛᐤ ᒋᓴᒪᓂᑐᐛ, ᑭᔭ ᒋ ᑕᔪᐛ ᑯᑎᑲ ᐅᑯᓴ ᑭᔭ ᐅᑕᓂᓴ, 23ᐊᑯ ᓂᔅᑐ ᒥᑕᓯᒥᑎᓄᐤ ᐊᓱ ᐊᓱᑕᒡ ᑕᑐᔪᐤ ᐊᓱ ᐱᑕᑕᒡ ᑕᑐᐤ ᐱᐳᓇ ᒥᓐ ᒋ ᐃᔅᐱᔅ ᐱᒪᑎᓯᐤ, 24ᓇᓂᑎᒻ ᐊ ᒥᔪᐎᒐᐛᑦ ᒋᓴᒪᓂᑐᐛ ᐃᓄᒃ, ᐊᑯ ᓇᒪ ᐅᒋ ᓄᑯᓱᐤ, ᐛᔅ ᒋᓴᒪᓂᑐᐛ ᐊᒋ ᐅᑎᓂᑯᑦ᙮
25ᒪᑐᓴᓚ ᐸᐃᑯ ᒥᑕᓯᒥᑎᓄᐤ ᐊᓱ ᔭᓇᐤ ᑕᑐᔪᐤ ᐊᓱ ᓂᔄᐅᑕᒡ ᒋ ᐃᑕᑐᐳᓇᓱᐤ ᑲ ᐃᔪᔨᒋ ᐅᑯᓴ ᓚᒪᒃ, 26ᓂᔄᐅᑕᑕᑐᐤ ᒥᑕᓯᒥᑎᓄᐤ ᐊᓱ ᔭᓇᐤ ᑕᑐᔪᐤ ᐊᓱ ᓂᓱ ᑕᑐᐤ ᐱᐳᓇ ᒥᓐ ᒋ ᐃᔅᐱᔅ ᐱᒪᑎᓯᐤ, ᒋ ᑕᔪᐛ ᑯᑎᑲ ᐅᑯᓴ ᑭᔭ ᐅᑕᓂᓴ, 27ᑭᔭ ᐸᐃᑯᔅᑕᐤ ᑕᑐᐤ ᒥᑕᓯᒥᑎᓄᐤ ᐊᓱ ᐊᓱᑕᒡ ᑕᑐᔪᐤ ᐊᓱ ᐸᐃᑯᔅᑕᐤ ᑲ ᐃᑕᑐᐳᓇᓯᑦ ᒋ ᐳᓂᐱᒪᑎᓯᐤ᙮
28ᓚᒪᒃ ᐸᐃᑯ ᒥᑕᓯᒥᑎᓄᐤ ᐊᓱ ᔭᓇᐤ ᑕᑐᔪᐤ ᐊᓱ ᓂᓱ ᒋ ᐃᑕᑐᐳᓇᓱᐤ ᑲ ᐃᔪᔨᒋ ᐅᑯᓴ ᓄᐛᔨᒋ, 29ᓄᐛ ᒋ ᐃᓯᓂᐧᑲᑕᐤ ᐅᑯᓴ ᓚᒪᒃ, (ᐊᔽᓯᐅᓐ ᐊ ᐃᑥᒥᑲᒡ) ᐛᔅ ᒋ ᐃᔅᒋᔄᐤ, “ᐎᔾ ᒋᑭ ᒥᔨᑯᓄᐤ ᒐᒋ ᐊᔽᓯᐛᐧᒄ ᐊ ᐅᔅᑯᐎᔭᐧᒄ ᐊ ᐎ ᓂᑕᐅᒋᑕᔭᐧᒄ ᒋᒥᒋᒥᓄᐤ ᐊᓐᑕ ᒧᔅᑎᔅᑭᒥᒡ ᒋᓴᒪᓂᑐᐤ ᑲ ᐊᓏᔨᑕᐧᒃ᙮” 30ᓚᒪᒃ ᐱᑕᑕᒡ ᑕᑐᐤ ᒥᑕᓯᒥᑎᓄᐤ ᐊᓱ ᐸᐃᑯᔅᑕᐤ ᑕᑐᔪᐤ ᐊᓱ ᐱᑕᑕᒡ ᑕᑐᐤ ᐱᐳᓇ ᒥᓐ ᒋ ᐃᔅᐱᔅ ᐱᒪᑎᓯᐤ, ᒋ ᑕᔪᐛ ᑯᑎᑲ ᐅᑯᓴ ᑭᔭ ᐅᑕᓂᓴ, 31ᑭᔭ ᓂᔄᐅᑕᑕᑐᐤ ᒥᑕᓯᒥᑎᓄᐤ ᐊᓱ ᓂᔄᐅᑕᒡ ᑕᑐᔪᐤ ᐊᓱ ᓂᔄᐅᑕᒡ ᑲ ᐃᑕᑐᐳᓇᓯᑦ ᒋ ᐳᓂᐱᒪᑎᓯᐤ᙮
32ᓄᐛ ᐱᑕᑕᒡ ᑕᑐᐤ ᒥᑕᓯᒥᑎᓄᐤ ᒋ ᐃᑕᑐᐳᓇᓱᐤ ᑭᔭ ᒋ ᓂᔅᑎᔨᐛ ᐅᑯᓴ, ᓴᒻ, ᐊᒻ, ᑭᔭ ᒐᐸᑦ᙮
اکنون انتخاب شده:
ᒐᓂᓯᔅ 5: ᓇᔅᑲᐱ
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada