Sam 6
6
Sam Kraesz'mz (6)
Drle Mzke'
Nabz ne Devet kx yrbzle mz kxrmailz ngr dzbe kxnzngrng.
Nzkrka'ngr
1Yawe, kxmule-esz' drtwrm ngya,
A' bzkq pnanatiq x ayrplapxq ninge.
2Kxetu, nayc mz drtwrm ninge murde yangrngapex.
X axplr mou nrkrdrtqnge murde yagox-zlwzx.
3?Rnrcti-lzbqtrpo bam mz zmwxlr,
X aenzli-alopex nzokatr-krm ninge?
Nzarlapxngr
4Yawe, tekqtr drtwrm x arlapx ninge,
Mz nzaodu-krm kc tqyc tqyc.
5Murde mz nzbzngr trpengr nzrglqlzngr nim.
X mz gq nzangiongr nim kc tqyrkrpxpebz.
Nzyrningr
6Drtqnge mewepe mz nzkrka'-zvz-krbo bam.
X mz nrlckxbq kang kqlu, nqni x pilo pnrnge nzlrpr-ngrdr drle mzke'.
7Mzke' vaotxtrpebz x tropxpeu,
Murde nzyrni-krnge lc nzngi-batrplr enqmi rngeng.
Nzaovxiongr
8Nimu leplz kxdrka'-ngrng amrlx, dwaszpeamu ninge!
Murde Yawe sa tqlalztqpem mz nzyrni-krnge.
9Xlrpemle nike rlxtibo,
X sa na-ayzlumle natqnge.
10Krka'-ngrne kx drtq enqmi rngeng namya x narnrcti-lzbq-kzng mz zmwxlr,
X naplc-aning mz nzaovxio-krnge nidr.
انتخاب شده:
Sam 6: ntu
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2008, Wycliffe Bible Translators, Inc. All rights reserved.