Саалтыр 2
2
1Давид псалома.
Тоҕо норуоттар айманаллар,
омуктар кураанахха куомуннаһаллар?
2Сир ыраахтааҕылара сэриилэһээри тэринэллэр,
кинээстэр бииргэ түмсэн киксэллэр,
Айыы Тойону уонна Кини Ыраахтааҕытын утараннар:
3«Сыаптаабыттарын быһа тардыахха,
бохсубуттарын булгу охсуохха!» – дэһэллэр.
4Халлааннарга Олорооччу күлэр,
Айыы Тойон кинилэри элэк оҥостор.
5Онтон Кини абаран-сатаран этиэҕэ,
уордайан, кинилэри уолутуоҕа:
6«Мин Бэйэм талбыт Ыраахтааҕыбын
сибэтиэй хайам Сион үрдүнэн туруорбутум».
7 Айыы Тойон ыйааҕын Мин иһитиннэриэм:
Кини эттэ: «Эн Миэхэ Уолум буолаҕын,
Мин бүгүн Эйигин төрөттүм;
8Миигиттэн көрдөс – Мин Эйиэхэ бары норуоттары биэриэм,
сири, сиксигиттэн саҕалаан, Эйиэхэ бас биллэриэм.
9Эн кинилэри тимир торуосканан сууһартыаҥ,
күөс охсооччу иһитинии үлтүрүтэлиэҥ».
10Онон билигин, ыраахтааҕылар, өйдөнүҥ;
сир судьуйалара, эһиги үөрэниҥ.
11 Айыы Тойоҥҥо куттанан туран үлэлээҥ,
Кини иннигэр долгуйан туран үөрүҥ-көтүҥ;
12Уолугар эһиги сүгүрүйүҥ#2:12 Былыргы еврей тылынан суруллубут тиэкис ис хоһооно манна чуолкайа суох. –
Кинини кыыһырдан суолга быстарбат туһугар,
бэрт сотору Кини уора-кылына уоттуу оргуйуоҕа.
Киниэхэ эрэнээччилэр бука бары дьоллоохтор.
انتخاب شده:
Саалтыр 2: СБК
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Институт перевода Библии, 2008-2022