Susumo 6:1-4

Bemat ba hwo gwɛ̌ hɛn pyak e jey. E jeng yane mo, nèy lagwi na di behwong de ba tɔs a bemat o ba sé bezɛrɛ mo, ko na kasa a bato nɛ vinde na tɛ̀ yey na yɛn, na ne ra weneng mɛn. Ko Dagwi Darwey a ye, “Ma rɔda to tik mwasi, na a nàra kwen nesheneshey wɛt, yaga yɛ a sé wo reku. Ma rɔda tik ɛ a ros, na a dal neshey naga na kuru baba (120) wɛt.” E jeng yane mo, ko vɔk e jeng cak arɔng, ba sɛ̀ bemat de ba sé hwɔk e jey. Yɛn vɛ, à yere de behâ bemat ba tɔs a nèy lagwi. Yɛn vɛ, à beras vê raane de ba vɔk gbɔng za.