Abatelipuna 5
5
Adama I Na ana Siga Nowa
(5:1–6:8)
Adama ge Tubutubunau Liwaniliya
1 #
Aba 1:27-28
Adama alonau natunau ge tubutubunau liwaniliya i ola hiwe.
Sauga Yabowaine gamagal i ginolil, he iya totona kanukanununa elana i ginolil. 2#Mat 19:4; Mak 10:6 I ginolil tau ge yova, inoke i ba muloluagil, ge alaliya i tun, “gamagal.”
3Adama wana baliman 130 yaka natuna tau etega al i gan. Wawaya ya Adama kanukanununa, i ola ya te iya. Inoke alana i tun Seti. 4Seti hi ab enaa, Adama i minamina al baliman 800 yaka natunau bolau ge yowau enuna al hi gan. 5He Adama wana baliman gegewena 930 i pwawa, yaka abwe i aliga.
6Seti wana baliman 105 yaka natuna i gan alana Inosi. 7Inosi hi ab enaa, Seti i minamina al baliman 807 yaka natunau bolau ge yowau enuna al hi gan. 8He Seti wana baliman gegewena 912 i pwawa, yaka abwe i aliga.
9Inosi wana baliman 90 yaka natuna i gan alana Keinan. 10Keinan hi ab enaa, Inosi i minamina al baliman 815 yaka natunau bolau ge yowau enuna al hi gan. 11He Inosi wana baliman gegewena 905 i pwawa, yaka abwe i aliga.
12Keinan wana baliman 70 yaka natuna i gan alana Mahalalil. 13Mahalalil hi ab enaa, Keinan i minamina al baliman 840 yaka natunau bolau ge yowau enuna al hi gan. 14He Keinan wana baliman gegewena 910 i pwawa, yaka abwe i aliga.
15Mahalalil wana baliman 65 yaka natuna i gan alana Yaledi. 16Yaledi hi ab enaa, Mahalalil i minamina al baliman 830 yaka natunau bolau ge yowau enuna al hi gan. 17He Mahalalil wana baliman gegewena 895 i pwawa, yaka abwe i aliga.
18Yaledi wana baliman 162 yaka natuna i gan alana Inok. 19Inok hi ab enaa, Yaledi i minamina al baliman 800 yaka natunau bolau ge yowau enuna al hi gan. 20He Yaledi wana baliman gegewena 962 i pwawa, yaka abwe i aliga.
21Inok wana baliman 65 yaka natuna i gan alana Metuisela. 22Metuisela hi ab enaa, Inok i mipalalek hot Yabowaine elana baliman 300 al, yaka natunau bolau ge yowau enuna al hi gan. 23He Inok wana baliman gegewena 365 i pwawa. 24#Hib 11:5; Yuda 14 Inok i mipalalek hot Yabowaine elana, yaka lan etegana Yabowaine Inok i ahe egonan ge nige al hi kikite.
25Metuisela wana baliman 187 yaka natuna i gan alana Lemeki. 26Lemeki hi ab enaa, Metuisela i minamina al baliman ana gewi 782 yaka natunau bolau ge yowau enuna al hi gan. 27He Metuisela wana baliman gegewena 969 i pwawa, yaka abwe i aliga.
28Lemeki wana baliman 182 yaka natuna tau i gan. 29Inoke i ba, “Valila Yehoba i ba bilibili ni nak inoke ta tuwalali gagasisi ge ta lomwan, yaa wala lomwan o eliyana wawaya ya ni payaliyaya-agila.” Inoke natuna alana i tun Nowa.#5:29 Pana Hibilu elana alan “Nowa” ana hago i ola “ni payaliyaya.” 30Nowa hi ab enaa, Lemeki i minamina al baliman ana gewi 595 yaka natunau bolau ge yowau enuna al hi gan. 31He Lemeki wana baliman gegewena 777 i pwawa, yaka abwe i aliga.
32Nowa wana baliman 500 inoke natunau hi gan alaliya Semi, Hami ge Yapeta.
اکنون انتخاب شده:
Abatelipuna 5: mpx
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Copyright © 2018, Wycliffe Bible Translators, Inc. All rights reserved.