Matiyu Nhne gbasịri ọkwukwo ka
Nhne gbasịri ọkwukwo ka
Izi ọma lele kpa Matiyu gbarụ a n'ọkwukwo nookwu ọka izi ọma nụ Jizọsi bụ Nye Ọznohia Chiokike kweru mkwna a. Ọmumu Jizọsi nye Nazarẹti gwebnanyarnụ ẹli-eze ikne n'ọwa, ke bụ ọchichi Chiokike. Izi ọma Matiyu neegesi ẹli-eze ikne ka hite nụ nhne Jizọsi, nye bụ Mezaya, znirni nụ nhne o mernu. Matiyu gesiri kpa Jizọsi mezuru kpakara nhne be gbarụ nụ Tẹsitamenti Ọknani gbasịri a. O gesiri nụ be mụrnu Jizọsi hite n'avnụrnu ele eze. Nne a Meri bụ woknornokno máa nyerukna. Matiyu tụkparu ẹhni gba nụ ele bụ́o ele Ju nwernu igwe n'ẹli-eze Chiokike lele kpa ele Ju nwernu. O kwuru nhne gbasịri ẹnwu Jizọsi, olizọ n'ẹnwu a, nụ iwu o nyernu ele sno apna be zni kpakara ele zị n'ọwa izi ọma a.
Nhne zị n'ọkwukwo ka
Bụdnu wikoro Jizọsi (1:1—4:25)
Ikwu-ọnu Chiokike o kwuru n'olu rugwu (5:1—7:29)
Nhne o znirni, elulu nụ nhne berere nụ Galili (8:1—18:35)
Izne a dụ Jerusẹlem (19:1—20:34)
Ikwezu ipne-aznụ Jizọsi nụ rime Jerusẹlem (21:1—27:66)
Olizọ n'ẹnwu a (28:1-20)
Nye gbarụ ọkwukwo ka: Matiyu (Livaị)
Risi nhne o kwno gba a: O gesi nụ Jizọsi bụ Mezaya, nye gweyarụ ẹli-eze ke bụ ọchichi Chiokike n'ọwa.
اکنون انتخاب شده:
Matiyu Nhne gbasịri ọkwukwo ka: ikwNT
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2010, The Nigeria Bible Translation Trust and Wycliffe Bible Translators, Inc. All rights reserved.