حوارئلر 8
8
شاعول کئلئسایا جفا چکدئرئر
1شاعول دا استئفانین اؤلدورولمه‌سئنه راضی ائدی.
او گونده اورشلئمده‌کی کئلئسانین ضئدّئنه بؤیوک بئر جفا قالخدی؛ و حوارئلردن باشقا هامی، یهودئیه و سامئره‌نئن هر یانینا داغیلدیلار. 2دوروستکار آداملار استئفانی دفن ادئب، اونون اوچون بؤیوک یاس توتدولار. 3آمّا شاعول کئلئسانی وئران ادئردی؛ اِودن اِوه گئرئردی و کئشئلر و آروادلاری سورویوب، زئندانا آتیردی.
فئلئپوس سامئره‌ده
4بله‌جه داغیلانلار هر یری گزئب، کلامی وعظ ادئردئلر. 5فئلئپوس دا سامئره‌نئن بئر شهرئنه گدئب، مسئحی اونلارا اعلان ادئردی. 6خالق فئلئپوسون گؤرستدئیی علامتلری اشئدئب گؤرنده، اونون ددئکلرئنه بئرلئکله قولاق آسیردیلار. 7چونکی ناپاک روحلاری اولان بئر چوخ آدامدان، روحلار اوجا سسله چیغیریب چیخیردیلار؛ چوخ ائفلئج و علئل ده شفا تاپیردی. 8و او شهرده بؤیوک شادلیق وار ائدی.
جادوگر شمعون
9بو واخت شهرده شمعون آدلی بئر آدام وار ائدی کی، قاباقجادان جادوگرلئک ادئردی و سامئره خالقینی حیران ادئب، بؤیوک بئر آدام اولدوغونو ائدّئعا ادئردی. 10و اونلارین هامیسی، کئچئکدن بؤیوکونه قدر، اونا قولاق آسیب دیئردئلر: «تارینین بؤیوک قودرتی دیئلن بو آدامدیر.» 11اونلار اونا گؤره اونا قولاق آسیردیلار کی، چوخ واختدان اونلاری اؤز جادولاری ائله حیرته سالمیشدی. 12آمّا او زامان کی، تارینین پادشاهلیغی و عئسا مسئحئن آدی باره‌ده ائنجئلئن خوش خبرئنی وعظ اِدَن فئلئپوسا ائناندیلار، تعمئد آلدیلار؛ هم کئشئلر، هم ده آروادلار. 13حتّا شمعون اؤزو ده ائمان گتئردی و تعمئد آلاندان سونرا فئلئپوسون یانیندا قالدی و باش ورن علامتلر و بؤیوک مؤجوزه‌لری گؤروب دائم حیرتله‌نئردی.
14اورشلئمده اولان حوارئلر سامئره‌لی‌لرئن تارینین کلامینی قبول اتدئکلرئنی اشئدنده، پطروس و یوحنّانی اونلارین یانینا گؤندَردئلر. 15اونلار دا گلئب سامئره‌لی‌لر اوچون دوعا اتدئلر کی، موقدّس روحو آلسینلار. 16چونکی موقدّس روح اونلارین هچ بئرئنئن اوستونه حله انمه‌مئشدی، آنجاق رب عئسانین آدیندا تعمئد آلمیشدیلار. 17پطروس و یوحنّا اَللرئنی اونلارین اوستونه قویان زامان، اونلار موقدّس روحو آلیردیلار. 18شمعون حوارئلرئن اَللرئنی قویماقلا موقدّس روحون ورئلدئیئنی گؤرنده، اونلارا پول تکلئف ادئب، 19ددی «منه ده بو ائقتئداری ورئن کی، کئمئن اوستونه اَللرئمی قویسام، موقدّس روحو آلسین.» 20لاکئن پطروس اونا ددی «گوموشون سنئنله بئرلئکده محو اولسون! چونکی گومان اتدئن کی، تارینین عطاسینا پوللا صاحئب اولا بئلرسن. 21بو ائشده نه پایین وار نه ده قئسمتئن، چونکی تارینین حوضوروندا اوره‌یئن دوز دیئل. 22بونا گؤره بو پئسلئیئندن تؤوبه ات و ربّه دوعا ات کی، بلکه اوره‌یئنده اولان نئیّت باغیشلانسین. 23چونکی گؤرورم کی، آجیلیق زهری ائله دولو و پئسلئک بندئنده‌سن.»
24آمّا شمعون جاواب ورئب ددی «منئم اوچون سئز اؤزونوز ربّه دوعا ادئن کی، ددئکلرئنئزدن هچ بئری باشیما گلمه‌سئن.»
25و بله‌جه اونلار، شهادت ورئب ربّئن کلامینی بیان ادندن سونرا، سامئره‌نئن بئر چوخ کندئنده خوش خبری وعظ ادئب اورشلئمه قاییتدیلار.
فئلئپوس و حبشه‌لی
26آمّا ربّئن بئر مله‌یی فئلئپوسا دانیشیب ددی «دور جنوب طرفئنه، اورشلئمدن غزّه‌یه گدن چؤل یولونا گت.» 27او دا دوروب گتدی. بئر حبشه‌لی خاجه کی، کَنداکه آدلی حبشه ملکه‌سئنئن سارایینین بئر وزئری و اونون بوتون خزئنه‌سئنئن اوستونه مودئر ائدی، اورادا ائدی؛ او عئبادت اوچون اورشلئمه گلمئشدی. 28ائندی قاییدیردی و عاراباسیندا اوتوروب اِشَعیا پیغمبرئن کئتابینی اوخویوردو. 29موقدّس روح فئلئپوسا ددی «یاخینلاش و بو عارابایا قوشول.» 30فئلئپوس قاباغا قاچدی و اشئتدی کی، اِشَعیا پیغمبرئن کئتابینی اوخویور و ددی: «آیا اوخودوغونو هچ آنلاییرسان؟»
31او ددی: «آخی، نجه آنلایا بئله‌رم اگر بئری منی هئدایت اتمه‌سه؟!» و فئلئپوسو دعوت اتدی کی، عارابایا مئنئب، اونون یانیندا اوتورسون. 32موقدّس یازیلاردان اوخودوغو متن بو ائدی:
«قویون کئمی کسئلمه‌یه آپاریلدی؛
و نجه بئر قوزو، اونو قیرخانین قاباغیندا دئلسئزدئر،
اله ده او، آغزینی بله آچمیر.
33حقئر اولوندوغو زامان، عدالت اونا ورئلمه‌دی؛
اونون نسلئنی کئم بیان اِدَر؟
چونکی حیاتی یر اوزوندن گؤتورولور.»#8:33 اِشَعیا ۵۳:۷ و ۸
34خاجه فئلئپوسا جاواب ورئب ددی: «تمنّا ادئرم، دِه گؤروم، پیغمبر بونو کئمئن حاقّیندا دیئر؟ اؤزو حاقّیندا، یوخسا بئر اؤزگه‌سئنئن؟»
35فئلئپوس آغزینی آچدی و بو موقدّس یازیدان باشلاییب عئسانی اونا وعظ اتدی. 36یوللا گدنده اونلار سو اولان یره یتئشدئلر و خاجه ددی: «باخ، سو! تعمئد آلماغیما نه مانع اولور؟!» 37و فئلئپوس ددی: «اگر بوتون اوره‌یئنله ائناناسان، اولار.» او دا جاواب ورئب ددی: «ائنانیرام کی، عئسا مسئح تارینین اوغلودور.» 38و امر اتدی کی، عارابا دایانسین. و اونلارین ائکئسی ده سویا گئردئلر؛ هم فئلئپوس، هم ده خاجه. و فئلئپوس اونو تعمئد وردی. 39و سودان چیخدیقلاری زامان، ربّئن روحو فئلئپوسو گؤتوروب آپاردی و خاجه آرتیق اونو گؤرمه‌دی، لاکئن سوئنه-سوئنه اؤز یولونا داوام وردی. 40آمّا فئلئپوس اؤزونو اشدوددا تاپدی و قیصرئیّه‌یه گلنه کئمی، یولوندا ائنجئلئن خوش خبرئنی بوتون شهرلرده وعظ ادئردی.
انتخاب شده:
حوارئلر 8: موقدس کتاب
های‌لایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Elam Ministries 2013. All rights reserved.
