Zãa 4

Yesu ń Samali nɔɛo

1Falisiɔ mà Yesu lɛ́ gbɛ̃́ɔ da'ilɛkɛ, àlɛ iwaɔ e dɛ Zãala. 2I kɛ Yesu mɛ́ lɛ́ ń da'ilɛkɛ azĩao, aà iwaɔ mɛ́ aalɛ kɛ. 3Kɛ́ Yesu yãpi mà, à bɔ̀ Yude à ɛ̀a àlɛ tá Galile. 4Taa guu, sema aà bɔlɛ ń Samali busuo. 5Ɔ̃ à kà Samali wɛ̃lɛ pɔ wì mɛ Sikaa. A zã̀ ń tɔɔlɛ pɔ Yakɔbu kpà a nɛ Yosɛfuwa yãaoo.#Daa 33.19 6Yakɔbu lɔ̀ɔ ku we. Yesu taa'ò à kpàsa, ɔ̃ à zɔ̃̀lɛ lɔ̀ɔpi saɛ. Ĩatɛ̃ kà minanguo.

7Samali nɔɛe mɔ̀ itɔi, ɔ̃ Yesu òɛ̀: Ma gba í mà mi. 8Aà iwaɔ sɔ̃ aa gɛ̀ wɛ̃lɛ guu blɛ lui. 9Ɔ̃ nɔɛpi òɛ̀: Yudan n ũ, Samali nɔɛn ma ũ, ɔ̃ nlɛ imia gbɛaaa? (Asa Yudaɔ ń Samaliɔ yã lí kakɔ̃uo.) 10Ɔ̃ Yesu òɛ̀: Tó ń gba pɔ Lua ì danɛ́ dɔ̃ ń ma gbɛ̃́ pɔ malɛ í gbɛamao, dɔ̃ yãa mmɛ ńyɔ̃ gbɛaa, mí n gba í wɛ̃nide. 11Nɔɛpi òɛ̀: Mae, ń goa vĩo. Lɔ̀ɔɛ sɔ̃, a ɛ zã̀. Ńyɔ̃ í wɛ̃nidepi e má ni? 12Ń dɛ wá dezikaau Yakɔbula yã? Ɔ̃mɛ lɔ̀ɔpi tòwɛ̃ɛ. Aapi a imì ń a nɛɔ ń a pɔtuoɔ. 13Ɔ̃ Yesu òɛ̀: Gbɛ̃́ pɔ íɛ bee mì, imi a ɛa à aà dɛ lɔɛ. 14Gbɛ̃́ pɔ a í pɔ má kpawà mi sɔ̃, imi a aà dɛ bau lɔo. Asa í pɔ má kpawà a gɔ̃ aà nɔ̀sɛ guu nibɔna pɔ aɔ ibɔɛ̀ wɛ̃ni laasai ũɛ. 15Ɔ̃ nɔɛpi òɛ̀: Mae, ma gba í bee, kɛ́ imi su ma dɛ mà mɔ itɔi la lɔo.

16Yesu òɛ̀: Gɛ ǹ n zã́ sisi, í mɔ́ sãnu. 17Nɔɛpi wèwà à mɛ̀: Má zã́ vĩo. Ɔ̃ Yesu òɛ̀: Kɛ́ n mɛ̀ ń zã́ vĩo, n yã'ò a zɛ́waɛ. 18N zãkɛ̀ lɛɛ sɔo, mɛ́ gɔ̃ɛ pɔ ń kuaanɔ tiaá n zã́ no. N sĩana ò. 19Ɔ̃ nɔɛpi òɛ̀: Mae, má dɔ̃̀ sa kɛ́ ãnabin n ũ. 20Wá deziɔ kùlɛ Luaɛ gbɛɛ bee musu, apiɔ sɔ̃ i mɛ Yelusalɛũ mɛ́ gu pɔ wali kulɛuɛ̀ ũ. 21Yesu òɛ̀: Nɔɛ, ma yãsi. A gɔɔ lɛ́ mɔ́ kɛ́ á kulɛ Mae Luaɛ gbɛɛ bee musu ge Yelusalɛũ lɔo. 22Apiɔ, i kulɛ Luaɛ mɛ́ á aà dɔ̃o. Wapiɔ, wi kulɛɛ̀ mɛ́ wá aà dɔ̃, asa gbɛ̃́ɔ misia bɔ̀ wá Yudaɔ kĩiɛ.#Isa 2.3 23A gɔɔ lɛ́ mɔ́, à kà kɔ̀, kɛ́ luasisin sĩandeɔ kulɛ Mae Luaɛ ń sĩanao ń aà Nisĩna gbãao. Gbɛ̃́ bee taa ɔ̃ Mae Lua lɛ́ wɛɛlɛ aà kulɛɛ. 24Luaá nisĩnaɛ, sema gbɛ̃́ pɔ aaì kulɛɛ̀ɔ kulɛɛ̀ ń sĩanao ń aà Nisĩna gbãao. 25Ɔ̃ nɔɛpi òɛ̀: Má dɔ̃ kɛ́ Mɛsi pɔ wì mɛ lɔ Kilisi a mɔ. Tó à mɔ̀, a yãpii bɔɔlɛkɛwɛ̃ɛ. 26Ɔ̃ Yesu òɛ̀: Ma gbɛ̃́ pɔ malɛ yã'onɛ, mamɛ má aà ũ.

27Gɔɔ bee ɔ̃ Yesu iwaɔ sù. Kɛ́ àlɛ yã'o ń nɔɛo, à bɔ̀ ń saɛ, ãma an gbɛ̃e i aà la bɔ́ a yei ge bɔyãi àlɛ yã'o ń nɔɛpioo. 28Ɔ̃ nɔɛpi a lo tò we, à gɛ̃̀ wɛ̃lɛ guu a ònɛ́: 29À mɔ à gɔ̃ɛe gwa. À yã pɔ má kɛ̀ɔ òmɛɛ pii. Mɛsi yã̀ mɔɔɔ? 30Ɔ̃ aa bɔ̀lɛ wɛ̃lɛu, aalɛ gɛ́ Yesu kĩi.

31Gɔɔ bee sɔ̃ Yesu iwaɔ òɛ̀: Mɛtulu, ńyɔ̃ pɔble ya? 32Ɔ̃ a ònɛ́: Má pɔbleae vĩ á dɔ̃o. 33Ɔ̃ aà iwaɔ kɔ̃làla aa mɛ̀: Gbɛ̃e mɔ̀ɛ̀ ń blɛo yã? 34Ɔ̃ Yesu ònɛ́: Ma pɔblea mɛ́ gbɛ̃́ pɔ ma zĩ pɔeãkɛa ũ e mà gɛ zĩ pɔ a dàmɛɛ kɛ mà laaò.

35Apiɔ i mɛ mɔ siiɔ̃ mɛ́ gɔ̃̀ kɛ́ pɔkɛkɛgɔɔ ká. Malɛ oɛ́ à wɛsɛ à búaɔ gwa, asa pɔɔ mà, à kà kɛkɛa. 36Pɔkɛkɛna lɛ́ a asea e kɔ̀, àlɛ gbɛ̃́ɔ kãaa aizãna pɔ ũ, kɛ́ pɔtɔ̃na ń pɔkɛkɛnao e aa pɔnakɛ sãnu. 37Asa yãɛ beeá sĩanaɛ: Gbɛ̃do ì pɔtɔ̃, gbɛ̃do ì kɛkɛ. 38Ma á zĩ́ pɔkɛkɛi gua pɔ i zĩkɛuo. Gbɛ̃pãleɔ mɛ́ zĩkɛ̀ we, ɔ̃ álɛ ń zĩ ài ble.

39Samali pɔ ku wɛ̃lɛpiuɔ Yesu naaikɛ̀ dasi yã pɔ nɔɛpi ònɛ́ yãi, kɛ́ à mɛ̀ à yã pɔ á kɛ̀ɔ òɛ pii. 40Ayãmɛto kɛ́ aa kà Yesu kĩi, aa wabikɛ̀wà aà gɔ̃ńnɔ, ɔ̃ à kɛ̀ńnɔ gɔɔpla. 41Kɛ́ Yesu yã'ònɛ́, gbɛ̃pãleɔ aà naaikɛ̀ dasidasi. 42Ɔ̃ aa ò nɔɛpiɛ: I kɛ yã pɔ ń òwɛ̃ɛ yãi wa aà naaikɛ̀i adoo. Wa aà yãmà wazĩawaɛ, ɔ̃ wá dɔ̃̀ sĩana kɛ́ dũnia Suabanan aà ũ.

Busu gbãadee nɛ gbãgbãa

43Gɔɔplapi kɛańnɔ gbɛa ɔ̃ à tà Galile, 44asa Yesupi ò ãnabi líɔ bɛɛɛ vĩ azĩa busuuo. 45Kɛ́ à kà Galile, Galiledeɔ gbãakpàaazi, asa aa gɛ̀ dikpɛkɛ̀ Yelusalɛũɛ, ɔ̃ aa yã pɔ a kɛ̀ dikpɛpi zĩ́ɔ è pii.#Zãa 2.23

46Ɔ̃ Yesu ɛ̀a gɛ̀ Kana, gua pɔ à í lìlɛu vɛ̃ɛ ũ.#Zãa 2.1-11 Busu gbãadee ku we, aà nɛ lɛ́ gyãkɛ za Kapɛnaũ. 47Kɛ́ a mà Yesu bɔ̀ Yude à sù Galile, à gɛ̀ aà kĩi, à wabikɛ̀wà aà gɛ́ a nɛ gbãgbãiɛ, asa à kà gaaɛ. 48Ɔ̃ Yesu òɛ̀: Mɛ́ i kɛ a dabudabuɔ ń yãbɔnsaɛɔ è baasio, á ma naaikɛo. 49Ɔ̃ gbãadepi òɛ̀: Mae, mɔ e ma nɛ àɔ ga. 50Yesu òɛ̀: Ta bɛ. N nɛ a gao. Gɔ̃ɛpi yã pɔ Yesu òɛ sì, ɔ̃ à dà zɛ́u. 51Gɔɔ pɔ a bɛ zɛ́u, à kpàaũ ń a zĩkɛnaɔ, ɔ̃ aa òɛ̀ aà nɛ ku. 52Ɔ̃ à ń lá à mɛ̀: Zaa kpeletaa à daamakɛ̀i? Ɔ̃ aa òɛ̀: Gĩa ĩatɛ̃ auapilaa gɔ̃̀ɔ ɔ̃ mɛwãapi gòwà. 53Ɔ̃ maepi dɔ̃̀ kɛ́ zaa pɔ Yesu òɛ a nɛ a gaon we. Ɔ̃ aa aà naaikɛ̀, aapi ń a bɛdeɔ pii.

54Seela plaade pɔ Yesu kɛ̀ bɔa Yude sua Galilen we.

اکنون انتخاب شده:

Zãa 4: Boo2024

های‌لایت

به اشتراک گذاشتن

کپی