Zãa 10

Yesuá Sãdãn Maaɛ

1Sĩana malɛ oɛ́, gbɛ̃́ pɔ lí gɛ̃ sã kaa lɛ́uo, ì vĩ kaaa gupãlei, adeá kpãiɛ, kpãiwɛliwɛɛ. 2Gbɛ̃́ pɔ ì gɛ̃ kaa lɛ́u sɔ̃, ade mɛ́ sãdãna ũ. 3Kaalɛdɔ̃ana ì zɛwɛ̃ adeɛ, sãɔ sɔ̃ aa aà lɔɔ dɔ̃. Ì a sãɔ sisi an baade tɔ́wa, ì bɔlɛńnɔ. 4Tó à bɔ̀lɛńnɔ, ì dɔaanɛ́, aaiɔ tɛaazi, kɛ́ aa aà lɔɔ dɔ̃ yãi. 5Aali we tɛ̀ gbɛ̃pãleɔzio. Aaì baalɛnɛ́, kɛ́ aa ń lɔɔ dɔ̃o yãi.

6Yesu yãpi lɛ̀ɛũnɛ́, ɔ̃ aai dɔ̃ bɔ́ yã a ònɛ́o. 7Bee yãi Yesu ɛ̀a ònɛ́: Sĩana malɛ oɛ́, mamɛ má kaa lɛ́ ũ sãɔnɛ. 8Gbɛ̃́ pɔ aa dɔ̀aamɛɛɔá kpãiɔnɛ, kpãiwɛliwɛɔnɛ mpii, ɔ̃ sãɔ i ń yãmao. 9Mamɛ má kaa lɛ́ ũ. Gbɛ̃́ pɔ gɛ̃̀ ma guu a aafia'e. Aliɔ gɛ̃, aliɔ bɔ, ali pɔblekĩi e. 10Kpãi'oa yãi ɔ̃ kpãi ì mɔi, ì pɔ dɛ ì pɔ ɔ̃ɔkpa. Ma mɔɛ, kɛ́ gbɛ̃́ɔ aaɔ wɛ̃ni vĩ, aaiɔ vĩ à kɛ zai. 11Mamɛ má Sãdãn Maa ũ.#Soũ 23.1 Sãdãn Maa ì a wɛ̃ni kpa a sãɔ yãiɛ. 12Gbɛwinaá sãdãn maa no. Lá sãɔ dɛ aà pɔ ũo, tó a è awalɛwana lɛ́ mɔ́, ì sãɔ to we à baalɛɛ̀, ɔ̃ awalɛwana ì sãɔ kũkũ ì ń fãaa. 13Gbɛ̃́pi bàa líɔ ku ń sãɔo, kɛ́ gbɛwinaɛ yãi.

14Mamɛ má Sãdãn Maa ũ. Má a sãɔ dɔ̃, mɛ́ aa ma dɔ̃, 15lá Mae Lua ma dɔ̃ mɛ́ má aà dɔ̃wa. Malɛ a wɛ̃ni kpa an yãi. 16Má sã pãleɔ vĩ aa ku kaaɛ beeuo. Sema mà dɔaanɛ́ sɔ̃. Aa ma lɔɔ ma, kpàsa i gɔ̃ lɛɛ do ń dãnao mɛn do. 17Malɛ a wɛ̃ni kpa kɛ́ mà ɛa mà si lɔ yãiɛ. A yãi Mae Lua yeimazi. 18Gbɛ̃e a ma wɛ̃ni siao, má kpá ń mazĩaoɛ. Má a kpaa zɛ́ vĩ, mɛ́ má a sia zɛ́ vĩ lɔ. Yã pɔ ma Mae dìlɛmɛɛn we.

19Yãpi yãi Yuda gbãadeɔ kɔ̃kpaalɛ̀ lɔ. 20An guu gbɛ̃́ daside mɛ̀: A tãa vĩɛ, aà mi lìaaɛ. Bɔyãi álɛ swãsɛ aà yãii? 21An gbɛ̃eɔ mɛ̀: Tãade yã'oan weo. Tãa a fɔ̃ vĩ̀a wɛ́ wɛ̃e?

Yesu a luakɛ oanɛ́

22Lua kpɛ sakɛ̃a Yelusalɛũ dikpɛ kà. Buziɛɛ, 23ɔ̃ Yesu lɛ́ bɛbɛ Lua ua gu pɔ wì mɛ Salomɔ velandau. 24Ɔ̃ Yuda gbãadeɔ lìaaazi aa aà là aa mɛ̀: Ńyɔ̃ wá tó looa e bɔɛ ni? Tó Mɛsin n ũ, owɛ̃ɛ wasawasa. 25Ɔ̃ Yesu wèmá à mɛ̀: Má òɛ́, i sio. Yã pɔ malɛ kɛ ń ma Mae tɔ́oɔ, yãpiɔ mɛ́ a seela ũ. 26Apiɔ sɔ̃ i sio, kɛ́ á dɛ ma sãɔ ũo yãi. 27Ma sãɔ ì ma yãma. Má ń dɔ̃ mɛ́ aaìɔ tɛmazi. 28Mi wɛ̃ni laasai kpamá, aa gaga bauo. Gbɛ̃e a ń bɔ ma ɔzĩo. 29Ma Mae mɛ́ ń kpáa, mɛ́ aà zɔ̃ɔ dɛ gbɛ̃piia. Gbɛ̃e a ń bɔ aà ɔzĩo. 30Mapi ń ma Maeo wá doũɛ.

31Gbãadepiɔ gbɛsɛ̀lɛ lɔ, aa ye wà aà pápaò wà dɛ. 32Ɔ̃ Yesu ònɛ́: Ma yãmaa pɔ ma Mae dàmɛɛɔ kɛ̀ɛ́ dasi. A kpele yãi á ye à ma papai ń gbɛoi? 33Ɔ̃ gbãadepiɔ wèwà aa mɛ̀: Wá ye wà n papa ń gbɛo yãmaa pɔ ń kɛ̀ yãi no. Kɛ́ n dɔ́ɛ ń Luao yãiɛ.#Lev 24.16 Gbɛ̃nazĩnan n ũ, ɔ̃ n nzĩa dìlɛ Lua ũ. 34Ɔ̃ Yesu wèmá à mɛ̀: Akɛ̃a á ikoyã láu wà mɛ̀: Ma mɛ̀ luaɔn á ũ.#Soũ 82.6 35Lua i o gbɛ̃́ pɔ àlɛ yã'onɛ́piɔnɛ luaɔo le? Aà yã bãdɛa vĩ sɔ̃o. 36Ma gbɛ̃́ pɔ ma Mae ma dilɛ adoa à ma zĩ dũniau sɔ̃, kɛ́ ma mɛ̀ Lua Nɛn ma ũ, bɔyãi a mɛ̀ ma dɔ́ɛ ń Luaoɛi? 37Tó malɛ ma Mae kɛa kɛo, ásu ma yãsio. 38Tó malɛ kɛɛ sɔ̃, baa tó i ma yãsio, à ma naaikɛ ma yãkɛaɔ yãi, kɛ́ àɔ dɔ̃ sãasã Mae Lua ku ma guu mɛ́ má ku aà guu. 39Ɔ̃ aa ɛ̀a aalɛ zɛwɛɛlɛ wà aà kṹ, ɔ̃ à pìlimá.

40Ɔ̃ à ɛ̀a gɛ̀ Yuudɛ̃ baale, gu pɔ Zãa gbɛ̃́ɔ da'ilɛkɛ̀u sɛ̃ia. À gɔɔplakɛ̀ we,#Zãa 1.28 41ɔ̃ wà mɔ̀ aà kĩi dasidasi wà mɛ̀: Baa kɛ́ Zãa i dabudabue kɛo, yã pɔ a ò gbɛ̃́ɛ bee musu piiá sĩanaɛ. 42Ɔ̃ wà aà naaikɛ̀ we dasi.

اکنون انتخاب شده:

Zãa 10: Boo2024

های‌لایت

به اشتراک گذاشتن

کپی