Zãa 1

Yesu Kilisi mɔa dũniau

1A sĩnizĩ Yã ku, Yãpi ku ń Luao mɛ́ Yãpiá Luaɛ. 2A ku ń Luao a sĩnizĩ. 3Lua pɔpii kɛ̀ aà sabaiɛ, pɔe ku à kɛ̀ aà saio. 4Aà guu wɛ̃ni kuu, mɛ́ wɛ̃nipi dɛ gupua ũ gbɛ̃́ɔnɛ. 5Gupuapi lɛ́ bii gusiau, ɔ̃ gusia i aà sio.

6Lua gbɛ̃e zĩ̀, aà tɔ́n Zãa. 7À mɔ̀ gupuapi seelade ũ, à aà yã'ò gbɛ̃́ɔnɛ, kɛ́ gbɛ̃pii e à aà naaikɛ a sabai. 8Aapi mɛ́ gupuapi ũo, à mɔ̀ gupuapi seelade ũɛ. 9Gupua sĩande pɔ ì gupu gbɛ̃piiɛ mɛ́ lɛ́ mɔ́ dũniau.

10A ku dũniau. Baa kɛ́ Lua dũnia kɛ̀ aà sabai, dũnia i aà dɔ̃o. 11À mɔ̀ a bɛ, ɔ̃ aà gbɛ̃́ɔ i aà dilɛo. 12Gbɛ̃́ pɔ zɛ̀aanɔ aa aà naaikɛ̀ɔ sɔ̃, à ń gbá zɛ́ aa gɔ̃̀ Lua nɛɔ ũ. 13An iapi i bɔ gbɛ̃e au guuo, i bɔ mɛfɛlɛa ge gɔ̃ɛ pɔeã kĩio, Lua mɛ́ ń í. 14Yãpi gɔ̃̀ gbɛ̃nazĩna ũ, à gɔɔplakɛ̀wanɔ, ɔ̃ wa aà gawi è,#Bɔa 33.18 Mae Lua Nɛ mɛndona gawiɛ, gbɛ̃kɛ ń sĩanao pɛ̀ɛwà.#Bɔa 34.6

15Zãa mɛ́ aà seelade ũ, à pũ̀na à mɛ̀: Gbɛ̃́ pɔ ma aà yã'òn kɛ. Ma mɛ̀ gbɛ̃́ pɔ lɛ́ mɔ́ ma gbɛa dɛmala, kɛ́ a ku ma ãa yãi. 16Aà gbɛ̃kɛ pɛɛawà guu à gbɛ̃kɛkɛ̀ wá baadeɛ, mɛ́ aà gbɛ̃kɛpi kɛ̀ gbɛ̃kɛ ũ. 17Lua a ikoyã kpàwɛ̃ɛ Mɔiziwa, à gbɛ̃kɛ ń sĩanao kɛ̀wɛ̃ɛ Yesu Kilisi sabaiɛ. 18Gbɛ̃e i wɛsi Lualɛ yãao. Lua Nɛ mɛndona pɔ kpaa a Maepi kuɛ mɛ́ tò wà aà dɔ̃̀.

Zãa Da'ilɛna seeladekɛa

(Mat 3.1-17; Maa 1.1-11; Luk 3.1-22)

19Yuda gbãade pɔ ku Yelusalɛũɔ sa'onaeɔ ń Levi buieɔ zĩ̀ Zãawa, ɔ̃ aa aà là aa mɛ̀: Mmɛ ń déi? Yã pɔ a ònɛ́n kɛ. 20A ònɛ́ wasawasa, i yãe ulɛnɛ́o à mɛ̀: Mɛsin ma ũo. 21Ɔ̃ aa aà là aa mɛ̀: Dén n ũ sai? Ɛlian#Mal 3.23 n ũa? A wèmá à mɛ̀: Aawo! Ɔ̃ aa ɛ̀a aa aà là lɔ: Ãnabi zɔ̃ɔn#Iko 18.15 n ũa? A wèmá à mɛ̀: Aawo! 22Ɔ̃ aa òɛ̀ lɔ: Mmɛ ń dé sɔ̃i? Owɛ̃ɛ kɛ́ wà e wà o gbɛ̃́ pɔ aa wá zĩ́ɔnɛ. Kpelewa nlɛ o nzĩa yãmusui? 23Ɔ̃ à mɛ̀: Gbɛ̃́ pɔ a yã'o dɔ gbáau, àlɛ onɛ́ wà zɛpoo Diiɛn ma ũ, lá ãnabi Isaia a yã'òwa.#Isa 40.3

24Gbɛ̃́ pɔ wà ń zĩ́piɔ sɔ̃, aa bɔ̀ Falisiɔ kĩiɛ. 25Ɔ̃ aa aà là aa mɛ̀: Lá Mɛsin n ũo ge Ɛlia ge ãnabi zɔ̃ɔ, bɔyãi nlɛ gbɛ̃́ɔ da'ilɛkɛi? 26Zãa wèmá à mɛ̀: Mi gbɛ̃́ɔ da'ilɛkɛ í guuɛ, ãma gbɛ̃e ku á guu, á aà dɔ̃o. 27Àlɛ mɔ́ ma gbɛa, mi ka kɛ́ mà aà sabala bɔbɔɛ̀o. 28Yãpi kɛ̀ Bɛtani pɔ ku Yuudɛ̃ baale, gu pɔ Zãa lɛ́ gbɛ̃́ɔ da'ilɛkɛuɛ.

29Kɛ́ a gu dɔ̀, Zãa Yesu è, àlɛ mɔ́ a kĩi, ɔ̃ à mɛ̀: Sã pɔ Lua kpà a dũnia duuna wolon we. 30Gbɛ̃́pi yã má ò yãa ma mɛ̀, gbɛ̃́ pɔ lɛ́ mɔ́ ma gbɛa dɛmala, kɛ́ a ku ma ãa yãi. 31Má aà dɔ̃ yãao, ãma ma mɔ, malɛ gbɛ̃́ɔ da'ilɛkɛ, kɛ́ Isailiɔ e wà aà dɔ̃ yãiɛ.

32Zãa mɛ́ aà seelade ũ à mɛ̀: Ma Lua Nisĩna è, à bɔ̀ musu à sù lan felenawa à mɔ̀ dìɛ̀. 33Má aà dɔ̃ yãao. Kɛ́ Lua ma zĩ gbɛ̃́ɔ da'ilɛkɛi, a òmɛɛ gbɛ̃́ pɔ má è Lua Nisĩna mɔ̀ dìɛ̀, aapi mɛ́ a gbɛ̃́ɔ da Nisĩnapiu. 34Ma bee è, ɔ̃ má dɛ aà seelade ũ, ɔ̃mɛ Lua Nɛ ũ.

Yesu iwa sɛ̃iaɔ

35Kɛ́ a gu dɔ̀, Zãa ɛ̀a ku we lɔ ń a iwaɔ gbɛ̃ɔn pla. 36Kɛ́ à Yesu è àlɛ gɛ̃ à mɛ̀: Sã pɔ Lua kpàn we! 37Kɛ́ iwa gbɛ̃ɔn plapiɔ yãpi mà, aa bɔ̀ wa tɛ Yesuzi. 38Yesu lìli a è aa tɛazi, ɔ̃ à ń lá à mɛ̀: Bɔ́ á yeii? Aa òɛ̀: Labi (Bee mɛ̀ Mɛtulu), n bɛ ku má ni? 39A wèmá à mɛ̀: À mɔ gwa. Ɔ̃ aa gɛ̀ aa gu pɔ a kuu è, ɔ̃ aa gɔ̃̀aanɔ zĩ́ bee. Oosi mɔ̀ siiɔ̃ zaawa.

40Gbɛ̃ɔn pla pɔ aa Zãa yãmà aa bɔ̀ wa tɛ Yesuzipiɔ, an gbɛ̃doá Simɔ Piɛɛ dãuna Ãndeleɛ. 41À gɛ̀ à a vĩi Simɔ lè gĩ́a, ɔ̃ a òɛ̀: Wa Mɛsi è. (Ɔ̃ wì mɛ lɔ Kilisi.) 42Ɔ̃ à gɛ̀aanɔ Yesupi kĩi. Yesu aà gwà soee à mɛ̀: Zãa nɛ Simɔn n ũ. Wali onɛ sa Piɛɛɛ. (Bee mɛ̀ gbɛ.)

43Kɛ́ a gu dɔ̀, Yesu ye ta Galile busuu, ɔ̃ à kpàaũ ń Filipio. A òɛ̀: Tɛmazi. 44Filipipiá Ãndele ń Piɛɛo bɛ wɛ̃lɛ Bɛsaida gbɛ̃́ɛ. 45Ɔ̃ Filipi gɛ̀ à Natanaɛli lè à mɛ̀: Gbɛ̃́ pɔ Mɔizi aà yã'ò a ikoyã guu mɛ́ ãnabiɔ aà yã'ò lɔ, wa aà è. Yosɛfu nɛ Yesuɛ. Nazalɛti gbɛ̃́ɛ. 46Natanaɛli òɛ̀: Gbɛ̃maa a bɔ Nazalɛtie? Filipi òɛ̀: Mɔ ǹ gwa. 47Kɛ́ Yesu Natanaɛli è àlɛ mɔ́ a kĩi, à aà yã'ò à mɛ̀: Isaili zalalan kɛ, aà nɔ̀sɛ mɔafili vĩo. 48Ɔ̃ Natanaɛli òɛ̀: Ń ma dɔ̃ má ni? Ɔ̃ Yesu wèwà à mɛ̀: E Filipi àɔ gɛ́ n sisii, ma n e figi lí gbau. 49Ɔ̃ Natanaɛli òɛ̀: Mɛtulu, Lua Nɛn n ũ, Isailiɔ Kian n ũ. 50Yesu òɛ̀: Kɛ́ má ònɛ ma n e figi lí gbau, ɔ̃ n ma naaikɛ̀a? Ńyɔ̃ yãzɔ̃ɔ e dɛ kɛ́ beela. 51À ɛ̀a òɛ̀ lɔ: Sĩana malɛ oɛ́, á luabɛ e wɛ̃a, Lua malaikaɔ lɛ́ dɛdɛ Gbɛ̃nazĩn Nɛwa, aalɛ pilawà.#Daa 28.12

اکنون انتخاب شده:

Zãa 1: Boo2024

های‌لایت

به اشتراک گذاشتن

کپی