آیات محبوب کتاب مقدس از Jenesis 37

به اشتراک گذاشتن

Suŋgem kunöŋ Josefnöŋ gaun kun eka miaŋgö kösohotŋi mi darumunurupŋi jiiga mötket. Mi mötketka uruŋinan öngöiga kazik gwötpuk ak waŋgiba malget.

Jeikobnöŋ azi namŋi aiga nahönŋi Josefnöŋ asuhuyöhi, miaŋgöra iwiŋan i nahönurupŋi tosatŋi pakpak eŋgoŋgita uruŋan jöpaköm waŋgiba malök. Nalö kunöŋ maluku köröpŋi ekjeritŋambuk böröŋi köröpŋi mi memba Josef waŋgiyök.

Iwiŋan i darumunurupŋi pakpak eŋgoŋgita uruŋan jöpaköm waŋgiba malöhi, yaŋgö darumunurupŋan mi eka könahiba kazik ak waŋgiba yambuk ala-alagö keuŋi kun qahö eraum-möta malget.

Miaŋgö andöŋe gaun kun kunbuk eka miaŋgö kösohotŋi darumunurupŋi kewö jiiga mötket: “Nöŋön gaun kun ekiga miaŋgöreŋ wehön, köiŋ aka seŋgelau 11 mieŋön nöŋgöra sipköget.”

Mewö asuhuiga darumunurupŋan uruŋinan mututqutut (jelös) möt waŋgiba malgetmö, iwiŋan keu mi uru könömŋe ali ahöiga mötmöriba malök. Mewö.

Kösohotŋi mi kewö jiiga mötket: “Mötket, ni gaun kun ekzali, mi kewö: Nini nupnöŋ mala wit padi böranini jöhöbingö tandök akzin. Mewö ahinga nöŋgöreŋ wit padi börani miaŋön wahöta köŋgep kiniga eŋgöreŋ böran mieŋön mönö nöŋgöreŋ böran liliköba sököba kinje.”

Ayop, mönö kagetka anda qein kömuiga qamötŋi o lömŋi kunöŋ gilin geiga kewö jibin: ‘Sömbup kalŋan mönö i qei kömuyök.’ Gaunŋaŋgö ölŋan denöwö asuhumawi, mi mönö miaŋgö andöŋe ekin.”

Mewö aketka Midian gölmegö Ismael könagesögö kölköl-örörö azi mieŋön kaba kaŋgota eŋgoŋgitpingö aket. Mewö aketka munŋini Josef mi o lömnöhök öröget koriga silwö kötŋi 20:nöŋ söŋgöröŋi memegöra al waŋgiget. Al waŋgigetka Ismael azi mieŋön i bohonŋi memba waŋgita Ijipt kantrinöŋ anget.

Aŋgönaŋ ala nanŋinök kewö eraum-mötket: “Eket, gaun ehek azi miaŋön mönö endu kaza.

Miwikŋaim eŋgiba kösutŋine qahö aŋgorökmö, tikep endu kaiga darumunŋan i eka tokoba Josef qebingö aŋgönaŋ alget.

Toroqeba kewö jii mötket: “Sepŋi mönö kude mokome. Gölme qararaŋkölkölŋe o löm ki kinjawi, i ölöp miaŋgöreŋ gilgetka gemapmö, böröŋinan mönö yaŋgö sileŋe kude misiriba qeme. “Rubenöŋ Josef böröŋineyök meköba aŋgön köla waŋgita iwiŋaŋgöreŋ liliŋgöba anbitköra möta keu mewö jiyök.