آیات محبوب کتاب مقدس از مَتَّى 6

به اشتراک گذاشتن

وَلَكِنْ قَلّْبُو فْاللّْوّْلْ عْلَى مَمْلَكَةْ اللَّهْ وْالْمُرَادْ دْيَالُه، وْهَادْشِّي كُلُّه غَيْتّْزَادْ لِيكُمْ.

وْمَا تْرَفْدُوشْ الْهَمّْ لْلنّْهَارْ اللِّي جَايْ، خَلِّي هَمّْ غْدَّا لْغْدَّا. وْكُلّْ نْهَارْ بَرَكَا عْلِيهْ غِيرْ هَمُّه».

وْعْلَى هَادْشِّي كَنْݣُولْ لِيكُمْ: مَا تْرَفْدُوشْ الْهَمّْ مْنْ جِهْةْ مَعِيشْتْكُمْ أَشْنُو تَاكْلُو وْلَا أَشْنُو تْشَرْبُو، وْلَا مْنْ جِهْةْ دَاتْكُمْ أَشْنُو تْلَبْسُو. وَاشْ مَاشِي الْحَيَاةْ مُهِمَّة كْتَرْ مْنْ الْمَاكْلَة، وْالدَّاتْ مُهِمَّة كْتَرْ مْنْ اللّْبَاسْ؟

أَمَّا نْتَ مْلِّي تْصَلِّي، دْخُلْ لْبِيتْكْ وْسْدّْ عْلِيكْ الْبَابْ وْصَلِّي لْبَّاكْ اللِّي فْالسِّرْ، وْبَّاكْ اللِّي مَا كَتْخْفَى عْلِيهْ خَافِيَّة هُوَ اللِّي غَيْجَازِيكْ.

«وْهَاكْدَا صْلِّيوْ نْتُمَ هَادْ الصّْلَاة: بَّانَا اللِّي فْالسّْمَا، بْغِينَا إِسْمْكْ يْتّْقَدّْسْ، وْمَمْلَكْتْكْ تْجِي، وْمُرَادْكْ يْكُونْ كِمَا فْالسّْمَا هَكَّا عْلَى الْأَرْضْ.

الْخُبْزْ اللِّي يْكْفِينَا رْزَقْنَا الْيُومْ،

وْغْفَرْ لِينَا دْنُوبْنَا كِمَا كَنْغَفْرُو لْهَادُوكْ اللِّي كَيْدَنْبُو فْحَقّْنَا،

وْحْفَضْنَا بَاشْ مَا نْطِيحُوشْ فْالتَّجْرِبَة، وْنْجِّينَا مْنْ الشِّيطَانْ.

حِيتْ إِلَا غْفَرْتُو لْلنَّاسْ الْغَلْطَاتْ دْيَالْهُمْ، غَيْغْفَرْ لِيكُمْ بَّاكُمْ اللِّي فْالسّْمَا الْغَلْطَاتْ دْيَالْكُمْ.

شُوفُو طْيُورْ السّْمَا، رَاهَا مَا كَتْزْرَعْ مَا كَتْحْصَدْ مَا كَتْجْمَعْ فْبْيُوتْ الْخْزِينْ، وْبَّاكُمْ اللِّي فْالسّْمَا كَيْرْزَقْهَا مَاكْلْتْهَا. إِيوَا، وَاشْ مَاشِي نْتُمَ حْسَنْ مْنّْهَا بْزَّافْ؟

«مَا تْجَمْعُوشْ لِيكُمْ كْنُوزْ فْالْأَرْضْ، فِينْ كَتّْكَالْ بْالسُّوسَة وْالصّْدَا، وْفِينْ كَيْحَفْرُو عْلِيهَا الشّْفَارَا وْكَيْسَرْقُوهَا. وَلَكِنْ جْمْعُو لِيكُمْ كْنُوزْ فْالسّْمَا، فِينْ مَا كَتّْكَالْشْ بْالسُّوسَة وْالصّْدَا، وْفِينْ مَا كَيْحَفْرُوشْ عْلِيهَا الشّْفَارَا وْمَا كَيْسَرْقُوهَاشْ. حِيتْ فِينْ مَا كَانْ كَنْزْكْ، تْمَّ غَادِي يْكُونْ قَلْبَكْ».

«حْتَّى وَاحْدْ مَا يْقْدَرْ يْكُونْ عَبْدْ لْجُوجْ سْيَادْ، عْلَاحْقَّاشْ إِمَّا غَيْكْرَهْ وَاحْدْ فِيهُمْ وْغَيْبْغِي لَاخُرْ، وْلَا غَيْكُونْ مُخْلِصْ لْوَاحْدْ فِيهُمْ وْغَيْطَيّْحْ مْنْ شَانْ لَاخُرْ. وْهَكَّا حْتَّى نْتُمَ مَا تْقَدْرُوشْ تْكُونُو عْبِيدْ دْيَالْ اللَّهْ وْالْفْلُوسْ.

إِيوَا آ قْلَالِينْ الْإِيمَانْ! إِلَا كَانْ الرّْبِيعْ اللِّي فْالْفْدَّانْ، اللِّي الْيُومْ كَنْشُوفُوهْ وْالْغَدّْ لِيهْ كَيْتّْرْمَى فْالْفْرَّانْ كَيْلَبّْسُه اللَّهْ هَكَّا، كِيفَاشْ مَا يْلَبّْسْكُمْشْ نْتُمَ مَا حْسَنْ؟

وَلَكِنْ نْتَ إِلَا عْطِيتِي شِي صَدَقَة، خَاصّْ يْدّْكْ لِيسْرَى مَا تْعْرَفْشْ آشْ كَتْدِيرْ يْدّْكْ لِيمْنَى، بَاشْ تْبْقَى الصَّدَقَة دْيَالْكْ فْالسِّرْ، وْبَّاكْ اللِّي فْالسّْمَا اللِّي مَا كَتْخْفَى عْلِيهْ خَافِيَّة هُوَ اللِّي غَادِي يْجَازِيكْ».

«رْدُّو بَالْكُمْ لَا تْدِيرُو الْخِيرْ قُدَّامْ النَّاسْ بَاشْ يْشُوفُوكُمْ، وْلَّا مَا غَيْكُونْشْ عَنْدْكُمْ أَجْرْ عَنْدْ بَّاكُمْ اللِّي فْالسَّمَاوَاتْ.

«إِلَا صْمْتُو، مَا تْكُونُوشْ مْعَبّْسِينْ بْحَالْ الْمُنَافِقِينْ اللِّي كَيْعَبّْسُو وْجُوهْهُمْ بَاشْ يْبَيّْنُو لْلنَّاسْ بْلِّي هُمَ صَايْمِينْ. نْݣُولْ لِيكُمْ الْحَقّْ: هَادُوكْ رَاهُمْ خْدَاوْ الْأَجْرْ دْيَالْهُمْ مْنْ عَنْدْ النَّاسْ. وَلَكِنْ نْتَ مْلِّي تْصُومْ، دْهَنْ شَعْرَكْ وْغْسَلْ وْجْهَكْ، حِيتْ مَاشِي لْلنَّاسْ لَمّْنْ خَاصّْكْ تْبَانْ صَايْمْ، وَلَكِنْ لْبَّاكْ اللِّي فْالسِّرْ، وْبَّاكْ اللِّي مَا كَتْخْفَى عْلِيهْ خَافِيَّة هُوَ يْجَازِيكْ».