آیات محبوب کتاب مقدس از Matyu 6

به اشتراک گذاشتن

Muo dan notn els, wa unu fi du, a put unu main pan Gad kindom an du wa im waahn unu fi du; wen unu du dat, aal a dem sitn de, unu wi get dem.

So no bada wori an fret bout tumaro; tumaro wi tek kier a itself. Aftaraal, tide av fi it uona set a badarieshan.”

“So mi a tel unu, no bada fret bout unu laif, a wori op unuself bout wa unu a-go iit ar jringk, ar wa unu a-go wier. Kaaz laif no muo impuotant dan fuud, iihn? An di badi no niid muo dan kluoz?

Bot wen unu a prie, galang iina wan ruum man, lak di duor an prie tu unu faada an no mek nobadi nuo. An unu Faada we si tingz we nobadi els no nuo bout, im wi gi unu wa unu fi get.

“So, a so unu fi prie: “‘Wi Faada we iina evn, mek piipl av nof rispek fi yu an yu niem. Mek di taim kom wen yu ruul iina evri wie. Mek we yu waahn apm pan ort apm, jos laik ou a wa yu waahn fi apm iina evn apm

Tide gi wi di fuud we wi niid.

Paadn wi fi aal a di rang we wi du, siem laik ou wi paadn dem we du wi rang.

An no mek wi fies notn we wi kaaz wi fi sin, bot protek wi fram di wikid wan.’

Kaaz ef unu paadn piipl we du unu rang, unu Faada we iina evn wi paadn unu tu.

Tingk bout di bod dem. Dem no plaant, dem no riip, an dem no stuor op stuor op fuud, an Gad fiid dem, duohn? Den unu no wot uol iip muo tu Gad dan dem?

“No bada gyada op chrezha fi unuself, we de ya-so pan ort. Yu si ya-so, worm an dem sitn de wi kom nyam nyam op unu sitn dem, an dem wi get rosti an mash op. Plos tiif de ya, an dem wi kom brok iin an tek we unu sitn dem. Wa unu fi du, a pail op unu chrezha op a evn. No worm no de de-so. Dem naa go get rosti an mash op, an no tiif no de de fi brok iin an tiif unu sitn dem. Kaaz eniwe unu chrezha de, a de-so unu aat set, so a dat unu a-go tingk bout aal di wail.

“Nobadi kyaahn sorv tuu maasta. Yu wi iet wan an lov di ada wan, ar yu wi ron go du eniting we wan waahn, bot no tuu bizniz wid di ada wan. Unu kyaahn sorv Gad an moni.

An ef dat a ou Gad jres op wail graas, we de ya tide, an dash iina faiya tumaro, den im naa go mek shuor se unu av kluoz fi wier tu? Luk pan unu, wa likl bit a chos unu put iina Gad!

Wen unu a gi we notn, no bada mek unu lef an nuo wa unu rait an a du. Da wie de, nobadi naa fi nuo se unu gi we notn, an unu Faada we si tingz we nobadi els no nuo bout, im wi gi unu wa unu fi get”.

“Wach it! No bada du wa rait onggl fi mek piipl si unu! Ef a so, unu kyan no bada luk fi get notn fram Faada Gad we de a evn.

“Wen unu kip we fram fuud fi worship Gad, no bada lang dong unu fies laik di ipokrit dem. Dem ogli op demself so piipl wi si se a faas dem a faas. Mi tel unu dis, an a chuu mi a taak: dem naa notn muo a get. Wen unu kip we fram fuud fi worship Gad, ail unu ed an wash unu fies man, so evribadi no si se a faas unu a faas, bot onggl Gad wan — we nobadi kyaahn si. An unu faada we nobadi kyaahn si, wi si wa unu du, an gi unu wa unu fi get.