آیات محبوب کتاب مقدس از مَتّی 7

به اشتراک گذاشتن

«بِپیَه کن بَه شمَه آدوعِه بَبیه؛ بگَردَ کن پَیدا بَکَرون؛ بوکوعه، کن بَرَنگا شمه ناریکا آج آرَبن.

اِمی خونِه کن هَر کَم بَپیشَه، بِه دَست بوعَردی و هر کَم بگَردِ پَیدا بَکَی و هر کَم بکو، بَر چَی نَ کا آج آرَبن.

«پس هر کم چمن اِم گَفون دَرَسِه و اَوون اَنجوم بدَرِ، هنته اَلمَندَ مِردیی بَمَندیَه کن اِشتَن کهَ هیمی، کازی سَریکا سِی آرَکَرد.

پس مردومینَه هَته رفتار بکَرَ کن بَپیرونَه شمَه نَه رفتار بکَن. اِمَه تورات و پَیغَمبَرون نوشتَه اِن خولاصَه.

ولی تنگَه اَ بَرَنگا و چِتینه اَ راه کن زندَگی طَرَف بَشی، و چَی اَوینِن کَمینه.

«تَنگه بَرَنگاکا دِله دَشه، اِمی خونه کن وِشا اَ برَنگا و راحته راه، نیفلَه آبِه طَرَف بَشیه و کسِنی کن اِنتَرَ بَرَنگاکا دِلَه دَنَّش وِرینَه.

پس اَگَم شمَه کن آوشَرینَه بَموستیرون کن پی اِشتَن خردَنون چَاکَه خَلااون بِدَر، چَنه ویشتَر شمَه آستامونیه دَدَ، اَیِنی کن اَیکا بَپیشون، چاکَه خَلااون بَبَخشستیَه.

«کَسی سَردِرِ دیوون مَکَرَ تا شمَه سَردیوون مَبو. چون هَتَرکِه کن دیَر کَسون سَر دیوون بکَرَ، شمَه سَردِرِ نی دیوون بَبیَه و هَه پَیمونَه اینَه کن پِدارَ، شمَرا نی هَه پَیمونه نَه پِنَّداشت.

ولی هر کم چمن اِم گَفون دَرَسه و اَوون اَنجوم نِدَرِ، نافمَه مِردی بَمندی کن اِشتَن کَه هیمی فوشی سَردِرِ سی آکَردَشه.

چیرا چینِپولی اِشتِه برا چَمیکا بَویندیشَه، ولی اَ دارَ کونَه اییکا کن اِشتِه چمیکا دَرِ سَر آنیشَگنست؟ وقتی کن اِشتِه چَمیکا دارَ کونَه دَرِ، چِنتَرَ بَشاشَه اِشتِه برا بواجی، ”بَرزِن چینِپولی اِشتِه چَمیکا بَروَرم“؟

«دِروعَه پَیغَمبرونکا رَت آبَه. اَیِن پَسون شیوار شندر دَنَّکَرد و شمَه وَربومَن، ولی باطنیکا بزارنَه وَرگینَه. اَوون چَوون میوَ اونکا بَشارون آزنِستِه. مَگَم اَنگری، چغیکا و اِنجیلی، بِریکا بَچینَه؟

هنتَرَکِه هر چاکَه دار چاکه میوَ دَرِ اَمّا بَدَ دار بَدَ میوَ.

چاکه دار نِیَشا بَدَ میوَ بدَرِ، و بَدَ دارنی نیَشا چاکَه میوَ بوعَرِ.

هر داری کن چاکَه میوَ نِدَر اَی دَنَّبیرد و آرا کا دَنَّفَند.