آیات محبوب کتاب مقدس از HINI UWASI-BIADRCIMOWA ya-sfadoci MAFIYO 13

به اشتراک گذاشتن

Chena inv ya-vhcigagi ini uwasi vsisgegi, hinv yrmv na-notvkv ini kvlvwewa, macimi nanuhsa ini; yonv tapilo u negtu mvwifowa, macimi u biatu, nrlatv tabawa tfwag-fanwi, nrlatv nakudwrsi, nrlatv nfwr-pitvgi.

Chena inv ya-vhcigagi alagenv nihi grwesahi, hinv yrmv na-notvkv ini kvlvwewa; macimi ini utvmafewa ini ya-lakuqvh-kvmigigi uci, chena ini pvwrwanv uci wvnimafewa napwvsqayrli ini kvlvwewa, macimi mvtv mvwifowa-niwi inv.

Hina wiyafv iah notvgi ini uci kvlvwewa ini ugimrwi-drmqa, macimi mvtv nanuhsa ini, ina inv uwa biawv mvci-wiyafv, macimi u qv-qvtanvmrgoli ini mviahci vhdodalici u tahigi. Hinv yrmv ya-vhci-gagi ini pvkvci-kvnv.

Chena inv ya-vhcigagi tvh nili sekunvgiki, hinv yrmv na-notvkv ini kvlvwewa, macimi walanv uwasi-labwrwi utvh-panv ini; gawvgi mvtv u bonv ujapkvhkvtwi weyrgi, pvyaqv wesigi-fi mrlrqvsihi; macimi gesanrci-nvmowa walr nrnuhgrchadewa iah pv-faqeyrlici xvga ini kvlvwewa uci, walanv utvgikvh-sinwv inv.

Hini wafapvh-kvmigigi ugimrwi-drmqa brsi pvwrwa inwi gi-gidota ini gitigr-nagi; ma-mkvgi ilani, macimi u gigitu; chena wapfa via uwasi-labwrwani macimi inv u myaga jrivhgi ba-bonvgi, macimi u tapanv ini gitikv.

chena kutvkvli ini uwasi vsisgegi si panfanu, macimi neginwi mvwifowa, nrlatv tabawa tfwagfanwi, nrlatv nakudwrsi, nrlatv nfwr-pitvgi.

Welrni nayeswi wi sqineginu nakudwasi brlu’ hini kvwvsqhrwaga : macimi ini Irqr-niga ini kvwvsqhrwa, Mrwvtunv-muku nhihtv nili myrsi-wvsku, macimi vfipi-doku nili wvhsi fvgfv-maqa : wakv ini kvwvsqi ni kvwv-sqigr-nagi si mrwvtunv-muku, na hilrki nihki ga-kvwvsqhr-wacki, u talvhi.