آیات محبوب کتاب مقدس از John 1

به اشتراک گذاشتن

Soðlice swa hwylche swa hyne underfengen. he sealde heom anweald þæt hyo wæren godes bearn. þam þe gelefeð on hys namen.

Her onginð þæt godspell þe Iohannes se godspellere gewrat on pathmos þam eiglande. On anginne ærest wæs word ⁊þæt word wæs mid gode ⁊god wæs þt word.

⁊þæt leoht lyhte on þeostrum ⁊þeostreo þæt ne genamen.

Ænd þt word wæs flæsc geworden ⁊eardede on us ⁊we gesegen hys wulder swylche akennedes wuldor of fæder þt wæs ful myd gyfe ⁊soðfæstnesse.

ealle þyng wæren geworhte þurh hyne ⁊nan þyng næs geworht butan hym. þæt wæs lyf þe on hym geworht wæs ⁊þt lyf wæs manne leoht.

Oþre dæg Iohannes geseah þanne hælend to hym cumende ⁊cwæð. Her ys godes lamb. her ys se þe deð aweig middeneardes synne.

he wæs on middenearde ⁊middaneard wæs geworht þurh hyne ⁊middaneard hyne ne gecneow. To hys agene he com ⁊hy hyne ne underfengen.

Soð leoht wæs. þæt onlyht ælcne cumendne man on þysne middaneard.

forþan þe lage wæs geseald þurh moysen ⁊gyfe ⁊soðfæstnys ys geworðen þurh hælend crist.