آیات محبوب کتاب مقدس از San Mateo 19

به اشتراک گذاشتن

Jesús jahuätörö topö pä'inödo: —Pi̧jä̧ ttö̧ja̧ ja̧'hua̧nö̧ jȩpo̧co̧tö̧. Ya̧tȩtä̧ Diostä o'ca juiyönä jȩpö̧, o'ca juiyönä jȩa̧'a̧ttö̧.

Ja̧'hua̧ ja̧'a̧ jahuätö ta̧ju̧ huotömä ya̧tȩtä̧ pä'i'ätödo. Ja̧'hua̧nö̧ ja̧'a̧ttö̧ Dios hueinö ta'anö ka̧cuä̧tö̧rö̧, ka̧ra̧mä̧ 'quȩ'ȩpö̧ icuocödo jahuätörö.

Jahuätörö ädätinödo: —¿Ucutu Huȩyu̧cuä̧ Huȩnȩ ucuocuocotö pä'ijätöjä tä̧ji̧? Ja̧u̧ cuyäru päa'a, äcuomenä Dios “ubocu, isajucu aditinödo.” Ja̧'hua̧ta̧nö̧ päa'a: “Ja̧'hua̧nö̧ ja̧'a̧ttö̧ ya̧tȩ jä'orö'inä ja̧ju̧ru̧'i̧nä̧ 'quȩ'i̧pä̧chö̧ irecuacutä ö̧ja̧ pä'ö. Jahuätö ta̧ju̧ ya̧tȩtä̧ pä'i'ätö”, päa'a.

Ja̧'hua̧nö̧ ja̧'a̧ttö̧ Jesús pä'inödo: —Huäinä ichätö ttörö. Ja̧'a̧tä̧ topätucui. Dios Tu̧ru̧hua̧ päi'önä kö̧ pä'ätömä, ppo̧'ä̧tö̧ jä̧'i̧nö̧'a̧nö̧ huotö, —pä'inödo.

Ja̧'hua̧ta̧nö̧ recuätömä jitämä ä'canä pä'i'ätömä, yodojimä röjinä pätti'äcuotö. Ja̧'hua̧ta̧nö̧ recuätömä jitä röjinä pä'i'ätömä, yodoji ä'canä pätti'äcuotö, —pä'ö huo̧juȩti̧nö̧do Jesúsmä.

O'ca toi'önä ttojusode'inä, ttö̧jä̧hua̧tö̧rö̧'i̧nä̧, ttä'orö'inä, tta̧ju̧ru̧'i̧nä̧ ttirecuarö'inä, tti̧tti̧mö̧rö̧'i̧nä̧, ttidepiyu'inä jarotti'öttömä ttöcu tti̧'cha̧ pä'ö, o'ca juiyönä jarotti'inöttö'inä abonänö rö̧ȩnä̧ ttȩmä̧cuo̧tö̧. Kä̧cuä̧huä̧ i'co'inä ttȩmä̧cuo̧tö̧.

Jesús pä'inödo: —Adiunätä cu̧ja̧ päcuttumä, cuhuäre o'ca juiyönä cu̧ju̧nä̧rö̧mä̧ iyö icuäji. Ja̧u̧ iyö cuicuäji micuämä usurä isotörö iyi. Ja̧'hua̧nö̧ jȩpö̧ mo̧ro̧jä̧ra̧'a̧ adihuä juäi cu̧ju̧nä̧rä̧cua̧jä̧. Ja̧u̧nu̧ o'ca'a ppa̧'ä̧chö̧ ttöcu cue'ächi.

Jesús ja̧u̧ru̧ ädätinödo: —¿Dä̧bö̧ päcuhuäjättö ttörö adihuä i̧sa̧ pä'ö? Ka̧ra̧ adihuä i̧sa̧ toa'a. Ya̧tȩä̧tä̧ Diostä adihuä i̧sa̧mä̧. Ja̧'hua̧ ja̧'a̧nä̧ kä̧cuä̧huä̧ i'co cu̧ju̧nä̧ra̧ päcuttumä, hueähuä huȩnȩ päö'a̧nö̧ jȩpi̧.

Pä'äji ta'anö pä'ösä järe ruhuotö Dios ö̧jo̧mȩ 'chä̧cuä̧huä̧nä̧, camello pä̧rä̧ta̧ri̧ isäjunä 'cuäo'a pä'ö jȩo̧mȩttö̧'i̧nä̧ abonänö 'quiya'a.

Ucuturu pä'ösä, ya̧tȩ irecua ka̧ra̧ uborö suronä jȩjo̧ca̧'a̧nä̧, ja̧'a̧tä̧ jaroi'öttömä karajuru ȩmö̧, suronä jȩpö̧. Ja̧'hua̧ta̧nö̧ ka̧ra̧mä̧ yajutä kirecuo jaroi'inäcuarö irecua päi'önä ȩmö̧ttö̧mä̧, suronä jȩpö̧, —pä'inödo.

Ja̧'hua̧ ja̧'a̧ Jesús pä'inödo u̧huo̧juȩtä̧u̧ru̧: —Iso päi'önä pä'ösä ucuturu, järe ruhuotö Dios ö̧jo̧mȩ 'chä̧cuä̧huä̧nä̧ 'quiya'a.