آیات محبوب کتاب مقدس از San Mateo 19

به اشتراک گذاشتن

Pättiyäku, Jesú-mä̧ topünü̧ päinä̧u̧: —Pi̧jä̧ ttü̧ja̧rü̧mä̧ pi̧yȩmä̧ weyeku ja̧'a̧. Ja̧'wa̧nü̧ ja̧'a̧nä̧ Dio-kumä̧ o'kajuiyünä̧tä̧ weyekuoka'a.

Ja̧'wa̧nü̧ ja̧'a̧ttü̧, täkü ta̧ju̧mä̧ wokotü ttäkuotü pärokua'aku ji̧nä̧ ji̧yȩtȩ jü̧nä̧tä̧ wotü ttäkuotü. Ja̧'wa̧nü̧ ja̧'a̧ttü̧ Dio abetinü̧mä̧ ttü̧ja̧sa̧ 'kȩpa̧ pä'ümä̧ juiya'a.

Pättiyäku Jesú-mä̧ ädätinä̧u̧: —¿Ukutumä̧ wȩyu̧kuä̧ wȩnȩnä̧, ä̧kuo̧mȩnä̧ uborü'i̧nä̧ isajuru'i̧nä̧ uwäbe'inü̧ pä'ijomȩmä̧ topokotü pä'ijätüjä̧ tä̧jí̧? Jua̧u̧mä̧ pä'ija'a: Ja̧'wa̧nü̧ ja̧'a̧ttü̧ ubomä̧ jä'ottü'i̧nä̧, ja̧ju̧ttu̧'i̧nä̧ räopä̧chä̧kua̧, irekuaku ppä'ächi'ümä̧. Ja̧'wa̧nü̧ ja̧'a̧ttü̧ juätümä̧ ji̧nä̧ ji̧yȩtȩ ttäkuotü.

Ja̧'wa̧nü̧ ji̧yä̧ku̧ Jesú-mä̧ pä'inü̧: —Ppo̧'ä̧tü̧rü̧mä̧ wä̧i̧nä̧ ttüku tticha'anä̧ ja̧'a̧tä̧ topätukui, tto̧kuȩpä̧rä̧tu̧kuä̧, isopäi'ünä̧ Dio weomȩ ä̧tȩkuo̧tü̧mä̧, juätütä ja̧'a̧.

Ja̧'wa̧nü̧ ja̧'a̧nä̧ rekuätü ä̧kuo̧mȩnä̧ winä̧tü̧mä̧ rüjinä̧ pätti'äkuotü, ja̧'wa̧ta̧nü̧ rüjinä̧ winä̧tü̧mä̧ ä̧kuo̧mȩnä̧ pätti'äkuotü.

Ja̧'wa̧ta̧nü̧ ttü jäwänä̧ o'katoi'ünä̧rü̧, ojusode'i̧nä̧, ü̧jä̧wa̧tü̧rü̧'i̧nä̧, jä'orü'i̧nä̧, ja̧ju̧ru̧'i̧nä̧, i̧tti̧mü̧rü̧'i̧nä̧, ü'ättiyu'i̧nä̧ kku̧ni̧pi̧nü̧mä̧ ciȩnü̧ jo̧mȩttü̧'i̧nä̧ yabonä̧ ȩmü̧kkä̧nü̧, kkä̧kuä̧wä̧ i'ko'i̧nä̧ ȩmä̧kua̧.

Päku Jesú-mä̧ ädätinä̧ku̧: —O'kajuiyünä̧ jo̧mȩnü̧ kua päkuttümä̧, ku̧ju̧nä̧rü̧ kuiäre mikuä pä'ü iyä'chü ikui, usurä isotürü ppäkuäda. Ja̧'wa̧nü̧ jȩ'ku̧ttü̧mä̧, mo̧ro̧jä̧ra̧'a̧ttü̧ rü̧ȩnä̧ mikuäu ku̧ju̧nä̧rä̧kua̧jä̧. Ja̧'wa̧nü̧ jȩpü̧, cho'ka'anä̧ ichi.

Päomȩnä̧ Jesú-mä̧ ädätinä̧ku̧: —¿Tta̧'a̧nü̧ pä'ü adiwäjuei i̧sa̧ päkuätukuäkusä̧ttü̧? adiwä i̧sa̧mä̧ ya̧tȩtä̧ ja̧'a̧. Dio-tä. Ja̧'wa̧nü̧ ja̧'a̧nä̧ kkä̧kuä̧wä̧nä̧ dokuächa päkuttümä̧, weäwä wȩnȩ ukuoti.

Pä'äjita'anü̧ pädäu̧jä̧, camellu-mä̧ pä̧ra̧ta̧ri̧ isäjunä̧mä̧ 'kuäunä̧tä̧ 'kuä'o'ü ja̧'wa̧nü̧ ja̧'a̧nä̧ pärätä ru̧wa̧ Dio weomȩ doächa pä'ümä̧ rü̧ȩnä̧ weyekua'a.

Ja̧'wa̧nü̧ ja̧'a̧nä̧ ttümä̧ pädäu̧jä̧, kka̧ra̧ku̧ jȩjo̧ka̧'a̧nä̧ irekuarü kuyäru isojä iyü jaropi'ü kkarajuru ȩmü̧ ü̧jü̧ttü̧mä̧, adulterio pättünä̧ kkü̧; ja̧'wa̧ta̧nü̧ kka̧ra̧ jaroi'äkuarü kkü̧'i̧nä̧ adulterio pättünä̧ kkü̧.

Ja̧'wa̧nü̧ ji̧yä̧ku̧ Jesú-mä̧ u̧wo̧juȩtä̧u̧rü pä'inü̧: —Isopäi'ünä̧ pädäu̧jä̧ Dio weomȩ pärätä ru̧wa̧ doächa pä'ümä̧, rü̧ȩnä̧ weyekua'a abotä ja̧'a̧.