آیات محبوب کتاب مقدس از लुका 9

به اشتراک گذاشتن

तसौ येसुइ ओछि रैल्हाहार जम्माय मानुसलकलाइ बोल्‍लाहा, “दिठाहो, कुन्हुँ मानुस मोरा पाछु लागिबानाइ मोरा चेला बन्बा चाहाइस् भेने उ मानुसे आफ्निक्‌लाइ माया मारिहिन् त्यागुस् आउँ दिन्हुँपट मोर्बाहुक्‌लाइ तियार भेहिन् मोरा पैंदाइ हिंठुस्।

किसाबुने जुन् मानुसे आफ्निक् जिबन जोगाबा चाहाइस्, उ मानुसे आफ्निक् जिबनलाइ गुमाइस्, तर जुन् मानुसे आफ्नि जिबनलाइ मोरा खातिरइ गुमाइस् उ मानुसे आफ्निक् जिबनलाइ जोगाइस्।

तर येसुइ ओक्‌रानि बोल्‍लोकुन्, “होर जोट्‌लोटाकै पाछारिक्‌पटि फर्कि-फर्कि दिठाहिन् धर्लाहार मानुससेहे परमेस्वरक् राज्जेक् लागि काम नालागेक्।”

किसाबुने मानुसे सन्सारिहिलाइ हाथो पारेटौ आफ्निक् आत्मासेहे गुमाइबुने अथबा नास पारिबुने ता ओक्‌रालाइ किस्‌ग्वा फैधा भेइटे?

जुन् मानुस सन्सारमा मोरा नाउँ लेबा आउँ मोरा बचन मान्बाक्‌लाइ लाजाइस्, मुँइ मानुसक् बेटायकुहु मोरा आउँ परमेस्वर-बाबाक् तसौ पबित्‌र स्वर्गोदुतलकक् महिमा लेहिन् सन्‍सारै आइल बेलाइ ओक्‌रानि मोरा बाज्बाक् लाजाम्‍ना।

तसौ येसुइ ओक्‌रालाइ बोल्‍लोकुन्, “दिठाउ, खड्‌गिद्‌रालकक् बस्बाक्नि ओडार रहेट्‌थ्ला, चरै-चुर्गुनिलकक् अँठ्‌रालक् रेहेट्‌थ्‍ला, तर मुँइ मानुसक् बेटायकक्‌सेहे साँठाबाहुक्‌लाइ ठाँओउ बोइने।”

तसौ चेलाहिकलकलाइ यन्हिं बोल्‍लाहा, “जैहिं मोरा नाँओइ यहेरङ् चुटुनाइ बालखलाइ सुइकारट्‌थ्ला, ओहिं मोरालाइ सुइकार्ल भेट्‌थ्ला आउँ मोरानि सुइकार्लाहारे मोरालाइ पाठालाहार बाबालाइ सुइकार्ल भेट्‌थ्ला। तोहोरा मध्यमाहा जुन्‌सेहे जम्माहिंसौ चुटुनाइ रहैस्, उहेय सेब्‌भुइसौ बर्के भेइस्।”