آیات محبوب کتاب مقدس از मरकुस 12

به اشتراک گذاشتن

ईशु ने ओनु उत्तर ङिला, “सारा महु खास आज्ञा हा छै, ‘हे इस्राएल सोण! प्रभु अम्चा नरीकार हेको ही प्रभु छै, ते तु प्रभु आपणे नरीकारा लारे आपणे सारे मना लारे, ते आपणे सारे प्राण लारे, ते आपणी सारी ब़ुध्दि लारे, ते आपणी सारी ताकत लारे प्रेम राखा।’ ङुजी आज्ञा हा छै, ‘तु आपणे पड़ोसीया चे लारे आपणे समान प्रेम राख।’ जा ङोन आज्ञा कनु कुई बङी आज्ञा कोनी।”

तब ओणे आपणे चैला नु गोढु हकारती कर वानु केहले, मैं तम्हानु सच्‍च किहे पला कि मन्दरा चे भण्डार मां नाखणे आला महु ये कंगाल बांढी ने सबकनु बधती कर नाखले। कांकि सब ने आपणी धन ची बढ़ोतरी महु कोच्छ नाखले। पर यिणे आपणी घटी महु जको विचे हुते, यानि आपणी जीविका नाखती ङिली।

ईशु मन्दरा मां भण्डार चे सामणे ब़ेसती कर ङेखे पलता कि लौक मन्दरा चे भण्डार मां किवें करती पैसे नाखी, ब़ोहत से धनवाना ने ब़ोहत कोच्छ नाखले। इतने मां हेक कंगाल बांढी ने आती कर ङोन दमड़ीया, जको हेक अधेले चे बराबर हुवी नाखलीया।

आपणे सारे मना लारे, सारी ब़ुध्दि लारे, सारे प्राण लारे, सारी ताकत लारे नरीकारा नु प्रेम राखा ते आपणे समान पड़ोसीया लारे प्रेम राखा, सारी होमबलिया ते बलिदाना कनु बढ़ती कर छै।”

ईशु ने वानु केहले, “जको कैसर चे छै, ऊं कैसर नु, ते जको नरीकारा चे छै, नरीकारा नु ङिया,” तब वे ओचे उपर ब़ोहत अचम्भा करु लाग़ले।