آیات محبوب کتاب مقدس از MARKUS 16

به اشتراک گذاشتن

Lalu Yesus Kiurok nu enai, “Etloh nu seluroh dunia ru perleiloh Gah Bor nu dikdij sengoi.

Nu sengoi de pecaya doh biog tanda-tanda ajaib adeh: Ku kateh muh Eng, enai doh naiperet nyanik-nyanik. Enai doh naibelwal ku kateh bahase-bahase de pek naireti. Enai doh naicap tijik ru naingut racot, tapi tijik ru racot ajeh doh pek kibeh enai nyik atao dat. Enai doh naidek teg enai ku mai nyik, ru mai nyik ajeh doh naibor.”

Sengoi de naipecaya ru bibaptis doh bipeselamat tapi sengoi de pek naipecaya doh bihukom.

Ipengikot-pengikot pen naiet naiperlei Gah Bor nu dikdij tempat. Tuhan Kibeh tanda-tanda ajaib melalui enai untok Kipebukti Gah Bor de naiperlei ajeh benar. [KU KATEH SALINAN ALKITAB MANAH DE KILEK, AYAT 9 LEI 20 KU KEMIL ATAH BIGANTI YA AYAT 9 LEI 10 KU KEROP ADEH]

Tapi keral nyengnyam ajeh kiurok, “Agok sengoh! Ngpanei engkekek Yesus Sengoi Nazaret de ya bisaleb. Kek pek mong ku padeh. Kek ya Kikos ju Idanan! Nengloh, adehloh itempat Kek bidek.

Ku kateh ceknip enai ajeh, naibelwal ratak liknai, “Bok de buleh betulog hik pegulek batu tenutop penep?” Naiurok begei ajeh kerana batu ajeh ihad entoi. Tapi bile ya nailei ku pajeh, naibakek batu tenutop ajeh ya tegulek nu ibeg. Enai pen naimuj nu kateh penep ajeh. Mase naimuj, naibakek mong numom keral nyengnyam de kilog jubah biyeg kigei ku englag kentop enai. Enai ihad naikekjet ru naisengoh.