آیات محبوب کتاب مقدس از LUKAS 8

به اشتراک گذاشتن

Mat beneh de yog ku tik de bor ajeh begei ha sengoi de naicerngai ru naidek engrok ajeh ku kateh sengik de bor ru jujor. Enai betekon lei naibehasel.”

Mat beneh de yog ku engkap semak bejerlak ajeh begei ha sengoi de naicerngai engrok ajeh tapi nerisau, kenaya, ru heknod ha perwas sinui kipebantot enai lei pek naibepelek.

Mat beneh de yog ku tik bebatu ajeh begei ha sengoi de naicerngai engrok Jenang ya sengik de suka, tapi engrok ajeh pek kibereis ku kateh sengik enai. Enai pecaya nu engrok ajeh sekejap taleh, ru bile naikep cenuba, enai deras pek naipecaya nij.

Lalu Yesus Kiurok nu Ipengikot-pengikot, “Engkek pek engkepecaya ha Engka?” Dikdij liknai naisengoh ru cengang empag enai ru naibelwal ratak liknai, “Sengoi adeh ihad bekuasa! Pinoi ru teu pen baijoi Iernor!”

Mat beneh de yog ku nong ajeh begei ha sengoi de naicerngai ha engrok Jenang tapi Ibles kihol ru kikot engrok ajeh ju sengik enai supaye pek naipecaya ru pek bipeselamat.

Begei ajeh juga, dikdij ma de bicernem doh biperlau ru dikdij ma de bikerdik doh bipasal nu jap-jap mai.

Kerdor ajeh kisedar ma de kibeh ya bipanei. Kek kihol kerog iberog ru kisujod ku ngar Yesus. Ku ngar mai jengoi kipasal yama kipep jubah Yesus ru begeiharok nyaknik kek ya bor ku sarik jijeh. Yesus Kiurok nu kek, “Bong, kerana hapecaya nu Eng, hek ya habor. Ciploh ru sengik de aman.”

Ipengikot-pengikot naiberyol Yesus, “Tuan, hik merek hiha-dat!” Yesus Kikos ru Kitengking pinoi pes ru umbak de kuat ajeh. Pes ajeh pen kibehenti ru tasek ajeh kijadi ihad tenang.