آیات محبوب کتاب مقدس از Yowana 5

به اشتراک گذاشتن

“Kimari enibhabhwira ati, omuunu woonewoone unu koongwa amangʼana gaani na okwikirisha unu ꞉aantumire, omuunu uyo ari na obhurame bhunu bhutakuweera. Omuunu uyo atariramurirwa, tari ambukire okusooka mu-rufu, na eengiiye mu-bhurame bhunu bhutakuweera.

Yeesu ˆnaamurora amaamirega mu-nyumba ayo. Na Yeesu ꞉aariga amenyere ati muunu uyo aarwaye nsiku nyafu, ˆnaamubhuusha ati, “Angu, oweenda ubhe muworu?”

“Omuringira mwikomeeresiishe Amakaamo Amataakatiifu, kwa okubha omutoga ati omutura okunyoora-mo obhurame bhunu bhutakuweera. Na Amakaamo gayo nigo aganyaikira anye! Na mutakwenda okuuja ku-anye, insonga munyoore obhurame bhunu bhutakuweera.

Niwe Yeesu ˆnaamubhwira ati, “Iimuka! Gega riiraro ryawo ugende.” Ayoayo omuunu uyo ˆnaawora, ˆneetwika riiraro ryaye ˆnaamba okuribhata. Na orusuku ruyo ꞉rwariga ruri Nsabhaato.

Yeesu ˆnaabhwira abhatangasha bhayo ati, “Kimari enibhabhwira ati, Omwana wa Nyamuwanga atakutura okukora ryoneryone ku-bhuturo bhwaye. Tari kaakora rinu kaarora esemwene ˆnaakora, kwa okubha goone kutyo ganu esemwene kaakora, nigo gayogayo na Omwana woone kaakora.