آیات محبوب کتاب مقدس از ꤛꤥ꤭ꤟꤢ꤬ 2

به اشتراک گذاشتن

ꤛꤢꤩ꤬ꤏꤛꤢꤨ ꤗꤢꤩ꤬ꤒꤣꤧ꤬ꤊꤜꤤ ꤊꤣꤧ꤬ꤜꤢꤨ ꤒꤢꤩ꤬ ꤒꤣ꤬ꤖꤥ꤬ꤗꤢ꤬ ꤙꤣꤧ ꤠꤤ꤭ꤊꤢ꤬ꤔꤢ, ꤊꤢꤧꤜꤢ꤬ꤜꤤ꤬ꤊ꤫ꤢꤩ꤬ ꤣꤧ꤭ꤔꤣꤧ꤬ꤟꤣꤧ, ꤚꤣꤧ꤬ ꤢ꤬ ꤘꤣꤧꤜꤥ꤭ꤓꤢꤧ꤬ ꤢ꤬ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤙꤣꤧꤔꤣꤧ꤬꤯ ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤜꤢꤨ꤭꤯

ꤚꤣꤧ꤬ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤗ꤫ꤥ꤬꤮, ꤔꤢꤧ꤬ ꤡꤝꤢꤟꤢꤧ꤭ ꤟꤢꤩꤏꤥ꤬ꤒ꤫ꤥ꤬ ꤠꤢꤧ꤭ ꤗꤢꤩ꤬ꤒꤢꤩ꤭? ꤏꤣꤧꤋꤢꤩ꤭ ꤒ꤫ꤥ꤬ꤜꤢ꤭ꤟꤤ ꤘꤣ ꤠꤢꤧ꤭ ꤊ꤫ꤢꤦ꤬ ꤘꤣꤧꤜꤥ꤭ ꤠꤢꤧ꤭ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤜꤢ꤭ꤟꤤꤒꤥ꤬꤯”

ꤛꤢꤩ꤬ꤏꤛꤢꤨ ꤔꤢꤪ꤭ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ, “ꤛꤢꤦ꤬ꤔꤥ꤭ ꤙꤢ꤭ꤜꤢꤪ꤭ꤓꤣꤧ꤭ ꤘꤣ ꤞꤥ꤭ꤘꤢꤨ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭ꤔꤣꤧ꤬꤯” ꤚꤣꤧ꤬ ꤛꤢꤩ꤬ꤞꤤ꤭ ꤛꤢꤦ꤬ꤔꤥ꤭ ꤙꤢ꤭ꤜꤢꤪ꤭ ꤓꤥ꤭ꤚꤣꤧ꤬, ꤛꤢꤩ꤬ꤏꤛꤢꤨ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤊꤢꤨꤔ꤫ꤢꤧ꤬ꤣꤧ꤭ ꤘꤢꤧꤔ꤫ꤤ꤬ꤓꤣꤧ꤭ ꤒꤣ꤬ꤙꤢꤩ꤭ ꤚꤣꤧ꤬ ꤡꤝꤢꤘꤣꤧ ꤘꤣ ꤕꤝꤢꤩ꤬ꤊꤢꤨ꤬ꤊꤜꤢꤪꤘꤢꤨ꤬ ꤘꤣ ꤢ꤬ ꤒꤣꤧ꤬ꤚꤤ꤬ ꤗꤢꤧꤡꤢꤧ꤬ ꤚꤣꤧꤕ꤫ꤢꤩ꤬ ꤜꤢꤪ꤭ ꤢꤨ꤭ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤢ꤬ ꤥ꤬,” ꤢ꤬ ꤟꤢꤩ ꤚꤣꤧ꤬ ꤛꤢꤩ꤬ꤞꤤ꤭ ꤘꤢꤧꤡꤝꤢ ꤕ꤫ꤢꤩ꤬ ꤜꤢꤨ꤭꤯

ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤔꤢꤧ, “ꤗꤢꤩ꤬ ꤒꤢ꤭ꤖꤚꤢꤪ꤬ꤊꤢꤧ꤭ ꤗꤣꤧ꤭ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤣꤧ꤭ꤔꤣꤧ꤬꤯ ꤞꤥ꤭ꤔꤣꤧ꤭ ꤢ꤬ꤊꤢꤨ꤭, ꤠꤢꤧ꤭ ꤊ꤫ꤢꤦ꤬ ꤤ꤬ꤏꤢꤪꤓꤢꤧ꤬ ꤋꤛꤢ꤭ꤞꤢꤧ ꤕꤢ꤭꤯”

ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤗꤢꤩ꤬ ꤞꤢꤨꤕꤜꤣꤧ꤬ ꤤ꤬ꤕꤜꤤ ꤚꤣꤧ꤬ ꤢ꤬ ꤠ꤫ꤢꤩ꤬ꤓꤢꤩ꤬ꤊꤢꤧ꤭ ꤜꤢꤪ꤭ ꤞꤤꤗꤤ꤬ ꤔꤢꤧ ꤕ꤫ꤢꤨ꤬ ꤒꤣꤧ꤬ꤟꤢꤩ꤬ ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ ꤟꤥ꤭ꤊꤢꤨ꤭꤯ ꤓꤥ꤭ꤚꤣꤧ꤬ ꤢ꤬ ꤓꤢꤨ꤬ꤜꤢꤧ꤬ꤊꤜꤢꤪ꤭ꤊꤢꤧ꤭ ꤜꤢꤪ꤭ ꤢꤨ꤭ ꤜ꤫ꤢꤩ꤬ꤓꤢꤨ꤬ꤜꤢꤧ꤬ ꤚꤢꤦ꤭ ꤢ꤬ ꤘꤤ꤭ꤚ꤫ꤢꤩ꤬ꤓꤢꤧ꤬ꤜꤥ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤗꤢꤩ꤬ ꤜꤢꤨ꤬ꤖꤚꤥꤊꤢꤧ꤭ ꤜꤢꤪ꤭ꤕꤜꤤ꤭ ꤛꤢꤩ꤬ꤞꤤ꤭ ꤚꤢꤦ꤭ꤛꤢ꤬ ꤒꤣꤧ꤬ꤟꤢꤩ꤬꤯ ꤓꤥ꤭ꤚꤣꤧ꤬ ꤢ꤬ ꤟꤢꤩ ꤊꤣꤧ꤬ꤛꤢꤧ꤭ ꤤ꤬ꤏꤢꤩ꤭ ꤓꤢꤨ꤬ꤜꤝ꤫ꤤ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ, “ꤡꤢꤪ꤭ꤓꤢꤩ꤬ ꤒꤣꤧ꤬ꤖꤢ꤭ꤊꤢꤧ꤭ ꤜꤢꤪ꤭ ꤣꤧ꤭ꤒꤣꤧ꤬ꤟꤢꤩ꤬꤯ ꤔꤢꤪ꤭ꤓꤝꤢ꤭ꤓꤢꤧ꤬ ꤒ꤫ꤢꤧ꤬ ꤠꤢꤧ꤭ꤖꤢꤩ꤭ ꤢ꤬ꤟꤤ꤬ ꤣꤧ꤭ꤔꤣꤧ꤬ ꤔꤢꤧ ꤊꤜꤢꤩ ꤒ꤫ꤢꤧ꤬ꤗꤢꤩ꤬”