آیات محبوب کتاب مقدس از ମାର୍କ 1

به اشتراک گذاشتن

ଅଜଡ଼୍ ଆୱିହିଙ୍ଗ୍ ଯୀଶୁ ନିଙ୍ଗ୍‌ଞ୍ଜି ର ଟାଙ୍ଗ୍ରାବାହାତ ପାର୍ତାନା କିଦେଙ୍ଗ୍ ହାଚାନ୍।

ହେୱାନ୍ ଇଦାଙ୍ଗ୍ ୱେଚ୍‌ଚେଙ୍ଗ୍ ହାଙ୍ଗ୍‌ତାନ୍, “ଈଶ୍ୱର ବାଚିକିତି ସମୟ୍ ଆତାତ୍, ଈଶ୍ୱର ସାସନ୍ କିନି ରାଜି ଲାଗେ ଇକାୱାନାତା। ହେଦାଙ୍ଗ୍ କାଜିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଡ ଆରେ ହାର୍ଦିକାବୁର୍‌ତିଙ୍ଗ୍ ପାର୍ତିକିୟାଟ୍।”

ହେଦାପ୍ରେ ଯୀଶୁ ଏଜୁଙ୍ଗ୍‌ତାଙ୍ଗ୍ ନିଙ୍ଗ୍‌ଞ୍ଜି ୱାନି ୱେଡ଼ାଲିଙ୍ଗ୍ ସରଗ୍ ଜେୟାଆନାକା ହୁଡ଼ତାନ୍, ଆରେ ପବିତ୍ର ଆତ୍ମା ପାର୍‌ୱା ଲେକେ ଜାର୍ ଜପି ୱାନାକା ହୁଡ଼୍‌ତାର୍। ଆରେ, ଈଶ୍ୱର ସରଗ୍‌ତାଙ୍ଗ୍ ଯୀଶୁଙ୍ଗ୍ ୱେଚ୍‌ଚାନ୍, ଏନେଙ୍ଗ୍ ନା ଲାଡ୍ ମାଜି, “ଆନେଙ୍ଗ୍ ନିତାକେ ବେସି ୱାରି।”

ଆନେଙ୍ଗ୍ ମିଙ୍ଗେଙ୍ଗ୍ ଏଜୁକାଙ୍ଗ୍ ଡୁବନ୍ ହିଦ୍‌ନାଙ୍ଗା, ମାତର୍ ହେୱାନ୍ ମିଙ୍ଗେଙ୍ଗ୍ ପବିତ୍ର ଆତ୍ମାତାଙ୍ଗ୍ ଡୁବନ୍ ହିଦ୍‌ନାନ୍।

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ନା ପାଚେ ୱାଡ।” “ନଙ୍ଗୟ୍ ପାତେକ୍ ଏପେଙ୍ଗ୍ କେଉଟ୍ ମାଚାଦେର୍, ମାତର୍ ନଙ୍ଗୟ୍ ମିଙ୍ଗେଙ୍ଗ୍ ମାନାୟାରିଙ୍ଗ୍ ତାସି ନା ଚେଲାରହ୍‌ନାକା ଆନେଙ୍ଗ୍ ହିକାଇ କିଦ୍‌ନାଙ୍ଗ୍।” ହେବେତାଙ୍ଗ୍ ହେୱାର୍ ହେଦାପ୍ରେ ଜାଲ୍‌ତିଙ୍ଗ୍ ପିସ୍ତି ତାପାଚେ ହାଚାର୍।

ଆରେ ମାନାୟାର୍ ତା ହିକ୍ଷା ୱେନ୍‌ଞ୍ଜି କାବା ଆତାର୍, ଇନେସ୍‌କି ହେୱାନ୍ ଯିହୁଦି ଦରମ୍‌ନି ପଣ୍ଡିତ୍‌ଲେକେ ହିକ୍ଷା ହିୱାଦାଙ୍ଗ୍, ଆଦିକାର୍ ପାୟାଆତି ମାନାୟ୍ ଲେକେ ହେୱାରିଙ୍ଗ୍ ହିକ୍ଷାହିଜି ମାଚାନ୍।