آیات محبوب کتاب مقدس از Joon 1

به اشتراک گذاشتن

Yii bèy, a wír ámóʼó‑oò ló a yen wun feyì, a way shilív é wùn wó. Wù nèn lì vee shooy adzə̀m, e bùʼ ji wáa dzə wón Nyùy.

Yì‑iì dzə̀, é bo ndzə wìy a kèʼ, a Jínyùy‑iì sì. Wù‑uù dzə̀ wùn Nyùy, a wù dzə̀ sá ji Nyùy.

Rán yee shooyi ku nèn a ban, a kàʼày ndzə vitsə̀ʼ, a bó ndzə vitsə̀ʼ yòʼ‑oò lo ndzə̀mér gheéy.

Á mo Jínyùy‑iì wìyìn, e lì mbom wìr, a dzə wùn à wíri, a kòŋ áwune féyì, a dìn rú mo Nyùy dzəə̀n, vèr wáa yen vikuʼùy və́. A kù dzə̀ vikuʼùy vé Tàr wov, bìʼ fo kù jòʼsìn wun wo dzəə̀n Wan Nyùy.

a Nyùy‑iì wày vitaáví a dzə̀ e wùn kiwo, wù yiì, vifá vidzə̀m vi wáa dzə. A bó kifá kímóʼ kí yòʼ dzə̀ shó ke kí dzəə̀n, a bó yòʼ‑oò yiì wun, é bo kí keʼ, a dzə. Dzə̀ wun wo wù‑uù foon dzəʼə̀m yee dzəʼə̀m e wíri, á nèn a ker sa rán ye dzə̀ á kìíy Nyùy.

Yì rán kibvəə́shí, Joon yén Jesus, a wù wiyì, e nèn a dìn e wíri jii, «Vèn yén wír wo wù mán vinyo ve wír veé ndzə adzə̀me jáyí. Wù dzə̀ moo wan njiì wo Nyùy seé, e taŋrí wíri shó.

Wun woo Jínyùy wáa dzə e ndzə fèn, la wír veé ndzəə yòʼ fə̀m kìíy wun, a kù dzə̀ wun wo wù‑uù fèrìn ndzə rə̀n. Wù‑uù wìy, e dù a dzə̀ e wír ve wù‑uù shoʼon ji vəə́ wòŋ, la áwune yòʼ a yen wun gheéy.

A dzə̀ ŋgaàŋ wo wù fó rán yee rán e wìr dzə̀m, a wù‑uù sí wiy e ndzə fèn.

Kinyo ke vé‑eè jumrì fo mbìy ki kù mày nsər se Nyùy‑iì foon e Mooser. Jesus Kristu nèn wìy kfə́, a kòŋ wíri, e yiì, á kiíy rúrú mo Nyùy dzəə̀n.