آیات محبوب کتاب مقدس از यूहना 6

به اشتراک گذاشتن

जद यीसू बानै केयो, “मैं ई बा रोटी हूं झिकी जीवन देवै है झिको मेरै कनै आवै है बो कदी भूखो कोनी रेवैगो अर झिको मेरै उपर बिस्वास करै है बिनै कदी तीस कोनी लागै।

आत्मा तो जीवन देण आळी है। आदमियां गी कोसिस कीं काम गी कोनी झिका बचन मैं थानै केया है बे ई आत्मा है अर बो ई जीवन देवै है।”

मैं थानै केऊं हूं कै, ईं संसार में नास होण आळी रोटी खातर मेनत ना करो पण झिकी रोटी हमेसा रेवै है अर अनन्त जीवन देवै है बिं खातर थे मेनत करो। बा सिरफ मैं परमेसर गो बेटो दे सकूं क्यूंकै बा देण खातर पिता परमेसर एकलो मनै अधिकार दियो है।”

आई मेरै परम पिता गी इच्छा है हर एक आदमी झिको बेटै नै देखै है, बिमै बिस्वास करै है, बो अनन्त जीवन पावै अर आखरी न्याय गै दिन बिनै जींवंतो कर देऊंगा।”

यीसू बानै उतर दियो, “परमेसर गो काम ओ है कै झिकै नै बण भेज्यो है बिं पर बिस्वास करो।”

हर एक आदमी झिको परमेसर मनै दियो है बो मेरै कनै आवैगो झिको मेरै कनै आवैगो बिनै मैं कदी कोनी काड़ूंगा।

समौन पतरस बिनै उतर दियो है, “हे गुरूजी, म्हे किंगै कनै जावांगा बे बचन तो तेरै कनै झिका अनन्त जीवन देवै है।

मैं ई बा जींवती रोटी हूं झिकी सुरग ऊं उतरी हूं जे कोई ईं रोटी नै खावै है बो सदां जींवंतो रेवैगो अर झिकी रोटी मैं बिनै देऊंगा बो मेरो सरीर है इंऊं संसार गा लोग जींवता रेवैगा।

जद तांई मेरो भेजण आळो किनैई मेरै कनै आप कोनी ले आवै जद तांई कोई मेरै कनै कोनी आ सकै।

क्यूंकै परमेसर कानूं आण आळी रोटी आ है झिकी सुरग ऊं उतरगे संसार गै लोगां नै जीवन देवै है।”

मैं ई बा रोटी हूं झिकी जीवन देवै है।

जद यीसू रोटियां ली अर परमेसर गो धन्यवाद कर'गे बाटण खातर आपगै चेला नै दे दी फेर मछलियां लेगे बिंयाई करयो। जिती लोगां नै इच्छा ही बां बिती ई खाई। जद बां लोगां गो पेट भरीजग्यो तो यीसू आपगै चेलां नै केयो, “झिकी रोटियां गा टुकड़ा बच गया हा बानै भेळा कर ल्यो कै बे खराब ना होवै।

लगभग पाणी में पांच छ: किलोमीटर जाण गै बाद बां देख्यो कै यीसू पाणी गै उपर चालगे बांगै कानी आण लागरयो है। बे भोत डरग्या। पण यीसू बानै केयो, “डरो ना, मैं हूं।”