آیات محبوب کتاب مقدس از यूहना 12

به اشتراک گذاشتن

जे कोई मेरी सेवा करै तो बो मेरै लारै हो जावै अर जठै मैं हूं बठै मेरो सेवक बी होवैगो। जे कोई मेरी सेवा करै तो पिता बिंगो आदर करैगो।

झिको कोई आपगै प्राण नै प्यारो जाणै है बिनै अनन्त जीवन कोनी मिलैगो पण झिको ईं संसार में आपगै प्राणा ऊं बोळो प्रेम मेरै उपर राखै है बिनै अनन्त जीवन मिलैगो।

मैं तनै साची केऊं कै जद तांई कणक गो दाणो धरती गै मा जा'गे मर कोनी जावै जद तांईं बो एकलो रेवै है। जद बो मर जावै है तो भोत सारा दाणा नै जन्म देवै है बिंयाई जद मैं मरूंगा तो भोत लोगां नै अनन्त जीवन मिलैगो।

मैं संसार में जोती गै रूप में आयो कै हर बो आदमी झिको मेरै पर बिस्वास राखै है अंधेरै में ना रेवै।

जे कोई मेरी बातां सुणगे बांगो पालण कोनी करै तो मैं बिनै गुनहेगार कोनी बणाऊं क्यूंकै मैं संसार नै गुनहेगार बणागे फेंसलो करण कोनी आयो पण संसार नै मुकती देण खातर आयो।

जद मरियम जटामांसी ऊं बणाएड़ी आदै किलै गी भोत मेंगी सेंट यीसू गै पगां पर लगायो अर आपगै बाळा ऊं बिंगा पग पूंछया जद बिं सेंट गी सुरम सारै घर में होगी।

ईंखातर बां खजूर गी डाळियां लेगे मिलण खातर चाल पड़या अर ऊंची आवाज में बोलण लागरया, “होसना!” “धन्य है बो झिको प्रभु गै नाम ऊं आवै है!” “बो झिको इसराएल गो राजा है!”

यीसू बानै उतर दियो, मिनख गै बेटै नै आदर मिलण गो टेम आ'ग्यो।