آیات محبوب کتاب مقدس از Matta 24

به اشتراک گذاشتن

Nızamsızlıq kóbeygenlikten, kóp adamlardıń súyispenshiligi suwıydı. Biraq, aqırına deyin shıdaǵan qutqarıladı.

Aspan Patshalıǵı tuwralı Xosh Xabar pútkil jer júzine járiyalanıp, barlıq xalıqlarǵa gúwalıq boladı. Sonnan keyin, usı zamannıń aqırı keledi.

Sizler urıslardıń shawqımın hám urıslar tuwralı xabarlardı esitesizler, biraq qáweterlenbeńler. Bulardıń bolıwı shárt, biraq bul ele aqırı emes.

Óytkeni millet milletke qarsı, patshalıq patshalıqqa qarsı kóteriledi, kóp jerlerde asharshılıqlar hám jer silkiniwler boladı. Al bulardıń hámmesi tolǵaq azabınıń baslanıwına uqsaydı.

Aspan menen jer joyıladı, biraq Meniń sózlerim hesh qashan joyılmaydı.

Sebebi kópler Meniń atım menen kelip: «Men – Masiyxpan» dep, kóp adamlardı aldaydı.

Sonda sizlerdi qıynawǵa uslap beredi hám óltiredi. Meniń atım ushın barlıq xalıqlar sizlerdi jek kóredi. Sonda kóp adamlar isenimnen qaytadı, bir-birine satqınlıq islep, bir-birin jek kóredi. Kóplegen jalǵan payǵambarlar payda bolıp, kóp adamlardı aldaydı.

Iysa olarǵa bılay dep juwap berdi: – Birewlerdiń sizlerdi aldawınan saq bolıńlar!

Sonlıqtan sizler de tayar bolıp turıwıńız shárt! Óytkeni Adam Ulı sizler oylamaǵanda keledi.

Solay etip, sergek bolıńlar! Sebebi Iyeńizdiń qashan keletuǵının bilmeysizler.

– Biraq, sol kúndi hám sol saattı hesh kim de bilmeydi: aspandaǵı perishteler de, Uldıń Ózi de, tek ǵana Ákem biledi.

Óytkeni jalǵan masiyxlar hám jalǵan payǵambarlar payda bolıp, eger múmkin bolsa, tańlap alınǵanlardı da aldaw ushın, ullı káramatlı belgiler hám tań qalarlıq islerdi kórsetedi.

Nuxtıń zamanında qalay bolǵan bolsa, Adam Ulı kelgende de solay boladı. Óytkeni topan suwınan burın, Nux kemege mingen kúnge deyin, adamlar iship-jedi, úylendi, turmısqa shıqtı. Topan suwı basıp, bárin qırıp joyǵanǵa deyin, olar ańǵarmadı. Adam Ulı kelgende de solay boladı.