آیات محبوب کتاب مقدس از Mark 6

به اشتراک گذاشتن

Iko̱maiskai'tapi̱i̱yi Jesus ota̱o̱toyisstsiwookiks, oosto̱yi ki otohpoko̱omiks ma̱tohtaohko̱ttsoyiwaiksawa. Oma̱ Jesus itani̱stsiiwa otohpoko̱omiks, “Ma̱aksayi̱i̱tohta'pawaawahkao'pa

Ki oma̱ Jesus itani̱stsiiwaiks, “Oma̱ ni̱naawa a̱'pao'tomo̱yiw A'pistotookiyi, ika̱ohkanotamimmawa; ki omi̱ ono̱o̱hkohto'toohpi omikska o̱kso'koaikska ki omi̱i̱ksi mata̱piiksi niita̱i̱ksim'staayaw a̱kohkanai'to̱manistsipoyiwa.”

Oma̱ Jesus ota̱o'toohsi ki ota̱i̱nnisa̱atoohsi omi̱ a̱a̱hkioohsa'tsis itsino̱yiiwa amo̱i̱ o̱tapiy'ssin ota̱yoohko̱yissi. Iitsiki̱mmatahsinatsiiwa amo̱i̱ o̱tapiy'ssin; sta̱manistsimmiiwaiks a̱nni i̱mahkihkinai ka̱taohkootoi'tsikataayi. Itoma̱tapssksinima̱atsiiwaiks a̱mo kana̱o̱mia'nistaa'piyi, maka̱moo'tsiistsi.

Annihka̱yi iihtsi̱tsawattohkotta̱akanisttsiyi. Kii, isskohto̱yi̱tsstsi'pa ami̱ksk o̱tssokinaikska. Jesus oso̱tamayamistotookaiks; niitsiksi̱m'staawa ma̱hkoohkaai'naka̱o̱mai'toyis o̱tapiy'ssini. Ki a̱nnimayi itohka̱nawaahtowa̱atoma oma̱ Jesusa o̱mistsk aka̱i̱tapisskoyistsk ito̱'tsstsiistska, ki itssksi̱nimaatsii mata̱piiksi.

Ki oma̱ Jesus ito̱'tsim omi̱stsi nisito̱yistsi ki̱i̱taanistsi ki omi̱i̱ksi na̱to'kammiksi mami̱i̱ksi. Itsspssa̱piwa ki itsiksi̱matsimiiwa ki̱nnooni A'pistotookiyi ota̱akohko̱o'yissaw. Itomia̱'nistaomino'tsim omi̱stsii ki̱i̱taanistsi. Omi̱stsii napayi̱i̱nistsi ita̱nitohkotsiiwa omi̱i̱ksi ota̱i̱ssksinima̱atsaiks ma̱hka̱niitsiisowahsaw amo̱i o̱tapiy'ssina. Ki oma̱ Jesus ma̱ttsita̱niitsiisakatsiiwa omi̱i̱ksi mami̱i̱ksi. Itohkana̱ooyiwa amo̱i̱ o̱tapiy'ssina ki iihkana̱o̱koyiwa. Nisito̱mahksikiipippitapiiyiihki o̱tapiy'ssina iiyi̱i̱wa. Na̱tsikopottomahkaisskini̱tsaaksiniihki otohksi̱sttaanoaawaists aao̱'wahsii.