آیات محبوب کتاب مقدس از मत्ती 5

به اشتراک گذاشتن

एठा कुरकू म्या दिवा जुलटे म्या टोपला गा इटान बान दोडो पेनो म्या कोंडाळा लिंजेन डोएबा होय। मेटे डी दिवा डी उरा गा सेबाई कुरकू के उजाला जेबा होय। डिकारोंगो आपेगा उजाला कुरकू गा सम्मान चामकातिंजूवा कि आपेगा भला गा कामाय के धोटे आपेगा बाटे जो स्वर्ग गेन होय, जीमू डाऊवा।

आपे पूरा दुनिया गा घल्जी उजाला रोंगो होय। जो पूरा टुक्की लिंजेन सुबानके होय, डी उखुबाने होय।

धन्य होय दिकु! जो मन गा सपा होय, चोयाकी दिकु परमेश्वर के डोगेचबा।

धन्य होय दिकु! जो धर्मिकता गा जीवन बिबातातिंज गा इच्छा डोएबा होय, चोयाकी परमेश्वर दिकुके शंतिकूबा।

पेनो इंज आपेटे इनी मंडीवा होय, कि अमा दुश्मनकु टे प्यार डोए एठा अमा ससातातिंज मिन्कुके प्रार्थना डाए।

धन्य होय दिकु! जो महसूसेवा कि दिकुन परमेश्वर गा जरुरत होय, चोयाकी स्वर्ग गा राज्य दिकुगा का होय।

धन्य होय दिकु! जो मिमलातिंज्बा होय, चोयाकी दिकु परमेश्वर गा कोणकुटे मेंटो हाकोकुवा।

धन्य होय दिकु! जो दुख लक्के होय, चोयाकी परमेश्वर दिकुके तसल्ली जेबा।

धन्य होय दिकु! जो धर्म गा जीवन बिबीतातिंज गा वोजीटे सतातिंज्कुबा होय, चोयाकी स्वर्ग गा राज्य दिकुगा का होय।

धन्य होय दिकु! जो दया डोएबा होय, चोयाकी परमेश्वर दिकु लिंजेन दया डोएबा।

धन्य होय आपे! मेटे इंजा चेला आरु गा वोजीटे कुरकू आपेके बान मेंबा एठा पारेशान कोम्बा एठा लबाळ मंडीटे आमगा खिलाफबेन सेबाई रोंगो बुरा बातो टासो। खुशोऊ एठा मगन होना चोयाकी आपेगा घल्जी स्वर्ग गेन ईनाम होय। डीका रोंगो टे डेंगो कुरकू नी परमेश्वर गा कोनेटे मंडीमिठाच के सातातींजकेमी जो आपेटे सुटूका पेला डा।

धन्य होय दिकु! जो नम्र होय, चोयाकी देटेन डी पृथ्वी दिकुगा डाऊवा, जो पृथ्वी के परमेश्वर डाबोलटे आरोएवा।

आपे इनी दुनिया गा कुरकू घल्जी बुलूम गा रोंगो होय। पेनो बुलूम अच्छा होय, अगर बुलूम हेजा गा सिंबिल स्याएन टासो मेटे आपे तुनिका रोंगो टे भी डाबोलटे खारा बान हिरागेवा मेटे डी तुनिका कामाय गा बाऊ, बस येनेगा बाल्लन टेप्पाएवा एठा कोरो गा नंगा इटान टाजूबा।

इनिघल्जी होनाकी हमेशा डीका डाए जो अच्छा होय, येनोगोका आपेगा स्वर्ग बाटे दडावा होय।

पेनो आपेगा बातो हां गा हां, या ना गा ना होना, चोयाकी येनेटे जादा जो चोचकाभी आपे मंडीवा, दिकु बुरा होय। चोयाकी डी शैतान गा कोनेटे हेजेवा होय।

आपे हाडाई होय, कि मूसा गा नियम गेन ओल्के होय, कि मेट गा बेदला मेट, एठा तिळींज गा बेदला तिळींज। पेनो इंज आपेटे सच्चो-सच्चो मंडीवा मेना, जो आपेगा सेंग्गोन चोच्का बुराई दडावा होय। जेकाटेका बदला बाकी सा। पेनो जेकाभी अमागा डाखुरी जोकाके थपडाए टासो, मेटे दूसरा जोकाकेभी सम्मान कि।

अगर आमेन पापो दडा गा घल्जी अमा डाखोरया मेट आमके माजबूर कोम्बा, मेटे आम इनिके कोलाटे टेप्पाकी, चोयाकी अमा घल्जी येटेन अच्छा होय, कि अमा कोम्बोर गा म्या अंग नाशोऊवा एठा अमा सेबाई कोम्बोर नरक गेन सेने टे बचातिंजू। अगर आमेन पापो दडा गा घल्जी अमा डाखोरया टी आमके माजबूर कोम्बा, मेटे आम इनिके म्हाटे टेप्पाकी, चोयाकी अमा घल्जी येटेन अच्छा होय, कि अमा कोम्बोर म्या अंग नाशोऊवा, एठा अमा सेबाई कोम्बोर नरक गेन सेने टे बचातिंजू।