آیات محبوب کتاب مقدس از Dubbii Nagayaa Ka Yohaannisii 12

به اشتراک گذاشتن

Ka naa hojjatu yoo jiraate, na faanaa haa deemuu; hulee ani jirullee hin jiraata. Ka naa hojjatu yoo jiraate Aabba hin kabajjaan.»

Ka lubbuu ufii jaalatu hin balleeffata, ka adunyaa tana irratti lubbuu ufii jibbu jireenna bara baraatiif kaayata.

Dhugama dhuga'aatiin isiniin jedha, gumaan qamadi'ii lafa buutee lafa keessatti yoo hin duune hojjatti hafti. Yoo duute ammo daraaraa hedduu godhatti.

Ka natti amanu maruu dukkana keessa akka hin jiraanne ani ifa ta'ee gara adunya'aa dhufeera.

Adunyaa fayyisu'uuf malee adunya'atti murteessu'uuf waan hin dhufneef; ka dubbii kiyya dhagayee hin eenne yoo jiraate ka itti murteessu anaa miti.

Maariyaam urgoo Naardoosii ka gatiin isaa guddaa baasu fuutee luka Yesuusii dibde; luka isaa rifeensa mataa ufiitiin haxxe. Urgoon Naardoosii mana urgeesse.

Baala meexxi'ii qabatanii simachu'uuf bayan, «Hoosaanaa! ka maqaa Goofta'aatiin dhufu Mootiin Israa'eelii ka eebbifame!» jedha'aa wocan.

Yesuusillee akkana jedhee isaanii deebise, «Ilmi Namaa kabajjamu'uuf sa'aatiin gayeera.