آیات محبوب کتاب مقدس از Luka 8

به اشتراک گذاشتن

Ariko imbuto zaguye mw’ivu ryiza, ni abantu bamaze kwumva ijambo ry’Imana, baryakirana umutima mwiza kandi ukunze, maze bakarigumya; hanyuma kubera ukwihangana, bakama ivyamwa vyinshi.

Imbuto zaguye mu mahwa: ni abantu bamaze kwumva ijambo ry’Imana, imyitwarariko y’ivy’ubu buzima, ubutunzi n’ibihimbaro vy’iyi si bica biza bikanyoha iryo jambo ryatewe muri bo, hanyuma mu buzima bwabo ntibigere bakura, ngo bame imbuto nziza.

Imbuto zaguye ku rutare: ni abantu bakirana umunezero, ijambo ry’Imana, ariko kubera batarireka ngo rishinge imizi muri bo, bizera akanya gato. Hagize ibibagerageza, baca bata ukwizera.

Yesu aca abaza ba bigishwa ati: “Ukwizera kwanyu kuri he?” Maze baratangara, bagira n’ubwoba bwinshi, batangura kubazanya bati: “Mbega uwu ni umuntu ki? Ategeka umuyaga n’amazi kandi bikamwumvira!”

Imbuto zaguye aho abantu baca, ni abantu bumva Ijambo ry’Imana, ariko Satani agaca aza akarikura mu mitima yabo kugira ngo ntibizere, maze ngo bakizwe.

Kuko ata canyegejwe kitazoshirwa ahabona, kandi ata cagizwe ibanga kitazomenyekana.

Wa mugore abonye ko ico yakoze camenyekanye, aca aza ajugumira, yikubita imbere y’ibirenge vya Yesu, amubwirira imbere ya bose icatumye amukorako, kandi ko yaciye akira ako kanya nyene. Yesu aca aramubwira ati: “Mwana wanje, ukwizera kwawe kuragukijije. Igire amahoro.”

Abigishwa baca baja kumuvyura bavuga bati: “Mwigisha, mwigisha, turapfuye!” Nuko aravyuka akankamira uwo muyaga n’imipfunda, igihuhusi kirahagarara, ubwo nyene haba agahwekere!