آیات محبوب کتاب مقدس از मरकुस 11

به اشتراک گذاشتن

इथकारिए हांव तुऔं खै बुलू, कै जू किछै तुऐं प्रार्थना कौरेयौ मांगलै तौ बिशवाश कौरेया कै पौरमेशवरे तोंवारै बिन्ती शौणै राए, तौ सै तुऔं खै जौरुर दैला।

हांव तुऔं कैंई साचौ बुलू कै जू कुणिए इयौं धारो खै बौल़ौ, ‘जै तू ओकशै जा, औरौ समुन्द्रो दो पौड़ै जा,’ औरौ आपणै मन दा शक ना कौरौ, पौरौ बिशवाश कौरौ तौ जू तुऐं मांगलै सै हौए जालो, औरौ पौरमेशवर तैसी कारिए ऐजौ कौरे दैंदा।

ऐशैकैई जोबै तुऐं प्रार्थना कौरणौ कै खौड़ै हौंव, तौ तोंवारै मन दै कोसी कारिए नफरत हौंव, तौ तैसीखै माफ कौरेया: इथकारिए पौरमेशवर जू तोंवारा पिता औसौ औरौ जू स्वर्ग दा रौंव तोंवारै पाप माफ कौरौ।

यीशुए तैसीखै जोवाब दिया, “पौरमेशवर पांदी बिशवाश राखौ, कै तुऐं जू किछै मांगै राए सै तुऔं दैंदाए।

औरौ तिनुखै उपदैश देएबा बौल़ौ, “पवित्र शास्त्र दो लैखै राए, कै मैरा मन्दिर सौबी देशो कै लोगौ कारिए प्रार्थना का घोर बौल़ै जांव। पौरौ तुऐं इथुखै डाकुओं लैई भोरेयोंदे गुफा कै जैशणौ बाणै राए।”

औरौ किछै लोग यीशु कै आगै-आगै औरौ पौछौड़ियौ-पौछौड़ियौ चालै रौवै थिए। तोबै सौबै खुश हौयौ जोर शै बौल़ौ थिए, “पौरमेशवर कै बौड़ाए हौंव! धन्‍य औसौ सैजा जू प्रभु कै औधिकार शै आंव।

धन्‍य औसौ! अमारै बुड़ेईक राजा दाऊद का राज्य जू पौरमेशवर कै औधिकार दा आए रौआ; पौरमेशवर कै बौड़ाए हौंव जू स्वर्ग दा रौंव।”