آیات محبوب کتاب مقدس از मत्ती 18

به اشتراک گذاشتن

जिथुकै जिथै दो या तीन मैरै चैलै हौणौ कै बौजैह शै कौठै हौंव, तिथै हांव तिनकै बीच मुंजी होऊं।”

औरौ हौजौ हांव तुऔं खै बुलू, जै तुऔं मुंजीदै दो आदमी धोरती पांदी कोसी बातौ कारिए जू बै सै मांगो, ऐक मन सै मांगलै, तौ सै मैरै पिता की औरौ शै जू स्वर्ग दा औसौ तिनु कारिए हौए जांदो।

इथपांदी तैणै ऐकी भैईया खै आपणै धोरे बौएदैयौ तिनकै बीच दा खौड़ा कौरा। औरौ बौल़ौ, “हांव तुऔं खै साचौ बुलू, जै तुऐं आपणै पापौ शै ना फिरले औरौ नानड़िया कै जैशणै ना बोणले, तौ स्वर्ग कै राज्य दै ना जाए सौकदै।

जू कुणिए आपी खै ऐसी भैईया कै साए नानड़ा बाणल़ा, सै स्वर्ग कै राज्य दा बौड़ा हौंदा।

औरौ जू कुणिए मैरै नांव शै ऐक ऐशणै नानड़िया खै अपनांव सै मुखै अपनांव।

हांव तुंवागै साचौ बुलू, कै जू किछै तुऐं धोरती पांदी बानलै, सै स्वर्गो दो बानै जांदो, औरौ जू किछै तुऐं धोरती पांदी खोललै सैजौ स्वर्गो दो खोले जांदो।

ऐशैखैई जै तुऔं मुंजीदा हरेक बिशवाशी भाए तैरै खिलाफ पाप कौरौ, औरौ जै तू तैसी मन शै माफ ना कौरे तौ मैरा पिता जू स्वर्ग दा औसौ, तुंआरी बै ऐशैखैई कौरदा।”

पौरौ जू कुणिए इनु नानड़ै लोगौ मुंजी शै जू मुं पांदी बिशवाश कौरौ, औरौ तैसकै पाप कौरवाणौ कै बौजैह बौणौ तैसी कारिए ऐजौ आछौ हौंदौ कै ऐक बौड़ै चाकी का पाथर तैसकै टाटु दा टांगै दैंव औरौ तैसी डुंगै समुन्द्र दा पाए दैंव, जिथु तैसीखै ऐजै बुरै सौजा औसौ। पौरौ पौरमेशवर तैसीखै इंदैदी बै बुरै सौजा दैला।

तुऐं का सुंचौ की जै कोसी आदमी की शौ भेड़ो हौंव, औरौ तिनुमुंजी ऐक भेड़ हाँईची जांव, तौ का निन्नानवे खै छोडे़बा, औरौ धारो पांदी जाऐबा तियौं हाँईचैयौंदी खै ना जोंदा?