آیات محبوب کتاب مقدس از YUHANA 6

به اشتراک گذاشتن

Akũ Yesu pìńnɛ: Makũmɛ pɔ́ble kũ àdi ń ká wɛ̃̀ndiia ũ. Nà ni gbɛ̃ kũ à sù ma kĩnaa dɛro, ími ni ma náanikɛri dɛ zikiro.

Luda Nini mɛ́ àdi wɛ̃̀ndi kpáḿma, mɛ̀baasi bi pɔ́kenlo. Yã kũ ma òárɛnɔmɛ Luda Nini kũ àdi ń ká wɛ̃̀ndiia yã ũ.

Àsun zĩ kɛ pɔ́ble kũ àdi láka yãiro, sé pɔ́ble kũ àdi ń ká wɛ̃̀ndi kũ àdi lákaroa. Bisãsiri Nɛ́ mɛ́ ani á gba pɔ́ble pìi, zaakũ àpiin De Luda a sèedaa kɛ̀a.

Zaakũ pɔ́ kũ ma De yein dí: Gbɛ̃ kũ à wɛ́ pɛ̀ a Nɛ́a, akũsɔ̃ àtɛni a náani kɛ gɔ̃ wɛ̃̀ndi kũ àdi lákaro vĩ, má a vu gɔrɔ kpɛde zĩ.

Yesu wèḿma à pì: Yã kũ Luda ye à kɛn dí: À gbɛ̃ kũ à a zĩ̀ náani kɛ.

Gbɛ̃ kũ ma De kpàma ni su ma kĩnaa, mani pɛ́ gbɛ̃ kũ à sù ma kĩnaaa zikiro.

Simɔ Pita wèa à pì: Dikiri, dí kĩnaan óni gɛ́nn? Ń wɛ̃̀ndi kũ àdi lákaro yã vĩ.

Makũmɛ pɔ́ble wɛ̃̀ndide kũ à bò musu pì ũ. Tó gbɛ̃ adi blè, anigɔ̃ kun gɔrɔ sĩnda pínki. Pɔ́ble kũ mani kpáḿmamɛ ma mɛ̀baasi ũ, de andunia gɔ̃ wɛ̃̀ndi vĩ yãi.

Gbɛ̃ke ni fɔ̃ à su ma kĩnaaro, tó adi kɛ ma De kũ à ma zĩ a sìsi baasiro, mani a futɛ gɔrɔ kpɛde zĩ.

Pɔ́ble kũ Luda kpà pìin gbɛ̃ kũ à bò musu àdi wɛ̃̀ndi kpá anduniaa ũ.

Makũmɛ pɔ́ble kũ àdi ń ká wɛ̃̀ndiia ũ.

Yesu burodii pìnɔ sɛ̀ à arubarikaa dàn, akũ à kpàatɛtɛ gbɛ̃ kũ ò vutɛnaa pìnɔnɛ lákũ ò yei nà. Lɛn à kpɔ̀ɔ kpàḿma lɛ dɔ. Kũ ò kã̀ ó pínki, à pì a ìbanɔnɛ: À a kpara kũ à gɔ̃̀ sɛ́tɛ pínki, de a ke sún kɛ pãro.

Kũ a ìbanɔ gó lì ò kà kiloo sɔɔro ke suddo taka bà, akũ ò Yesu è àtɛn táa o íla, àtɛn na ń gói, akũ vĩna ń kũ. Akũ à pìńnɛ: Makũmɛ, àsun tó vĩna á kũro.