آیات محبوب کتاب مقدس از Matio 7

به اشتراک گذاشتن

Pi lúɔ, e Ssé ge náa mbwó pi. Pi fa’, e Ssé ge gÿo pi gyá. Pi kwá’te ncwò ndá, à ge tsɔ́’ ńná né pi.

Nyìŋ lúɔ mmó, mbà mé ge náa mbwó yé, éfa’, mbà à ge gyá, ḿbiŋ ńkwá’te ncwò ndá, mbà mé ge tsɔ́’ e ná né yé.

Nyìŋ lɔɔn ńtó ńtsɛ́ɛ wɔ̀ɔn, ńzẅí’te shwóŋò yɔ́ɔn, ńgÿo pá’ á ne ńzɛ́te, mbà ngàŋ gwá’a tsɔ̌ nzsè nò wá gẅie, à la cʉ́’ʉ lékwɛ́ ndá yé, ńtúŋo jʉ’ tà ńgyá máa tóon, ńtÿɔ́g ndá ndùm wɔ́.

Àmmó gie pi ne ńtsɔɔn ngie mé gÿo ná pi la, pi gÿo kwà’ yɛ̌ gí ná petsɔ́ pʉ̀a. Pi lɔɔn ńgÿo pú’u, mbà á ge gwɔ́ mmó gie *lepʉ̌ Mǒsê mbɔɔ meŋwà’ne pà *ntsẅì nkʉ̀ Ssé zɛ́te

Tá ncwò nká’ gẅie é gee lá’ letsẅɛ́ temi, kʉ́mte kʉmtě. Mánzsè piŋ ńtege tege, pà pfó wɛ̌ té gyɔ́ɔn.

Pi cʉ́’ʉ léfa’a mánzsè tÿǒ lepwó, ḿpfó pɔ́ nà ncwò nká’ gẅie é kʉ́mte kʉmtě. Ncwò nká’ gẅie é gú’ tɛ’, é gee pɔ́ né lá’ legwé. Mánzsè gẅie à gee lá’ legwé gú’ tɛ’, lelÿò pʉ̀a né ḿpfó pɔ́ wɛ̌.

Pi pie pi fʉ̀’ nò tɛ’ zsé léna shúm mbòŋo á mbwó gubé gí, tà ngʉ̀a shÿɔ́’ɔ ná Tá gẅi gẅie aa tÿǒ lepwó? À ge ná shúm mbòŋo mbwó pʉ̀a pie pɔ́ lǔɔ mbwó yé.

Tà pi ńnéŋe ńtúu *melɔ̌’ pʉ̀a, ḿbɔ́g Ssé létúu gí *lɔ̌’. Á ge fó pɔ́ nà ntí gie pi lɔgɔ ńtúu *lɔ̌’ petsɔ́ pʉ̀a, tá Ssé túu *lɔ̌’ɔ gí gí. Pi zsé ngie: E Ssé ge táa ńnéŋe pɔ̀ɔn gí pɔ́ pá’ pi zɔɔn ńnéŋe yé petsɔ́ pʉ̀a

Tá nyìŋ gẅie à ju’ú shwóŋò yɔ́ɔn, à tè gÿo pá’ n gɔ̌ɔn wɔ́, mbà ngàŋ gwá’a gʉ̀gʉ̀ nyìŋ gẅie à la kwɛ́ ndá yé té túŋo cÿó.

Á piŋ ńgÿo lêkɔ́ ɔ̀ ne ńgyá mùɔ méfùbe pǐŋ gie e gwě lejÿɔ́g fɛ́ gù, tá kúme núŋe lejÿɔ́g gù, ɔ̀ piŋ ńké tè ne ńgyà wɔ́? Ńgwɔ́ ɔ̀ gÿo lêkɔ́, tá ńgɔɔn né fɛ́ gù ngie: Àfɛ́, cʉ́’ mèŋ n kẅile fùbe pǐŋ yɛ̂ gie ee lejÿɔ́g gù lɛ̂, ńgwáa gɔɔn, éfó le ne ńgyá kúmo gẅie á nuŋe tsɛ̀ɛ shú wɔ́?

Pi laga twó gí nà pʉ̀a pie é cÿɔɔ nò ngie pɔ́ ee pà *ntsẅì nkʉ̀ Ssé. Pɔ́ gwaa tóo lejʉ́ŋ pi ḿma’ *ngùb *njʉ̀njÿò tá nkwaŋá wɔ́b gwɔ́ pɔ́ we menɔ́ɔn ngẅi. Pi ge zsé wɔ́b nà ngÿǒ menò mɔ́b. Mé e ntě ńkába shʉ́shÿó na tÿǒ shʉ́shÿó nè wɔ́, ndʉŋ ndʉŋ pá’ à lɔɔn ńgwɔ́ mé le káb lepfo á nà tÿǒ lengɔ́ɔn wɔ́.

Tÿǒ mbòŋo zém pɔ́ ntɔ̌ɔn mbòŋo, tá tÿǒ tepòŋ zém pɔ́ ntɔ̌ɔn tepòŋ

ńgwɔ́ tÿǒ mbòŋo le zém ntɔ̌ɔn tepòŋ wɔ́, àtÿǒ tepòŋ ké le zém ntɔ̌ɔn mbòŋo wɔ́.

Àtÿǒ gie á té zém ntɔ̌ɔn mbòŋo wɔ́, mé kɔ́’ ńtuɔ mmɔ̌g.