آیات محبوب کتاب مقدس از Mateu 5

به اشتراک گذاشتن

Timaa yamundeka lamparina yaxari arama ae kaxa upe maa yaxari ae uwapika sendawa upe umuturi arama panye uka upe. Ape pexari peturi umuturi aintarese kuaita miraita irumu kua purangawaa pemunyawaa aintaumaa aintaumee arama purangawaa yanepaya supe iwaka kiti.

—Penyete kua mundu turi timaa yapuderi yayumimi kua tetama uikuwaa iwitera rese.

—Suuri kuri kuaita urikuwaita aintaumanduarisawa ikiaimawaa nyãse aintaumaa kuri Deus.

—Suuri kuri kuaita usikariwaita kua purangawaa nyãse teresemu kuri aintapia.

Maa hambeu penye: —Pegustari kua peruanyanaita, pepurandu Deus irumu aintarese kuaita umuruanyanawaita penye.

—Suuri kuri kuaita umanduariwaita pirasua ainta aintapia upe nyãse aintaruixawa kua iwaka ruixawa.

—Suuri kuri kuaita uxariwaita amuita aintauyumaa puranga nyãse Deus rairaita kuri yaseruka ainta.

—Suuri kuri kuaita uyaxiuwaita nyãse Deus kuri umusuuri ainta.

—Suuri kuri kuaita aintaumuruanyanawaita purangawaa resewara nyãse aintaruixawa kua iwaka ruixawa.

—Suuri kuri kuaita uajudariwaita pirasuawaita nyãse pirasua aintaumaa ainta supe.

—Suuri kuri penye aintauyakawa rame penye seresewara suuri kuri penye aintaumuruanyana rame penye aintauganani rame perese panye puxuwerawa. —Suuri kuri peyumaa peyumusuuri kuri nyãse periku kuri turusu purangawaa iwaka kiti nyãse yawe aintaumuruanyana kuaita utitikawaita perundere.

—Suuri kuri kuaita tiwaita ipiaiwa nyãse aintayara kuri kua ara.

—Penyete kua mundu yukira usasawa rame yukira sui sembikasawa, mayetaa maa yapuderi yaxari umusembika yuiri ae? Maa timaa arama ae anyunte maa yamburi ae yaneipi iwira kiti yapiru sese.

Ape kuri pesikari purangawaa pemanduarisawa umanduarisawa yawe kua pepaya iwaka kitiwara.

Pepurungita rame penye pembeu supiwa u ẽẽ u pembeu umbaa, puxuwera kua yambeuwaa senunde kiti piri.

Pesenduana maye aintaumbeu kuxima: —Amu unupa rame neresa upe rerikute renupa sesa upe yuiri, amu unupa rame neranya rerikute renupa yuiri sanya. Maa hambeu penye: —Teremunya puxuwera neruanyana supe unupa rame inde neratipi rese remuyereu suaxara sui unupa arama sese.

Neresa katusawa uxari rame remunya puxuwera purangate remusaka remburi nesui ae, maa purangate maa ukanyemu nesui yepe neresa tiarama aintaumburi inde panye nepira irumu infernu kiti. Reputari rame remunya puxi neipu katusawa suiwara irumu purangate remunuka ae remburi arama nesui ae, puranga maa ukanyemu yepe neipu tiarama aintaumburi inde panye nepira irumu infernu kiti.