آیات محبوب کتاب مقدس از Juan 6

به اشتراک گذاشتن

Abinaja Jesúsnö bä nowa taö ja a cuma. —Bä ba̦limi cuobä cäcö nii lä cui, ö̦jö bei ya. Camiyä nija bä lä juu wei bä nia ofäimi. Camiyä wale a̦ bejedi lä bufii wejei bä nia amishaö co̦daaimi.

Yai Bada tä Bufinö täbä shino yanowamö ba̦limiblamaö, cama yanowamö täbä showawänö mlai. Cafä wamacö nija ya wa̦ lä faö wei ya wa̦nö, bämacö bufi jaducublamabä ya wa̦, Yai Bada tä Bufinö wamacö ba̦limiblobä.

’Nii bä mladou si lä ijejei bä ja, bä cuaablalou fe balojoo dijä. Täbä ba̦limi cuobä cäcö nii ja, wamacö shino yai ojodamobä. Ö̦jö cäcö nii ja wamacö dobämobä, ei lä ya waiquiwä, camiyä ya lä yanowamöblaleyoluno wei ya lä cui. Fayä Yai Bada tänö wale nö malä ö̦jöböamale —bä nowa tama.

Abinaja Fayänö täbä taamaö bufi doblao malä cui. Bä Ijilubö wale nö yai lä ö̦jöböaö wejei bä lä cui, wale a̦ bejedi bufiije ja, bä ba̦limi tamabou bufi doblao. Tä lä jödödöblole däjä, ö̦jö ya bä nia demi jocädamaö co̦o —a cuma.

Abinaja Jesús e cuma. —Yai Bada tänö wale lä shömöleno wei wamale a̦ bejedi da bufi, ö̦jö lä. Ö̦jö lä tä nabä shino shömaö —e cuma.

’Camiyä nija Fayänö bä yanowamö lä jöböaö wei bä bluca lä cui, camiyä nija ö̦jö bä nia juu. ¿Ö̦jö tawä? Camiyä nija bä lä juu wei bä lä cui, ya bä waii mlaicätä.

Simón Pedro abinaja e cuma. —Tä a̦ wäyäle. ¿Wedi jamö a lä cui nija yamacö juu nomöjöobä? Täbä nia lä ba̦limiblou wei, cafänö wa tä a̦ yai li tabou.

Bä ba̦limi cuobä cäcö nii lä cui, ö̦jö bei ya waiquiwä, fedu jamö culanö ya lä itolayono wei ya lä cui. Camiyä ya cö nii lä cui ja bä lä iyaö wei bä lä cui, ba̦limi bä nia cuo. ¿Ö̦jö tawä? Yanowamö täbä ba̦limi cuobä ya cö nii lä jöböaö wei, bei ya ya̦ji nia jöböamou —a cuma.

Wale lä shömöleno wei, Fayä a lä cuinö bä blacämaimi ja, camiyä nija cama bä nia juu bädaomi. Bä lä blacämaö wei bä lä cui, tä lä jödödöblole däjä, ö̦jö ya bä nia jocädamaö co̦o.

Yai Bada tänö cäcö nii lä jöböaö wei cäcö lä cui, fedu jamö cäcö cuoma cäcö itolayoma. Yanowamö täbä ba̦limi cuobä, ö̦jö cäcö nii yai —Jesús e cuma.

Ba̦limiblamamodima cäcö nii lä cui, ö̦jö lä ya.

Ö̦jö däjä, nii 5 bä lä cuono wei, Jesúsnö bä dälema, yuli bolacabö cäcö ca̦i. Ö̦jö bä fa dälönö, fedu jamö a mö fa nonoicunö, bä nia lä iyano wei tä ja Yai Bada nija a bufi a̦fa doblalou wäyämoma. Ö̦jö däjä, bä bluca lä loono wei bä nijamö, bä jöböamaö cuaaö bufima. Yuli cäcöbö ma cui, inaja showawä, bä bufi läablalou mlai ja, bä jöbäaö cuaabeje. ¿Ö̦jö tawä? Täbä bluca fa iyaolalunö, bä bädöolaliyoma. Ö̦jö däjä, cama ebä lä nocamabono wei bä lä cui, abinaja Jesúsnö bä nowa taö nomöjöoma. —Bei. Nii bä sheje lä damalajei bä da co̦ablaje, bä wa̦lio bädao mlaobä —bä nowa tama.

Ö̦jamö lä, modu u möamo ja bä yacolemou showao däjä, modu u feyaca jamö Jesús a jelejewä juu ajedoimama. Bä quilia fe balojolaliyoma. Ö̦jö ma cui, Jesúsinö lobe bä quilii wasöblalema. —Ei camiyä cä ya. Bä quili dijä —bä nowa tama.