آیات محبوب کتاب مقدس از Matayo 6

به اشتراک گذاشتن

Konye komoata bere ajakaanut keng' ka adolit keng'. Koraunete iboro lu kere lukus.

Kanuka ng'unu mam akiyalolong' kuju kanuka imoi, naarai iyalolong'i moi nu keng'. Kinyek kilesikinosi ng'in apaaran ka ican keng'.”

“Kanuka ng'unu alimokini eong' osi ebe mam akiyalong'ong' kuju ka akijar kus, kuju ka inyamat kere kuju ka imaten kere de kuju ka akwana kon ka inapen. Mam akijar kedeparit inyamata, bobo akwana kedeparit inapen?

Konye ilipi ijo, kolom otogo kon, kogolok ekek, kosodi ijo akilip Papa kon lo mam ketakani; kosodi Papa kon lo itee nu isomae ijo ka aiyeya akiropo ijo.”

Kanuka ng'unu, kilipata kokipone kalo: “Papa kosi lo ejii toma kuju: Ekiror kon kiturwoi; Ajakaanut koni kobu: Kisomakinosi nu kokwap kwape ikotore ijo kisomakinosnosi kotoma kuju.

Koinakine siong' lolo inyamata luka ng'in paaran.

Korimak siong' arokusio kosi, Kwape irimanakinata siong' arokusio nu isomanakinete itung'a ice siong'.

Siri kiyaa siong' toma atamisio, Konye koyuu siong' kamaka loka asurup.”

“Kirimaki ijo itung'a arokusio kes, Papa kon de loko kuju erimakini ijo

Kong'olekisi ikweny; mam keyeete, mam kedwenyete, kere aituk odula konye itani Papa kus loko kuju kesi. Mam osi kilanyito kesi?

Mam aking'adakin abara kus ka akwap nama emunaunata ikur kiton ekutu, ka ikokolak akibil ka akokoyaar. Konye king'adakisi abara kus kuju, nama emam ikur ka enyol kebekiinete amunaun, ka ikokolak kebeikinete akibil ka akokoyar. Naarai nama ejii etau kon nes ejii ajakaanut kon.

“Emam itwan ni ebeikiit akijaanakin ijakaa iare. Eminuni ipe kosodi akadakin nice; eyong'i ipe kakimwaar nice. Mam ijo kibeikiit akijaanakin Akuju ka abara.”

Konye kerait ebe ng'olo nesi ekipone itanapia Akuju inya lu lolo ejariete moi kochakakinete akimi, mam nesi kitanapi osi adepar neni, Okwai itung'a lu edit akiyuun?”

Konye iinakini ijo itwan aking'arasit, mam aisikin akani kon na kokidieny kojen ibore ni isomae akani kon na koteten, tetere aking'arasit kon ideun kakimunon; Kiropi ijo Papa kon lo itee nu isomae ijo kakimunon.”

“Kocoikinosi! Mam asoma nuka adolit koking'aren ka itung'a tetere anyunete osi; naarai mam ijo kidumuni eropit kamaka Papa kon kaloko kuju.”

“Bobo ilipi ijo ikanyi eteng'e, mam akitodikiite ereet lo ekadakit kwape isomaata luka esoswai. Inyekinete aputou kes tetere anyuni ng'ini itwan ebe ilipete kesi. Kalimokini eong' osi abeite ebe adautu kesi adumun eropit kes ilesikina. Ikanyi ijo eteng'e, kiyamoo akonyen kon, kitenak itima, tetere emam ice kejenunete ebe ikanyi ijo eteng'e — Papa kon bon lo emam ketakani nesi ejenuni. Papa kon lo itee nu isomae ijo kakimunon, kiropi ijo.”