آیات محبوب کتاب مقدس از LUKA 12

به اشتراک گذاشتن

O na inyuĩ ikaragai mwĩhaarĩirie: nĩ gũkorũo Mũrũ wa Mũndũ nĩagoka o thaa ĩrĩa mũtegereirie.

No rĩrĩ, caragiai ũthamaki wa Ngai, nacio indo icio nĩmũgakĩrĩrĩrio.

Agĩkĩmera atĩrĩ, Wĩmenyagĩrĩrei nĩguo mũtikanagĩe na riitho rĩraya o na atĩa: nĩ ũndũ muoyo wa mũndũ nduonekaga nĩ ũndũ wa ũrĩa indo ciingĩhĩte iria arĩ nacio.

Nĩ gũkorũo o kũrĩa ũtonga wanyu ũrĩ, nĩkuo ngoro cianyu nacio ikoragwo irĩ.

Na rĩrĩ, nũ wanyu ũngĩhota kwĩongerera kĩũga gĩake mũkono ũmwe nĩ ũndũ wa gwĩtangĩkĩra?

Agĩcoka akĩĩra arutwo ake atĩrĩ, Nĩ ũndũ ũcio ngũmwĩra atĩrĩ, Tigagai gwĩtanga nĩ ũndũ wa muoyo wanyu, o kĩrĩa mũrĩrĩaga; o na kana nĩ ũndũ wa mĩĩrĩ yanyu, o kĩrĩa mũrĩĩhumbaga.

No rĩrĩ, o na njuĩrĩ cianyu cia mũtwe nĩ ndare ciothe. Tigagai gwĩtigĩra: inyuĩ mwĩ bata gũkĩra tũnyoni tũingĩ.

Inyuĩ a karũũru gaka kanini, tigagai gwĩtigĩra, nĩ gũkorũo Ithe wanyu nĩeyendeire kũmũhe ũthamaki ũcio.

Taranagiai ũhoro wa mahuru, atĩ matihandaga irio, kana makagetha; na matirĩ na nyũmba cia kũiga indo, o na kana makũmbĩ; nake Ngai nĩamaheaga irio: kaĩ mũtakĩrĩ bata mũno gũkĩra nyoni!

Na inyuĩ-rĩ, tigagai gwĩcarĩria kĩrĩa mũrĩrĩaga, na kĩrĩa mũrĩnyuaga, na mũtigatuĩke andũ a mathangania.

Na angĩkorũo Ngai nĩagemagia nyeki ya gĩthaka ũguo, ĩrĩa ĩgũtinda ho ũmũthĩ, na rũciũ ĩgaikio icua-inĩ, githĩ ndangĩkĩria mũno kũmũhe nguo, inyuĩ mwĩtĩkĩtie o hanini?

No rĩrĩ, gũtirĩ ũndũ mũguĩkĩre ũtakaguũrio; o na kana ũndũ mũrinde ũtakamenyeka.